யாழ்-17

யாழ்-17

“கீர்த்தனா எங்காவது வெளில
போலாமா?” என்று சனிக்கிழமை லீீீீவ் போர் அடித்தவளாக ராஷ்மிகா கேட்க..

“போலாமே அண்ணி.. ஆனா அண்ணன் கிட்டக் கேட்டுக்கலாம்” – என்று கீர்த்தி சொல்ல..

“அய்யோ” என்று சிணுங்கிய ராஷ்மிகா “கீர்த்தனா பாசமலரையே மிஞ்சிடுவ
போல” என்றாள் ராஷ்மிகா.
அஸ்வினிற்கும் ராஷ்மிகாவிற்கும் சுமுகம்
ஆனதில் இந்த நாத்தனார்களின் பனிப் போரும் முடிந்தது.

ஷோபாவில் இருந்து எழுந்த ராஷ்மிகா “உன் அண்ணன் கிட்ட சொன்ன.. ‘என்ன வேணும்னு சொல்லு.. நானே வீட்டுக்கு கலெக்ஷன் கொண்டு வர சொல்றேன்’… அப்படின்னு சொல்லுவாரு” – என்று
அஸ்வினைப் போலவே நின்று சொல்லிக் காட்டிவிட்டுத் திரும்ப சமையல் அறையில் இருந்து வெளியே வந்த மாமியார் இவளைத் தான் கவனித்துக் கொண்டிருந்தார்.

“அம்மா.. என்னம்மா இது.. இப்படியா நின்னுட்டு இருப்பிங்க.. தர்ஷுக்கு பசிக்குது பாருங்க.. ஏதாவது சீக்கிரம் செய்யுங்க” என்று மாமியாரிடமே அஸ்வினைப் போல பேசிக் காண்பிக்க.. செல்வமணி மகனைப் போலவே அச்சு அசலாக தாடையை நிமிர்த்தி கையை ஆட்டி ஆட்டி அவள் பேசிய விதத்தில் அவருக்கு சிரிப்பு வந்தது.

“எப்படி கீர்த்தனா.. இதான எப்போமே உன் அண்ணன் டயலாக்” என்று திரும்ப..
அஸ்வின் தான் வாயிலில் சாய்ந்து நின்றபடி இவளின் செய்கையை கவனித்துக் கொண்டிருந்தான்.

“வேற என்ன மேடம் பேசுவேன்.. அதையும்  பண்ணிக் காட்டுங்க பாக்கலாம்” என்று  கூறியபடியே உள்ளே வந்தவன் தங்கையின் அருகில் அமர்ந்து கொண்டான்.

“அவ்வளவு தான்.. வேற எதுவும் இல்லை” என்றவள் மாமியாருடன் சமையல்
கட்டிற்குள் புகுந்து கொண்டாள்.

“அண்ணா.. அண்ணி எங்காவது போலம்னு சொன்னாங்க” என்றவள் “நீயும் வாண்ணா.. எல்லாரும் போயிட்டு வரலாம்.. ரொம்ப நாள் ஆச்சு” என்று அன்புத் தங்கை இம்சை மனைவியின் விருப்பத்தைக் கேட்க..

“சரி போய் கிளம்புங்க.. போயிட்டு வரலாம்” என்று சொல்ல.. கீர்த்தியோ குதித்துக் கொண்டு உள்ளே ஓடி அஸ்வின் சொன்னதை அம்மா,
அண்ணியிடம் சொன்னாள்.

பெண்கள் மூவரும் வெளியே வர “அப்ப அண்ணா நைட் வெளில சாப்பிட்டு வந்திடலாம்” என்று கீர்த்தி சொல்ல..

“உங்க ப்ளான் தான்.. இன்னிக்கு நான் ஃப்ரீ தான்” என்று சொன்னவன் தனக்காக அன்னை கொண்டு வந்த டீயை
குடிக்க ஆரம்பித்தான்.

கிளம்பலாம் என்று பெண்கள் அவரவர் அறைக்குள் செல்ல.. அஸ்வினோ டிவியை ஆன் செய்து செய்திகளை பார்த்துக் கொண்டிருந்தான். மனைவி
சொல்லி கிளம்பி வந்த நாகேஷ்வரன் “குமரா.. நீயும் போய் கிளம்புனா கரெக்டா
இருக்கும் பா..” என்று சொல்ல.. தலையை ஆட்டிவிட்டு எழுந்து தன்னுடைய அறைக்குச் சென்றான் அஸ்வின். 

கதவைத் திறந்து கொண்டு உள்ளே சென்றவன் அப்போது தான் ராஷ்மிகா தலையை சீவிக் கொண்டிருந்ததை
கவனித்தான். “இந்த பொண்ணுங்க ரெடி ஆக ஏன் தான் இவ்வளவு நேரம்
ஆகுதோ..” என்று அவன் பாட்டுக்கு தனது கப்போர்ட்டில் இருந்த துணியை எடுத்த
படி சொல்ல..

“ஹலோ எக்ஸ்க்யூஸ்மீ… எங்களுக்கு அந்த அளவுக்கு பாத்து பாத்து ரெடி ஆகணும்.. உங்கள மாதிரி ஒரு சட்டை
பான்ட் மட்டும் போட்டுட்டு அப்படியே தலைய கூட சீவாம வர முடியுமா” – என்று தலையை சீவிக் கொண்டிருந்தவள் அவனிடம் திரும்பி கேட்க..

“ஹே.. அப்ப நீ பொண்ணா.. சொல்லவே இல்ல.. நான் கீழ அம்மா தங்கச்சிய  சொன்னேன்.. உன்ன எல்லாம் நான் பொண்ணுன்னு சொல்லுவனா?” என்று விட்டு அவன் திரும்ப..

அவ்வளவு தான் “எது நான் பொண்ணு இல்லியா.. நான் பொண்ணு இல்லியா” என்று கேட்டுக் கொண்டே சண்டையிட வந்தவளிடம்… “ஹே.. இந்த லிப்ஸ்டிக் ஷேட் நல்லா இல்லை.. ரெட் ஷேட் போடு” என்று அஸ்வின் சொல்ல..

“அப்படியே பேச்ச மாத்தறது..” என்று முறைத்தவளை..

“இல்ல இல்ல உண்மையா தான்.. ரெட் வில் லுக் குட் டூ யூ” என்றவன் “சரி நீ கேட்டதுக்கு பதில் சொல்றேன்.. நீ எவ்வளவு சண்டை போட்டாலும் உன்ன
பொண்ணுனு என்னால் அக்ஸப்ட் பண்ணிக்க முடியாது” என்றான் சிரிப்பை அடக்கிய படி.

அவனின் தோளில் அடித்தவள் “ம்கூம்” என்று அவள் போய் ரெடியாக.. அஸ்வின் குளியல் அறைக்குள் புகுந்தான்.

“நீங்க போயிட்டு வாங்க ப்பா.. நானும் அம்மாவும் இங்க உக்காந்திருக்கோம்” என்று அந்த மாலில் ஒரு காஃபி ஷாப்
முன்னிருந்த பெரிய இருக்கையில் அமர்ந்த நாகேஷ்வரனும்.. செல்வமணியும் சொல்ல.. அஸ்வின், ராஷ்மிகா, கீர்த்தி ஒன்றாக சென்றனர்.

“என்ன வாங்கறிங்க இரண்டு பேரும்” – என்று அஸ்வின் கேட்க.. இரு பெண்களும் இருவரின் முகத்தைப் பார்த்துக் கொண்டு அவனிடம் உதட்டைப் பிதுக்கினர்.

“வெறும் கையோட போறதுக்கா வந்திங்க” – என்று அஸ்வின் வினவ..

“இல்லண்ணா… வீட்டுக்குள்ளேயே அடஞ்சு
கிடக்க முடியல.. அதான்..” என்று கீர்த்தி பேசிக் கொண்டே போக..

“அதுதான் இங்க வந்து பேசலாம்ன்னு வந்திங்களா” என்று தலையில் அடித்துக்
கொள்ளாத குறையாகக் கேட்டான்.

கீர்த்தியோ இரு புருவத்தைத் தூக்கி அப்பாவியாகச் சிரிக்க.. “கீர்த்தனா நீ வா நம்ம போலாம்.. சில பேரு எல்லாம் வந்தா வரட்டும் இல்லைனா இங்கையே எங்காவது ஓரமா உக்காரட்டும்” என்று அவனைப் பார்த்து வேண்டுமென்றே ராஷ்மிகா சொல்ல…

“ஏ.. போடி..” என்றவன் “தர்ஷு நீ என் கூட வர்றியா.. இல்ல இது கூட போறியா” என்று கை காட்டி ராஷ்மிகாவை “இது”
என்று சொல்ல..

“இதுவா?” என்று வாய் பிளந்த ராஷ்மிகா.. “கீர்த்தனா.. நீ என் கூட வர மாட்டேல” என்று கீழ் உதட்டை சிணுங்கிய படி
வைத்துக் கேட்க கீர்த்திக்கோ “அட யாருடா இதுங்க..” என்று இருவரின் நடுவில் சிக்கி முழித்த கீர்த்தி,

“அய்யயோ நான் வரலப்பா.. நீங்க என்னமோ பண்ணுங்க.. நான் ஏதாவது தனியா போய் பாத்துட்டு வரேன்” என்று
அவள் விடுங்கடா என்னை என்பது போல திரும்ப..

“தர்ஷு… பாத்து” என்று அண்ணனாக கீர்த்தனா ஆதர்ஷினியை அஸ்வின்
எச்சரிக்க.. அதில் திரும்பிய அவளோ..

“அண்ணா நீ அண்ணி கிட்ட பாத்து இரு” – என்று எச்சரித்து விட்டு நடந்தாள் அவள்.

“ம்கூம்” – என்ற சத்தத்தில் அஸ்வின் திரும்ப.. ராஷ்மிகாவோ “போலாமா?”
என்றாள்.

“எங்க? உங்களுக்கு தான் பர்சேஸே இல்லன்னு சொல்றிங்களே இரண்டு
பேரும்” – என்றவனிடம்…

“மால் எல்லாம் வந்தா வாங்கத் தான் வரணுமா?” என்று கேட்டவள் “ஜாலியா சுத்தக் கூட வரலாம்” – என்று ராஷ்மிகா
சொல்ல..

“சரி போலம்.. என்ன தான் ஜாலின்னு பாக்கலாம்” – என்று அவளுடன் நடந்தான்.

“நீ ஏன் திடீர்னு மனசு மாறின?” என்று மொட்டையாகக் கேட்டான் அஸ்வின்.

“என்ன மனசு மாறுன? புரியல” என்று கேட்டாள் ராஷ்மிகாவோ.

“திடீர்னு ப்ரண்ட்ஸா இருக்கலாம்னு சொன்னியே.. அதைக் கேட்டேன்” என்று
கேட்டவனை திரும்பிப் பார்த்தவள்..

“அது எப்ப பேசுனது.. இப்ப தான் கேக்க தோணுச்சா” என்று கேட்டவள்.. “அது என்
மேல தான் தப்புன்னு தோணுச்சு யோசிச்சு பாத்தப்ப.. அதுவும் இல்லாம நான் என்ன மட்டும் தான் சுயநலமா
நினைச்சுட்டேன்.. நீ நினைச்சிருந்தா என்னை என்ன வேணாலும்
பண்ணிருக்கலாம்.. அதாவது போத் பிஃவோர் அன்ட் ஆஃப்டர் மேரேஜ்.. நீ அந்த மாதிரி பண்ணல..” என்றவள் “ஸோ
நீ என் கண்ணுக்கு கொஞ்சம்… அதாவது கொஞ்சம் மட்டும் நல்லவனா தெரிஞ்ச” என்று தன் ஆள்காட்டி விரலின் நடுவில் கையை வைத்து அளவு காட்டியவள் “அதான் உன் கூட ப்ரண்ட் ஆகலாம்ன்னு
முடிவு பண்ணிட்டேன்” என்றாள்.

நீளமாகப் பேசி முடித்தவளைப் பார்த்து “அது சரி” என்றவன்.. “நான் கொஞ்சம் இல்ல.. ரொம்ப கெட்டவன்..” என்று தாடையை நிமிர்த்தி வில்லன் போல அஸ்வின் பேச..

“ஹாஹா.. சிரிப்பு தான் வருது அஸ்வின்” – என்று கேலி செய்தவளை பொய்யாய்
முறைத்தான் அஸ்வின்.

“சரி.. இங்க ஹாரர் ஹவுஸ் இருக்கு போலாமா?” என்று அஸ்வின் கேட்க..

“அது பயமா இருக்கும்னு மான்சி சொன்னா” – என்றுத் தயங்கியவளை.. “அதெல்லாம் அவ்வளவா இருக்காது.. நீ
என் கூட வா” என்று அவளை அழைத்துக் கொண்டு விஷமப் புன்னகையுடன் சென்றான் அஸ்வின்.

மேல் ப்ளோருக்கு வந்த கீர்த்தி கிப்ட் ஷாப்பில் சும்மா சுற்றிக் கொண்டு இருக்க.. ஒரு ப்ரேம் வைத்த ஓவியத்தைப்
பார்த்தவள் தன்னை மறந்து நின்று ரசித்தாள். ஆம் அது கிருஷ்ணரும் ராதையும் ஓடை அருகில் இருந்த மரத்தில்
உட்கார்ந்து கொண்டு காதல் புரியும் ஓவியம். அந்த ஓவியத்தில் இருந்த  கண்ணனின் சாயலை திடீரென ஹர்ஷாவிடம் உணர்ந்தவள் தன்னை மறந்து புன்னகைத்தாள். அன்று
ரிசப்ஷன் முடிந்த பிறகு அவனை அவளால் பார்க்கவே முடியவில்லை. அவனிற்கும் வேலைப் பளு இருக்க..
இவளிற்கும் எக்ஸாம் என அனைத்தும் இருந்து இன்று தான் முடிந்தது.

ஹர்ஷாவை நினைத்த படி ஒரு
பெருமூச்சுடன் திரும்பியவளுக்கு இன்ப அதிர்ச்சி தான். ஆமாம் நம் ஹர்ஷாவே தான். அவள் இருந்த ஷாப்பின் எதிரில் உள்ள ஃபுட் கோர்ட்டில் உட்கார்ந்திருந்தான் அவன். துள்ளி எழுந்த மனதோடு அவள் அவனை நோக்கி நடக்க.. கொஞ்ச தூரம் சென்றவள் அப்போது தான் அவன் எதிரில் அமர்ந்திருந்த நான்கு பெண்களை கவனித்தாள். இவன்  பேசுவதும் அப்பெண்கள் சிரிப்பதையும் கண்டவள் அந்த ஓவியத்தை ஒரு முறை
எட்டிப் பார்த்துவிட்டு “நீ கண்ணன் தான்டா” என்று பல்லைக் கடித்தபடி அவன் அருகில் இருந்த டேபிளில் சென்று அமர்ந்தாள்.

பக்கத்து டேபிளில் யாரோ.. அதுவும் பெண் அமர்வதைக் கண்ட ஹர்ஷா அங்கே திரும்ப.. கீர்த்தனா ஆதர்ஷினியைப் பார்த்தவனுக்கு மனதெல்லாம்  பனிச்சாரல்.. அந்தப்  பெண்களை சாக்கு சொல்லி அனுப்பி வைத்தவன் கீர்த்தியின் எதிரில் வந்து
அமர்ந்தான்.

“ஓய்.. ஆரஞ்சு மிட்டாய்” என்று அவன் அழைக்க.. அவனை முறைத்த கீர்த்தி..

“யாரு அவளுக..” என்று வினவினாள்.. அவள் வயிரோ எரிந்து கொண்டிருந்தது.

“அது ப்ரண்ட்ஸ்..” என்று சமாளிக்க..

“டேய் டேய் நடிக்காத.. உன்னைப் பத்தி அப்பப்ப உன் அக்கா சொல்றாங்க.. நான்
கூட ஒருத்தி கூட கடலைன்னு நினைச்சா.. இங்க லைன் கட்டி உக்காந்துட்டு இருக்காளுக” – என்று புகைந்தாள் கீர்த்தி.

அவளின் பொசசிவ்னெஸ்-இல்
மனதிற்குள் சிரித்தவன் “ஹிஹிஹி” என்றவன் “ஆமா அக்கா என்ன சொன்னா?” என்று வினவினான்.

“அன்னிக்கு பேச்சு வாக்குல.. என் தம்பியை சுத்தி எப்போமே பொண்ணுங்க டார்ச்சர் இருக்குனு” என்றவள் உதட்டை
சுளித்து விட்டுப் பார்வையை வேறு பக்கம் திருப்பினாள்.

“நான் யார் பின்னாடியும் போக மாட்டேன் கீர்த்தி” – என்றவனை நக்கலாக கீர்த்தி பார்க்க..

“சரி சரி விடு.. இந்தக் கண்ணை வச்சே டார்ச்சர் பண்ணுவா இவ” என்றான். பின்னே கீர்த்தியின் பின்னால் இவன் அல்லவா சுற்றிக் கொண்டிருக்கிறான்.

பின் அவள் கேட்ட ஸ்வீட் கார்னையும் ஸ்பைஸ் கார்னையும் வாங்கி வந்தவன்..
அவளின் அருகில் உட்கார.. கீர்த்தியோ “ஈஈஈஈ” என்று பல்லைக் காட்டினாள்.

“நீ என்ன இங்க..?” என்று ஹர்ஷா வினவ..

“நான் இங்க அண்ணா அண்ணி.. அம்மா.. அப்பா கூட வந்தேன்.. அவங்க எல்லாம் கீழ இருக்காங்க” என்று கீர்த்தி சொல்ல..

“மிஸ்டர் ஹிட்லரும் வந்திருக்காரா.. அதிசயம் தான்.. தங்கச்சியை எப்படி தனியா அனுப்பிச்சாரு சார்ர்ரு..
கையிலியே வச்சு தாங்குவாரே” என்று ஹர்ஷா அஸ்வினை கேலி பேச..

“தங்கைப் பாசம் தான்.. என் மேலே தான்.. அவன் உயிரே நான் தான் தெரியுமா?.. அது சொன்னா உனக்குப் புரியுமா?”
என்று தனுஷ் ஷ்ரேயா நடித்த
திருவிளையாடல் படப் பாடலை கீர்த்தி பாடிக் காண்பிக்க..

“தெரியாம கேட்டுட்டேன் சாமி.. சாப்பிடு” என்று அவன் சொல்லி ஒரு நிமிடம் கூட
ஆகியிருக்காது.. “அய்யய்யோ சித்தப்பா டி… இங்க தான் வராரு” என்று சக்திவேலைக் கண்டவன் முகத்தை  அவருக்குத் தெரியாத வண்ணம் எழுந்து “வா போலாம்” என்று கீர்த்தியின் கையை பிடித்து இழுத்து அந்த இடத்தை விட்டு அகன்று லிப்டிற்கு அருகில் கூட்டிப்
போனான். கார்னை சாப்பிட்டுக் கொண்டே அவனுடன் வந்தவளை
முறைத்தவன் “ஏன்டி.. உனக்கு பயமா இல்லையா?” என்று வினவினான்.

“பயமா.. எனக்கா” என்று கேட்டவள் “ஹலோ நான் தி கிரேட் அஸ்வினோட தங்கச்சி டா.. எனக்கெல்லாம் அது வராது” என்று கெத்தாகச் சொன்னவளை விழி நிறைய பார்த்தான்.

அவளைப் பார்த்தவனின் கண்கள் அவளது உதட்டில் கடைசியாக வந்து நிற்க.. அவனை முறைத்த கீர்த்தி “மவனே பக்கத்துல வந்த.. எட்டி உதைக்கற உதைல லிப்டுக்கு உள்ள போய் விழுந்திடுவ”
என்று மிரட்டினாள்.

அவளின் அருகில் வந்து குனிந்தவன் ஸ்பூனை எடுத்து.. கீர்த்திக்கு ஒரு வாய் கார்னை அள்ளி ஊட்டி விட்டவன் “பை டி
பேபி.. நீ போய் பேமிலியோட என்ஜாய் பண்ணு” என்று அவளிடம் இருந்து விடை
பெற்றுக் கொண்டு சென்றவனை பார்த்துக் கொண்டே நின்றாள் கீர்த்தி.

கீழ் ப்ளோரில் ஹாரர் ஹவுஸில் இருந்து வெளியே அலறிக் கொண்டு ஓடி வந்தாள்
ராஷ்மிகா. பின்னாலேயே ஓடி வந்த அஸ்வினை முறைத்தவள் “பொய் சொல்லி ஒண்ணு இல்லைனு கூட்டிட்டு போயிட்டு ப்ராடு… உன்ன” என்று பல்லைக் கடித்தவளின் உடம்பு இன்னும் நடுங்கியது பயத்தில்.

“ஹே… கூல் ராஷ்மி.. சும்மா
விளையாட்டுக்கு..” என்று அவளின் தோளைப் பிடித்து சமாதானம் செய்து.. “சரி வா போலாம்” என்றான் அஸ்வின்.

“ச்சு.. ஒரு ஸ்லிப்பரை உள்ளேயே விட்டுட்டேன்” என்றாள் சிணுங்கிய படி. அவள் அலறி அடித்துக் கொண்டு பயத்தில் ஓடி வந்ததில் செருப்பு கழன்றது
கூடத் தெரியாமல் வந்திருந்தாள்.

அவளின் செயலில் வாய்விட்டே சிரித்த அஸ்வின் “வெறும் வாய் மட்டும் தான்” என்றவன் அங்கு வேலை செய்யும் ஆளிடம் சொல்ல அவர் அவளது காலணியை  எடுத்து வர… அதைச் சென்று வாங்கிய அஸ்வின் திரும்ப செருப்பை வந்து டக்கென்று வாங்கியவள் “என்ன அஸ்வின் இன்னொருத்தரோட
ஸ்லிப்பரை எல்லாம் கைல எடுத்திட்டு” என்றவள் செருப்பை காலில் அணிய குனிந்தாள்.

அப்போது தான் அஸ்வினிற்கே தோன்றியது. அஸ்வின் எப்போதுமே தன் ஸ்டேஸில் இருந்து இறங்கி வராத ஒருவன். அது அவனை சுற்றி இருக்கும் எல்லோருக்குமே தெரியும் அவனின் குடும்பம் உட்பட. அதாவது அவனுடைய
டேர்ம்ஸில் இருந்து இறங்காதவன். அப்படி இருக்க அவளுடைய காலணியை
எடுத்தது அவனுக்கே ஆச்சரியமாக இருந்தது. அவனுக்கு அதற்கு காரணமும்
தெரியவில்லை.

கலானியின் பெல்டை அணிந்தவள் “போலாம் அஸ்வின்” – என்றாள் புன்னகை முகத்துடன்.

“இரு அம்மா அப்பாக்கு கால் பண்றேன்.. இங்கையே ஒரு செட்டிநாடு ரெஸ்டாரன்ட்  இருக்கு.. சாப்பிட்டு போலாம்” என்றவன் “நீ தர்ஷுக்கு ஃபோன் பண்ணி வரச் சொல்லு” என்று ராஷ்மிகாவிடம் பணிக்க.. இருவரும் ஃபோனில் அழைக்க மூவரும் அங்கு வந்து சேர்ந்தனர்.

எல்லோரும் சாப்பிட்டு முடித்து விட்டு வெளியே வர.. சக்திவேல் மேல் தளத்தில் இருந்து இறங்கிக் கொண்டிருந்தார். “ஏங்க.. ராஷ்மிகா அப்பா” என்று கணவருக்கு செல்வமணி காட்ட.. நாகேஷ்வரன் அவரிடம் சென்று பேசினார்.

“சம்மந்தி” என்று அழைத்துக் கொண்டு நாகேஷ்வரன் செல்ல.. தன்னை யாரோ அழைப்பதில் திரும்பிய சக்திவேல் சம்மந்தியுடன் சேர்த்து அனைவரையும் பார்த்தார்.

“நல்லா இருக்கீங்களா?” – என்று சக்திவேல் கேட்க இருவரும் பரஸ்பரம் விசாரித்துக் கொண்டனர். சக்திவேல் ராஷ்மிகா அங்கிருந்ததை சட்டை  செய்யவே இல்லை. “நீங்க மட்டுமா வந்திங்க.. வீட்டில் எல்லாம் வரலையா?” என்று செல்வமணி கேட்க..

“இல்ல மா.. நான் இங்க ஒரு வசூலா வந்தேன்..” என்றவர்.. அஸ்வின் ராஷ்மிகாவைத் தவிர அனைவரையும் பார்த்து பேசிவிட்டு சென்று விட்டார்.

தந்தை தன் முகத்தைக் கூட பார்க்கவில்லை என்று எண்ணும் போதே  ராஷ்மிகாவிற்கு நெஞ்சில் பாரமாக இருந்தது. தந்தை சென்ற திசையையே பார்த்துக் கொண்டிருந்தவளை அஸ்வின் தான் ஆதரவாகத் தோளைப் பிடித்து கார் பார்க்கிங் வரை அழைத்து வந்தான். அவனுக்குமே இந்த விஷயத்தில் தனக்கும் பங்கு உண்டு என்பதை நினைக்கும் போது உறுத்தலாக இருந்தது.

மற்றவர்களுக்காக முகத்தை மறைத்த ராஷ்மிகா.. முகத்தை புன்னகையாவே வைத்தபடி வந்தாள். வீட்டிற்குள் நுழைந்து
அவரவர் அறைக்குள் ஒவ்வொருவரும் செல்ல.. அறைக்குள் நுழைந்த ராஷ்மிகா தனது இரவு உடையை எடுத்துக் கொண்டு ட்ரெஸிங் ரூமிற்குள் செல்ல.. அஸ்வினோ பால்கனியில் சென்று நின்றான். ராஷ்மிகா வர.. தானும் சென்று உடையை மாற்றி விட்டு வந்தவன்
ராஷ்மிகா பால்கனியில் நிற்பதை கண்டு அவளின் அருகில் சென்று நின்றான்.

“ராஷ்மிகா…” என்று முதல் முறையாக அவள் பெயரை சொல்லி அழைத்தான்.

“ம்ம்” என்று திரும்பியவள் முகத்தை மறைத்தாலும்.. அவள் கண்களே உணர்த்தியது அவளின் நிலையை.

“உன் அப்பாவ ரொம்ப மிஸ் பண்றியா?” என்று கேட்டான் அஸ்வின்.

“ம்ம்” – என்றவள் தொண்டை அடைக்க வேறு பக்கம் திரும்பினாள்.

“ஃபீல் பண்ணாத ராஷ்மிகா.. நான் எல்லாத்தையும் பார்த்துக்கறேன்” என்று அவன் ஆறுதலாய் அவள் கையைத் தன் கைக்குள் வைத்துச் சொல்ல… அவ்வளவு நேரம் ஏதோ ஒன்றின் அடைக்கலத்தைத் தேடி அமைதியாக இருந்தவள் அவனைக் கட்டிப் பிடித்து அழ ஆரம்பித்து விட்டாள்.

“என்னால முடியல அஸ்வின்.. ரொம்ப கஷ்டமா இருக்கு.. அப்பாவும் பேசறது இல்ல.. சரணும் அந்த பப் விஷயத்துக்கு அப்புறம் நான் பொய் சொல்லிட்டேன்னு பேச மாட்டிறான். ரொம்ப லோன்லியா இருக்கு அஸ்வின்..” என்று அவனைத் தன்னை அறியாமல் கட்டிப் பிடித்து அவள் அழ.. அஸ்வின் தான் நின்ற இடத்தில்
சிலையானான். அவளுடைய கண்ணீரின் ஈரம் அவன் நெஞ்சில் பட.. இரும்பாய்
இருக்கும் அவனின் இதயமும் அவளின் கண்ணீரின் சூட்டில் உருகியது.

அவளது தலையை பிடித்தவன் “எல்லாம் சரி ஆயிடும் ராஷ்மிகா.. அழாத.. என்னால வந்த பிரச்சனையை நானே தீர்த்து வைப்பேன்.. கொஞ்சம் வெயிட் பண்ணு” – என்று அவளைத் தேற்றியவன் அவளை படுக்கைக்கு  அழைத்து வந்து உறங்கச் சொல்லிவிட்டு தானும்
படுக்கையில் விழுந்தான். அவனின் மனம் பலவாறாய் யோசித்தது. பிசினஸ் மேன் அல்லவா?

நான்கு மாதங்கள் சென்றது..

ஒரு நாள் வந்த அஸ்வின் “ராஷ்மிகா நான் பிசினஸ் விஷயமா மூணு மாசம் யூ.கே போறேன்” என்று சொல்ல..
ராஷ்மிகாவோ “ம்ம்” என்று மட்டும் சொல்ல அவளைத் திரும்பிப் பார்த்தான்.

“என்ன? ஏன் ஒரு மாதிரி ஆகிட்ட?” என்று அவன் கேட்க..

“ஐ வில் மிஸ் யூ” என்றவள் அவன் என்ன நினைப்பானோ என்று நினைத்து “ஒரு ப்ரண்டா நான் உன்ன மிஸ் பண்ணுவேன் அஸ்வின்” என்றாள்.

“இந்த மூஞ்சி ராஷ்மிகா மூஞ்சி
இல்லியே..” என்றவன் அவளை
கண்ணாடி முன் அழைத்துச் சென்று “ராஷ்மிகா மூஞ்சி எப்போமே சிரிச்சுட்டே  இருக்கும் இல்ல முறைச்சிட்டே இருக்கும்.. ஆனா சோகமா இருக்காது” என்றான்.

அவனைத் திரும்பிப் பார்த்தவள் “ம்கூம்” என்று அவனை விட்டுத் தள்ளி வந்தாள்.

“அடிக்கடி ஃபோன் பண்ணுங்க” – என்றாள்.

“இது வைஃபா சொல்ற அட்வைஸா இல்ல ப்ரண்டாவா” என்று அஸ்வின் கேட்க.. “எதுவேனாலும் எடுத்திக்கலாம்” என்றாள்
ராஷ்மிகா.

அடுத்த நாள் வீட்டினர் அனைவரிடமும் சொல்லி விட்டுக் கிளம்பியவன்  “ராஷ்மிகா நீயும் கிளம்பு.. வரும் போது கார்ட் யாராவது கூட வந்திடு” – என்று அஸ்வின் அழைக்க அவனுடன் சென்றாள். அவளுக்கு உள்ளுக்குள் ஏதோ கஷ்டமாகவே இருந்தது. அவனை அவமானப்படுத்தி பிரிய எண்ணியவளுக்கு இன்று அவன் பிரியும் போது மனம் கனத்தது.

ஏர்ப்போர்ட் சென்றவன் “உனக்கு ஒரு சின்ன கிப்ட் தரேன் இரு” என்றவன் அவளை கண்களை மூடச் சொல்ல.. அவன் சொல்வதைத் தட்டாமல் செய்தாள் ராஷ்மிகா.

“கண்ணத் திற” – என்று சொல்ல சரண் தான் நின்றிருந்தான்.

“ஸாரி ராஷ்மி” – என்று சரண் சொல்ல..

“நான் தான் பொய் சொல்லிட்டேன்னு நீ என்கிட்ட பேச மாட்டியே” – என்று
சரணைக் குத்திக் காண்பித்தாள் ராஷ்மிகா.

“ஸாரி ராஷ்மி.. உனக்கு அட்வைஸ் பண்ணேன் தவிர என்னால நீ என்ன மைன்ட் செட்ல இருந்தே-னு புரிஞ்சுக்க
முடியல.. உன்ன ரொம்ப ஹர்ட்
பண்ணிட்டேன் ஸாரி” என்று சரண் கெஞ்ச..

“இரு இரு. இதுக்கெல்லாம் இருக்கு உனக்கு.. நாளைக்கு காலேஜ் வந்து பாத்துக்கறேன்” என்று அவள் மிரட்ட.. பயந்த மாதிரி நடித்தவன் “நான் வெளில வெயிட் பண்றேன் வா” என்று இருவருக்கும் தனிமை அளித்து அங்கிருந்து நகர்ந்தான்.

அவன் செல்வதை சிரிப்புடன் பார்த்து விட்டு ராஷ்மிகா திரும்ப.. “ஐ லவ் யூ ராஷ்மிகா” என்றவன் அவள் கையில் அவளிடம் இருந்து பிடுங்கிய ஃபோனை வைத்தான்.

அதிர்ந்து நிமிர்ந்தவளிடம் “இது உன்னோட சென்டிமென்ட்
ஃபோனாமே.. சரண் சொன்னான்..” என்றவன் “எவ்வளவோ காஸ்ட்லி கிப்ட் தேடினேன்.. சரணை மீட் பண்ணி பேசினப்ப தான் தெரிஞ்சுது இந்த ஃபோன் பத்தி..”

“ஸோ இத விட ஒரு பெஸ்ட் கிப்ட் குடுத்து உன்ன ப்ரபோஸ்
பண்ண முடிமான்னு எனக்குத் தெரியல” என்றவன் அவளின் நெற்றியில் தன் முத்தத்தை வைத்தான்.

கல்யாணம் ஆன புதிதில் அவள் இந்த ஃபோனைப் பற்றி கேட்ட போது “அந்த ஃபோன் இப்ப எந்தக் குப்பைல  இருக்கோ” என்று அஸ்வின் சொன்னது நினைவு வந்தது ராஷ்மிகாவிற்கு. 

பேசவந்த ராஷ்மிகாவின் வாயில் கை வைத்தவன்.. “எதுவும் இப்பவே சொல்லாத.. அப்புறம் என்னால ப்ளைட் ஏற முடியாது” என்றவன்…

“நான் இங்க வந்து லேண்ட் ஆகும் போது சொல்லு” என்று அவளை ஒரு கேசுவல் ஹக் செய்து விட்டுக் கிளம்பி விட்டான்.

ராஷ்மிகா தான் அவனின் இந்த மென்மையான பக்கத்தை உணர்ந்து  சிலையாய் நின்றாள்.