• Please avoid unfair and unethical methods. If any discrepancies found, the user will be removed. Kindly follow the rules and regulations.

Apollo ( Oru maranathin kathai ) -41

#1
அப்பலோ - 41

போர்க்களத்தில் ஓலம் கேட்கலாம். ஒப்பாரி, அழுகை, விம்மல், தேம்பல்,...கேட்கலாம். அய்யோ, அய்யய்யோ...பரே.... பராக்,...இப்படியான அரவம் கேட்கலாம். சிரிப்பொலியும், கெலிப்பொலியும் கேட்டால்...?

போர்க்களத்தில் கெலித்தச் சிரிப்பு சாதாரணச் சிரிப்பல்ல. விலா எலும்புகளில் முடிச்சிட்ட மூச்சுப்பிடிப்பும், முதுகெலும்பு வாயுப் பிடிப்பும் அறுந்து விடும்படியானச் சிரிப்பு.

அக்...அக்...அக்.
ஆங்க்....ஆங்க்...ஆங்க்....
இய்யீ...இய்யீ...இய்யீ...

அகர வரிசையில் நின்ற சிப்பாய்கள் அகர வரிசைப்படியே சிரித்தார்கள். சிரிப்புடன் சேர்ந்து வாய் வெடித்தார்கள்.

முப்பத்து இரண்டு பற்களும் உலகத்திற்குத் தெரியும்படியாகச் சிரித்தான் அகமெம்னான். அவனது ஒவ்வொரு பல்லும் ஒவ்வொரு விதமாகச் சிரித்தது. சிரிப்பில் உக்கிரச் சிரிப்பு என்பது ஏளனச் சிரிப்பு. ‘இய்ஈ.....’ காற்றைக் கிழிக்கும்படியானச் சிரிப்பு அது. சிரித்தவன் முழுவதுமாக சிரிக்காமல், சிரிக்க முடியாமல் பாதியை விழுங்கி பாதியை வாய் வழியே கொட்டச் செய்தான்.

மெனிலாஸ் சிரித்தச் சிரிப்பு திசைகள் அதிரும்படியாக இருந்தது. சிரித்தச் சிரிப்பில் நாக்கு தொண்டைக்குளிலிருந்து வெளியில் வந்தது. ஹா...ஹா...ஹா....

ஹ்...ஹ்...ஹ்...

க்கூக்கு....க்கூக்கு.....

ஆக்ரோ தேசத்துச் சிப்பாய்கள் , தான் சிப்பாய்கள் என்பதை மறந்து வஞ்சகக்காரனானார்கள். முன்னே ஓடவிட்டு பின் நின்று சிரிப்பவர்கள் வஞ்சகக்காரர்கள்தானே!

சிலர் பைத்தியக்காரன்களானார்கள். இரு உடன்பிறப்பு படைகளுக்குத் தாக்குப்பிடிக்க முடியாமல் கோமணம் அவிழ ஓடும் ட்ராய் சிப்பாய்களைப் பார்க்கையில் அவர்களுக்கு அப்படியாகத்தான் சிரிக்கத் தோன்றியது. சிரித்தச் சிரிப்பால் பைத்தியக்காரன்களாக வேண்டியிருந்தது.

போரென நினைத்து போர்க்களத்திற்கு வந்தால் இப்படியாகவா போரடிப்பது...? எறும்புகளைத் தேய்க்க கோடாளி அல்லவா தாங்கி வந்திருக்கிறோம். இது என்ன போர்க்களம் தானா,.. இல்லை வைக்கோல்போர் களமா...? தெரியாமல் சிரித்தான் பசப்பாளி ஒருவன்.

அவிழ்ந்த ஆடையை ஒரு கையில் பிடித்துகொண்டு மறு கையை நெஞ்சிற்குக்கொடுத்து கோமாளி போல் நடித்து வந்தான் ஒருவன். பாரிஸ் போல நடக்க, குதிக்க விழ, எழ இருந்த அவனது நடிப்பால் கொல்லென சிரித்தான் ஒருவன். அவனைப்பார்த்து இன்னொருவன்...

மெனிலாஸ் பார்க்க அரக்கனைப் போலிருந்தான். இழவு கண்ட இடத்தில் சிரிப்பவன் அரக்கன்தானே!சிரிக்கக்கூடாத இடங்கள் இரண்டு. ஒன்று போர்க்களம். மற்றொன்று இழவுக்கூடம். இரண்டும் ஒரே இடமாக இருந்ததால் இரண்டிற்கும் சேர்த்து ஒரே சிரிப்பைச் சிரித்து வைத்தான் அவன். போர்க்களத்தில் சிரிப்பது அகங்காரம். இழவு இடத்தில் சிரிப்பது அநாகரிகம். அகங்காரம் சூழ்ந்த அலங்காரத்தால் அவன் பார்க்க அரக்கனின் கிறுக்கனாத் தெரிந்தான்.

பாரிஸ் படையை எதிர்கொள்வது படமெடுத்தாடும் பாம்பை எதிர்கொள்வதைப்போன்றது. அப்படியாக நினைத்துத்தான் போர்க்களத்திற்கு வந்தான் அகமெம்னான். ஆனால் போர்க்கலைத் தெரியாமல் அவன் போராடியதும் தவித்ததும் , பரிதவித்ததும் உரலுக்குள் கச்சிதமாக பொருந்தாத உலக்கையாகிவிட்டிருந்தான்.

உறவுகொண்டு உறவை அழிக்கும் சாமார்த்தியம் கொண்டிருந்த அவனுக்கு ஆயுதம் கொண்டு ஆயுளைப் பறிக்கத் தெரிந்திருக்கவில்லை. வேலை எடுத்து வில்லில் பொருத்துகிறான். அம்பை எடுத்து வேலென எறிகிறான். சூல் வகை ஆயுதங்களைத் தடியைப்போல் பிடிக்கிறான். தண்டையைக் கட்டாரி போல் முறிக்கிறான்.

பாரிஸ் , பெரிதென நம்பியது முக்தம் வகை ஆயுதத்தைத்தான். எதிர் முகப்பில் நிற்பவர்கள் மீது எறிந்து எதிரியைத் தரையோடு சாய்க்கும் ஆயுதம் அது. அவனது கையிலிருந்த கட்டாரி, வாள், அம்பு,...யாவும் மெனிலாஸ் படையைச் சாய்த்திருக்க வேண்டிய ஒன்று. திசை தெரியாமல் ஆயுதங்களை வீசப்போய் தன் படையை தன்னால் அழித்துகொண்டான்.


கையில் பிடித்துக்கொண்டு எதிரியைத் தாக்கும் அமுக்தம் ஆயுதங்கள் கூட அவனுக்கு பெரிதாகக் கைக்கொடுக்கவில்லை. பின்னே, ஈட்டியை வாள் போல் எறிந்தால்..? வேலாயுதத்தைக் கதை போல் சொருகினால்...!

கையை விட்டு எறிந்து தாக்கித் திரும்ப பெறக்கூடிய முக்தா முக்தம் வகை ஆயுதங்கள் எறியத் தெரியாமல் எறிந்தான். அவை எதிர் படையின் நாசியைத் தாக்கி தன் படையினரின் நெற்றியைப் பிளந்தது. சூழ்ச்சிக்காரனுக்கு சண்டைத் தேவையில்லை என்கிற சொலவடையை தன் சிப்பாய்களைக் கொண்டு நிரூபித்தான் பாரிஸ்.

அடுத்து அவன் சூழ்ச்சியில் இறங்கினான். எதிர்ப்படையின் சுவாசிக்கும் காற்றில் விஷத்தைக் கலந்தான். அவன் கலந்த விஷம் அவனது படையையே முதலில் சாய்த்தது. அடுத்து திரவ நஞ்சை குடிநீரில் கலந்தான். கலந்த நீர்நிலை எவை,எவையென்று மனதில் குறித்துக்கொள்ள மறந்தான். போரில் தோற்று பின்னோக்கி ஓடுகையில் நஞ்சுக்கலந்த நீரையே அவனது படையினர் குடிக்க நேர்ந்தது. தாகம் தணித்த தண்ணீர் கூடவே உயிரையும் தணித்தது. மான் போல நீரில் வாயை வைத்தவர்கள் மீனைப்போல மிதந்தார்கள்.

ஆறு மாதங்கள் நடந்தாக வேண்டிய போர் ஆறு வாரங்களில் முடிவிற்கு வந்தது. களமெங்கும் பாரிஸ் படையினரின் செங்குருதி போர்வை. அது, மெனிலாஸ்க்கு பாரிஸ் விரிக்கும் சிவப்புக் கம்பளமானது.

விரக்தியானான் பாரிஸ். கோப முதிர்ச்சியானான். விரல்களைச் சொடுக்கி ஒற்றைக்கு ஒற்றை வருகிறாயா...? என மெனிலாஸை விளித்தான். தொடையைத் தட்டிக்கொண்டு எதிர்படையை எரித்துவிடுவதைப்போலக் கொக்கரித்தான்.

மெனிலாஸ் குதிரையிலிருந்து இறங்கினான். தன் ஆயுதங்களை உதறிவிட்டு தேர்ப்போலக் குதித்து, அசைந்து நடந்து வந்தான். சிப்பாய்கள் மோத மன்னன் பார்ப்பதுதான் போர்க்களம். ஆனால் இங்கு மன்னன்கள் மோதிக்கொள்ள சிப்பாய்கள் பார்த்துகொண்டிருந்தார்கள். போர்க்களத்தில் போர் புரிவதைக்காட்டிலும் அதைப்பார்ப்பதுதான் அலாதியானது என்பதை முதன்முறையாக சிப்பாய்கள் உணர்ந்தார்கள்.

மெனிலாஸ் பாரிஸ் முன் நின்றான். பாரிஸ் அத்தனை வேகமாக ஒரு ஈட்டியை எடுத்து நின்றுகொண்டிருந்த மெனிலாஸ் மீது பாய்ச்சினான். அவனது நெஞ்சில் பாய்ந்த ஈட்டி பூவானது. இதழானது. காம்பிலிருந்து உதிர்ந்து சருகானது.

அடுத்து அவன் ஒரு வேலை எடுத்து மெனிலாஸ் இடுப்பில் சொருகினான். வேலாய்தம் வேலப்பூவானது. அரும்புகள் உதிர்ந்து சரமானது.

ஒவ்வொரு ஆயுதமாக எடுத்தான் பாரிஸ். எடுத்த வேகத்தில் மெனிலாஸ் மீது எறிந்தான்.

எறிய,...
குத்த,...
வெட்ட,...
என இருந்த அத்தனை ஆயுதங்களும் பூவாக, சருகாக, பூக்காம்புகளாகச் சிதறிக்கொண்டிருந்தன.

கண் முன்னே பாரிஸ் தோற்கும் காட்சி ட்ராய் சிப்பாய்களால் பொறுக்க முடியவில்லை. ஒரு சிப்பாய் பாரிஸ் மன்னனுக்காகப் பலி பீடத்தில் தன் தலையைக் கொடுத்தான். மற்றொரு சிப்பாய் மனம் பொறுக்க முடியாமல் மலையிலிருந்து குதித்து தற்கொலை செய்துகொண்டான். சிலர் பார்த்தபடியே அதிர்ச்சியுற்று மாய்ந்துபோனார்கள். சிலர் தன் மீது தீ வைத்துகொண்டு எதிர்ப்படை மீது பாய்ந்தார்கள்.

உரல் உலக்கையில் ஒருவரையொருவர் தாக்குண்டு இறந்ததும், சிலர் அம்மிக்குழவியால் அரைக்கப்பட்டு இறந்ததும் பார்க்க அத்தனைக் கோரமாக இருந்தது ட்ராய் தேசம் தன் நிறையில் பாதியை இழந்திருந்தது.

மெனிலாஸ் பக்கமும் நூறு பேர் சாகவே செய்தார்கள். அவர்கள் போரில் காயமுற்று சாகவில்லை தலையை இழந்து, கை, கால்கள் முறிந்து சாகவில்லை. எதிரணி தோற்றோடும் காட்சியைக் கண்டும், அவர்கள் உயிர்ப்பிச்சை கேட்டுத் தவிக்கும் தவிப்பைக் கண்டும், கேட்டும் சிரி, சிரியெனச் சிரித்தார்கள். வாய்விட்டு சிரித்தால் நோய் விட்டுப் போகும் என்பது சொலவடம். ஆனால் மெனிலாஸ் படையினருக்கு வாய்விட்டச் சிரிப்பு உயிர்விட்டுப்போகும்படியானது. வயிறு குலுங்கச் சிரிக்கலாம். நெஞ்சுக்குலுங்கச் சிரித்தால்...?

அகமெம்னான் வெற்றி வாகைச்சூடி நாடு திரும்பினான். ஆக்ரோ, மைசின் இரு தேசங்களும் ஆட்டம், பாட்டமென இருந்தன. முரசறையப் பரணி பாடப்பட்டது.

மெனிலாஸ், தான் சிரித்தச் சிரிப்பை முழுமையாகச் சிரிக்க முடியாமல், கொடும்பிற்குள், வாயிற்குள், வயிற்றுக்குள் அடக்க முடியாமல் குதித்தான். கெலித்தான். மனைவியை மீட்டுவர பற்களில் சிரிப்பை முடிந்துகொண்டு மனைவியை நோக்கி விரைந்தான்.

மனைவி ஹெலன் இரும்பு கூண்டிற்குள் இருந்தாள். கூண்டு திறந்திருந்தது. கூண்டிற்கு வெளியே ஒரு தாய் காவலுக்கு இருந்தாள்.

கணவன் ஓடி வரும் காட்சியைக் கண்ட ஹெலன் கைகளை அகல விரித்து கணவனை பற்ற, அள்ள, அணைக்க,.. முகம் பூரிக்க நின்றாள். இத்தனை நாள் அவனுக்கென தேக்கி வைத்திருந்த முத்தம் உதடுகளில் நெளிந்து கிடந்தது. கண்கள் பூத்துக்கிடந்தன. கன்னங்கள் சிரித்தன. பற்கள் குறுநகைப் புரிந்தன.

மெனிலாஸ், மனைவியின் முகத்தைப்பார்த்தான். மெலிந்து, ஒடிவதைப்போன்றிருக்கும் கழுத்தைப் பார்த்தான். சூம்பிபோயிருக்கும் மார்பைப்பார்த்தான். பள்ளம் விழுந்துபோயிருக்கும் நெஞ்சுக்குழியைப் பார்த்தான். இத்தனையும் பார்த்ததைப்போல அவனால் வயிற்றைப் பார்க்க முடியவில்லை. அவனுக்கு ‘ திக்..’கென இருந்தது. அவனது இதயம் ‘ திடும்...திடும்..’மென இடித்தது.
 
Last edited:
#2
உறவுகொண்டு உறவை அழிக்கும் சாமார்த்தியம் கொண்டிருந்த அவனுக்கு ஆயுதம் கொண்டு ஆயுளைப் பறிக்கத் தெரிந்திருக்கவில்லை.
nice sago(y)(y)
சூழ்ச்சிக்காரனுக்கு சண்டைத் தேவையில்லை என்கிற சொலவடையை தன் சிப்பாய்களைக் கொண்டு நிரூபித்தான் பாரிஸ்.
சூழ்ச்சிக்காரனுக்கு சண்டை இட தெரியவில்லை தானே sago
இத்தனையும் பார்த்ததைப்போல அவனால் வயிற்றைப் பார்க்க முடியவில்லை. அவனுக்கு ‘ திக்..’கென இருந்தது. அவனது இதயம் ‘ திடும்...திடும்..’மென இடித்தது.
aval avan varisai sumanthu kondu irukirala:unsure::unsure::unsure::unsure:nice epi sago(y)(y)(y)(y)(y)
 
#4
பாரிஸ் படையை எதிர்கொள்வது படமெடுத்தாடும் பாம்பை எதிர்கொள்வதைப்போன்றது. அப்படியாக நினைத்துத்தான் போர்க்களத்திற்கு வந்தான் அகமெம்னான். ஆனால் போர்க்கலைத் தெரியாமல் அவன் போராடியதும் தவித்ததும் , பரிதவித்ததும் உரலுக்குள் கச்சிதமாக பொருந்தாத உலக்கையாகிவிட்டிருந்தான்.
போர் ஏமாற்றம் அளிக்கிறது...
 
#5
மெனிலாஸ், தான் சிரித்தச் சிரிப்பை முழுமையாகச் சிரிக்க முடியாமல், கொடும்பிற்குள், வாயிற்குள், வயிற்றுக்குள் அடக்க முடியாமல் குதித்தான். கெலித்தான். மனைவியை மீட்டுவர பற்களில் சிரிப்பை முடிந்துகொண்டு மனைவியை நோக்கி விரைந்தான்.
கிடைப்பாளா...?
 
#7
மனைவி ஹெலன் இரும்பு கூண்டிற்குள் இருந்தாள். கூண்டு திறந்திருந்தது. கூண்டிற்கு வெளியே ஒரு தாய் காவலுக்கு இருந்தாள்.
தாய் யார் காடிவாவா...?
 

sinnavar

Active member
#9
கணவன் ஓடி வரும் காட்சியைக் கண்ட ஹெலன் கைகளை அகல விரித்து கணவனை பற்ற, அள்ள, அணைக்க,.. முகம் பூரிக்க நின்றாள். இத்தனை நாள் அவனுக்கென தேக்கி வைத்திருந்த முத்தம் உதடுகளில் நெளிந்து கிடந்தது. கண்கள் பூத்துக்கிடந்தன. கன்னங்கள் சிரித்தன. பற்கள் குறுநகைப் புரிந்தன
niceeeeeee
 

vishnu

Active member
#10
முப்பத்து இரண்டு பற்களும் உலகத்திற்குத் தெரியும்படியாகச் சிரித்தான் அகமெம்னான். அவனது ஒவ்வொரு பல்லும் ஒவ்வொரு விதமாகச் சிரித்தது. சிரிப்பில் உக்கிரச் சிரிப்பு என்பது ஏளனச் சிரிப்பு. ‘இய்ஈ.....’ காற்றைக் கிழிக்கும்படியானச் சிரிப்பு அது. சிரித்தவன் முழுவதுமாக சிரிக்காமல், சிரிக்க முடியாமல் பாதியை விழுங்கி பாதியை வாய் வழியே கொட்டச் செய்தான்.
super..
 

Latest profile posts

ஹாய் நட்பூஸ்,
“நேசித்த இரு நெஞ்சங்கள்..” முப்பத்தி எட்டாவது அத்தியாயம்..! பதிவிடுகிறேன்.. படித்துவிட்டு உங்களின் கருத்துகளை மறக்காமல் பதிவிடுங்கள் தோழிகளே.. உங்களின் கருத்துகளை ஆவலுடன் எதிர் பார்க்கும் உங்களின் தோழி சந்தியா ஸ்ரீ
உன் விழிகளில் விழுந்த நாட்களில் 2 போட்டாச்சு ப்ரெண்ட்ஸ்.. உங்க கமண்ட்ஸ்காக வெய்டிங் யா...
first my wishes to u pritu thentell me ur story name and author name Prittu
banumathi jayaraman wrote on Uma Dhanasekar's profile.
My heartiest birthday wishes to you, Uma Dhanasekar Madam
banumathi jayaraman wrote on Subq's profile.
My heartiest birthday wishes to you, Subq Sir/Madam
banumathi jayaraman wrote on PERIASAMY. M's profile.
My heartiest birthday wishes to you, PERIASAMY. M Sir
banumathi jayaraman wrote on Muthuselvigopal's profile.
My heartiest birthday wishes to you, Muthuselvigopal Madam
banumathi jayaraman wrote on Indra's profile.
My heartiest birthday wishes to you, Indra Madam
banumathi jayaraman wrote on dkk's profile.
My heartiest birthday wishes to you, DKK Sir/Madam
banumathi jayaraman wrote on Dhanasudha's profile.
My heartiest birthday wishes to you, Dhanasudha Madam

Today's birthdays

Advertisements

Latest Episodes