Kadhal Neelambari 4

Deva

Author
Author
#1
4.

காதல் நீலாம்பரி.....!!!

சிவப்பு மையாய்....கோடாய் ....அவள் மூக்கிலிருந்து வழிந்த இரத்தத்தைக் கண்டதும் சக்திக்கு பாதி போதை ஓடியே விட்டது... என்ன மடத் தனம் பண்ணிட்டோம்னு வேதனைப் பட்டான்..

குடி எதையுமே யோசிக்க விடாம பண்ணிடும்னு அவனுக்கும் தெரிஞ்சது தான்.. அதுக்காக இப்படியா?நமக்கு சுகமோ,துக்கமோ ஏதோ ஒரு எழவக் காரணமா காட்டிக் குடிச்சாலும் அடுத்தவங்க சுக, துக்கங்களக் கெடுக்க தனக்கு உரிமையுண்டான்னு யோசிச்சவன் இது யோசிச்சுட்டு நிக்கற நேரமில்லேன்னு புரிஞ்சதும் வேகமா செயல் பட்டான்..

பாக்கெட்ல இருந்து கர்சீப்ப எடுத்து வெளிய வந்து தண்ணில நனைச்சுட்டுப் போனவன் மனுவோட மூக்குல அவ தடுத்தும் கேக்காம மென்மையா வச்சு அழுத்திப் பிடிச்ச படி சொன்னான்..

"முட்டாள்.. பேசாம சேர்ல உக்காந்து தலையப் பின்னால சாச்சுக்கோ.. ரத்தம் நின்ன பின்னால நம்ம சண்டையத் தொடருவோம்"

முதலில் மறுத்தாலும் பிறகு அமைதியாகக் கட்டுப் பட்டு சேரில் அமர்ந்து தலைய பின்னுக்கு சாச்சு யோசிச்சா.. நல்ல வேளையா 'ச்சீ'ன்னுட்டுப் போகலை.. பேசறான்.. அதோட இன்னும் பேசணும்னு சொல்றான்.. அது போதும்.. தன் காதல் உண்மையா, உறுதியா இருந்தா அத அவனுக்குப் புரிய வைக்க முடியும்னு உறுதியா நம்பினா..

"இந்த கர்சீப்ப லைட்டா அழுத்திப் பிடிச்சிக்கோ மனு.. இதோ.. வந்துடறேன்"

எங்க போறான்னு புரியாம இவ அழுத்திப் புடிச்சதும் அவன் வேகமா வெளிய போறத சலனங்கள் சொல்லவும் மறு படியும் தன் சிந்தனைக்குள்ள போனா..

முட்டாள்னு சொன்னானே? அவனா, நாமான்னு யோசிக்கவும் அத்தன வலிலயும்,வேதனைலயும் அவளுக்குச் சிரிப்பு வந்தது..

மை டியர் சக்தி.. உனக்குள்ள ஒரு கோட்டை கட்டி அதுக்குள்ள தனிமைல ஆழ்ந்து போகாம உன்னச் சுத்தியும் இருக்கற உலகத்தையும், உனக்காக காத்திருக்கும் ஜீவனையும் கவனியேன்..

ப்ளீஸ்னு சொல்ல மனசு ஆசைப் பட்டாலும் புத்தி 'சரி தான்.. இப்பத் தான் ராட்சசன் ஆடி அடங்கி இருக்கான்.. மறு படியும் கெளப்பி விடணுமான்னு ஆட்சேபணைய கெளப்புச்சு.. 'சரக் சரக்'னு சத்தம் கேட்க கண்ண முழிச்சுப் பாத்தவ பதறிப் போனாள்..

சக்தி துடைப்பத்த தேடி எடுத்துட்டு வந்து அந்த ரூம்ல கிடக்கிற கண்ணாடி சில்ல பெருக்கிட்டிருந்தான்..

"ஏய்.. என்ன பண்றே?"

"பேசாம அமைதியா உட்கார்.. எந்திரிச்சா இன்னொரு சில்லி மூக்குக்கும் சேதாரம் நிச்சயம்.. நான் பண்ணின ஆபத்தான குப்பையை நானே கூட்டிச் சுத்தம் பண்ணிடறேன்"

சிரிச்ச முகத்தோட சொல்லிட்டு பர பரன்னு வேலையப் பாக்கற சக்தி அவளுக்கு ஆச்சரியமில்ல.. ஏன்னா, அவனுக்கு எல்லா வீட்டு வேலையும் தெரியும்.. சூப்பரா சமைப்பான்.. செய்யணும்னு எறங்கிட்டா எந்த வேலையையும் பூரணமா அனுபவிச்சுச் செய்வான்.. கண்ணாடி சில்லப் பெருக்கறதுலயும் கூட! ஒரு தடவைக்கு ரெண்டு தடவ பெருக்கி பிளாஸ்டிக் முறத்துல அள்ளிக் கொண்டு போயி வெளிய கொட்டிட்டு வந்தான்.. சுத்தியும் ஒரு தடவ திருப்தியா பாத்துட்டு புன்னகையோட அவளக் கேட்டான்..

"ரத்தம் நின்னுருச்சா பேபி?"

அவ கர்சீப்ப மெதுவா எடுத்துப் பாத்தா.. வழியறது நின்னிருக்க 'ம்'னு பதில் சொல்லவும் புன்னகை மாறாம சொன்னான்..

"அப்ப எந்திரி.. இனி எனக்கான நேரம்.. இது என்னன்னு பாரு"ன்னு சொல்ல அவ புரியாம அவசரமா எந்திரிக்கவும் உக்காந்து வலது கால டேபிள் மேல தூக்கி வெக்கவும் தான் கவனிச்சா.. அடிப் பாதத்துல ரெண்டங்குல நீளத்துக்கு கண்ணாடிச் சில்லால கிழி பட்ட காயம்.. தன் ரத்தத்துக்கு பதறாதவ அவன் காயத்துல துளிர்த்த ரத்தப் பூக்களுக்குப் பதறினா..

''ஐயோ சக்தி...."

"உஷ்.. கத்தாத.. ஆத்திரமா சிகரெட்ட கால்ல போட்டுத் தேய்ச்சவன் கண்ணாடிச் சில்லக் கவனிக்கலை.. இது எனக்கு வேண்டியது தான்.. உன் ரூம்ல பாட்டில ஒடைச்சதோட உன்னையும் ரத்தம் வர அடிச்சதுக்கு தண்டனை வேணாமா? கொஞ்சம் மஞ்சள் தூளக் கொண்டு வந்து அது மேல கொட்டு.. சரியாயிடும்"

"காயம் பெருசா இருக்கு ச்க்தி.. ஆஸ்பிடல் போறது நல்லது "

"இதுக்கு அப்பனான காயத்துக்கே சொந்த வைத்தியம் தான் மனு.. மஞ்சள் தூள் ஒரு கிருமி நாசினி.. அத வச்சு விடு.. வீட்ல மருந்திருக்கு.. போய் போட்டுக்கறேன்"

இதுக்கு மேல எது சொன்னாலும் அவன் காதுல ஏறாதுன்னு புரிஞ்சதும் அவ மஞ்சள் தூளக் கொண்டு வந்து ரத்தம் துடைச்சு காயத்துல அப்பின பின்னால கால கீழ எறக்கிட்டு ஒரு சிகரெட்டப் பத்திக்கிட்டே சொன்னான்..

"உட்கார் மனு.. உங் கிட்ட பேசணும்"

அவளுக்குப் புரிஞ்சு போச்சு.. இனித் தான் உண்மையான அட்டாக்க சந்திக்க வேண்டி இருக்கும்ங்கறது.. ஏன்னா,சக்தி முட்டாள் அல்ல.. அதும் இது அவன மையமா வச்சிக் கிளம்பி இருக்கற புயல்.. அவன் கேள்விங்க துல்லியமாயும்,கூர்மையாயும் இருக்கும்.. தெளிவான பதில் சொல்லாம போனா காலம் பூராவும் அவன் உறவை இழக்க வேண்டியது தான்னு அவளுக்குப் புரிய எது வந்தாலும் சரிங்கற திடத்தோட எதுக்க இருந்த டேபிள் மேல உக்காந்து சொன்னா..

"ம்... நா ரெடி.. சொல்லு"

அவள சில நொடி உத்துப் பாத்துட்டு அமைதியா பேச ஆரம்பிச்சான்..

"என்ன உனக்கு எத்தன வருசமா தெரியும் மனு? நம்மோட முதல் சந்திப்பே ஒரு சண்டைல தான் ஆரம்பிச்சது.. உனக்கு ஞாபகமிருக்கா?"

அவள் உள்ளுக்குள்ள சில நொடிகள் பத்து வருசத்துக்கு முன்னையே போயிட்டா.. அதுல ஆழ்ந்து உள்ள போகப் போனவள தடாலடியான அவன் குரல் இந்த உலகத்துக்கு இழுத்துட்டு வந்தது..

"உன்ன ஒரு கேள்வி கேட்டேன் மனு"

"ம்.. நல்லாவே ஞாபகமிருக்கு.. பத்து வருசத்துக்கு முன்ன.."

அதுக்கு மேல அவளப் பேச விடாம கத்தியா எறங்குச்சு அவன் கேள்வி..

"பத்து வருசம்.. யோசிச்சுச் சொல்லு மனு.. நீண்ட நெடிய இந்தப் பத்து வருசத்துல உனக்கு எம் மேல இப்படியொரு எண்ணம் வரக் காரணமா என் ஒரு நடத்தையையாவது உன்னால சுட்டிக் காட்ட முடியுமா?"

அவன் கேட்டு முடிக்கறதுக்கு முன்னையே அவ கிட்ட இருந்து அதிரடியா வந்தது அந்த பதில்..

"ஒரு வேளை அதுவே கூட காரணமா இருக்கலாமில்லையா?"

"புரியல மனு"

அவள் அமைதியாகக் சொன்னாள்..

"என் வாழ்க்கைல எதையுமே உங் கிட்ட மறைச்சதில்ல சக்தி.. பத்தாவது படிக்கைல காலி செஞ்சுட்டுப் போன பக்கத்து வீட்ல கெடந்த பலான புத்தகம் படிச்சதுல இருந்து பிளஸ் டூ படிக்கற போது ஜஸ்டின காதலிச்சு அவனோட ஈரோடு வ.உ.சி பார்க்குக்குப் போயி ரெண்டாவது நிமிசம் மேல அவன் கை போட்டது வரைக்கும் எதையுமே உங் கிட்ட மறைக்கல..

இத்தன வருச வாழ்க்கைல நான் சந்திச்ச பெரும் பாலான ஆம்பளைங்களுக்கு மொதல்ல என் உடம்பு மேல தான் கண்ணு மேயும்.. சின்ன வயசுல இருந்து கூடவே ஓடியாடி வளர்ந்த சொந்த பெரியம்மா பையனே நைட்ல கை போட்ட அதிர்ச்சிய சந்திச்ச உடம்பும் மனசுமிது.. இதையும் மறைக்கல.. அதக் கூட பெத்தவங்க கிட்டக் கூடச் சொல்லாம உங்கிட்டத் தான் சொன்னேன்.. விசயம் வெளிய வராம அவன் கைய முறிச்சு ஊருக்கே துரத்தி விட்டவனும் நீ தான்.. நீயும் எல்லாரையும் போல சராசரி ஆம்பளையா எங் கிட்டப் பழகியிருந்தா நானும் உன்ன லட்சியம் பண்ணாம போயிருப்பேன்..

நான் அழகின்னு உனக்கே தெரியும்.. அப்படிப் பட்ட அழகி பக்கத்துல இருக்கைல சரக்கடிச்சுட்டு புத்தகம் படிக்கறவன் எனக்கு ஆச்சரியம் சக்தி.. நீ சராசரி ஆம்பள இல்லேங்கறதாலையே உம் மேல ஈர்ப்பு வந்திருக்கலாமில்லையா?"
 

Deva

Author
Author
#2
சக்தி ஆச்சரியமா அவளப் பாத்தான்.. மனு புத்தி சாலிங்கறது அவனுக்குத் தெரிஞ்சது தான்.. ஆனா,அந்த புத்தி சாலித் தனம் தன் விசயத்துல தோத்துப் போயிட்டுதேங்கறது தான் அவனோட ஆச்சரியத்துக்குக் காரணம்..இவள இவ போக்குலயே போயி பேசிச் சரி பண்றது தான் சரியான வழிங்கற முடிவோட சொன்னான்..

"இதெல்லாம் ஒரு சராசரி மனுசனா, உங்க பேமிலி பிரண்டா மட்டுமில்ல மனு.. உன்னோட நெருங்கின நண்பனா.. அதுக்கு உண்டான கடமையா நான் செஞ்ச விசயங்களிது.. இத மட்டும் ஒரு காரணமா வச்சுக்கிட்டு காலம் பூரா வாழ்வ அர்ப்பணிக்கற முட்டாள் தனமான முடிவுக்கு வந்துடறதா மனு?"

"எது முட்டாள் தனம் சக்தி? காதல் விசயத்துல எந்தப் பொண்ணுமே தடாலடியா முடிவு பண்ண மாட்டா.. அதிலும் நான் ஒரு தடவைக்கு ஓராயிரம் தடவ யோசிச்சுத் தான் இந்த முடிவுக்கு வந்திருக்கேன்.. இனிப் பின் வாங்கறதுங்கற பேச்சுக்கே இடமில்ல.. இந்த ஒரு சில விசயங்கள மட்டுமில்ல சக்தி.. பல வருசங்கள்.. பல விசயங்கள்ல உன்னோட நடத்தையப் பாத்த பின்னால.. அத்தனையும் அமைதியா உள்ள அசை போட்டு அலசுன பின்னால தான் இந்த முடிவுக்கு வந்தேன்.. காதல்ங்கறது என்ன? எதிர் காலம் பத்தின நம்பிக்கையையும், பாதுகாப்பு உணர்வையும் தர்றது தானே? ஒரு பொண்ணுக்குத் தேவையானது அதானே? நான் பெரியவளான பின்னால.. இந்த பத்து வருசத்துல இது வரைக்கும் உன்னத் தவிர வேற எந்த ஆம்பள பக்கத்துல இருந்த போதும் அந்த பாதுகாப்பு உணர்வும்,எதிர் காலம் பத்தின நம்பிக்கையும் வந்ததில்ல.. இந்தக் காதல ஏத்துக்காம போற உரிமை உனக்குண்டே தவிர இதை முட்டாள் தனம்னு விமர்சிக்கற உரிமை உனக்கில்லை"

சக்திக்கு மறு படியும் சுர்ருன்னு கோவம் ஏறினாலும் வலிஞ்சு அத அடக்கிட்டு அமைதியாவே பேசினான்..

"நான் சம்பந்தப் பட்ட ஒண்ணு.. அதும் என்ன மையப் புள்ளியா வச்சுக் கிளம்பி இருக்கற பிரச்னைல என் விமர்சனம் அவசியமில்லையா என்ன?"

"அவசியம் தான்.. அதே சமயம் அந்த விமர்சனத்த ஒரு முடிவா நான் ஏத்துக்கணும்னு நீ எதிர் பாக்கறது தான் அனாவசியம்.. நீ சக்தியா, சராசரி ஆம்பளையா,இத ஒரு விசயமா பாத்து விமர்சனம் பண்றே.. ஆனா நானோ மனுவா, ஒரு பொண்ணா, மனசுல மட்டுமில்ல.. உடம்புல உள்ள ஒவ்வொரு அணுவுலயும் காதல் நிரம்பித் துடிக்கற பொண்ணா இதச் சொல்றேன்.. உனக்கிது விமர்சனம் பண்ணி வாதிக்கற விசயம்.. எனக்கோ இது எதிர் காலம் பத்தின நம்பிக்கை தர்ற வாழ்க்கை.. விசயத்த விமர்சனம் பண்ணிட்டு கடந்து போயி மறந்துடலாம்.. வாழ்க்கைய அப்படிக் கடந்துட முடியாது சக்தி"

"நல்லாவே.. இன்னுஞ் சொல்லப் போனா.. வக்கணையா வளைச்சுப் பேசறே மனு"

"அப்ப இதுக்குத் தேங்க்ஸ் சொல்றதுன்னா உனக்குத் தான் சொல்லணும்.. ஏன்னா,எப்படிப் பேசணும்னு சொல்லிக் குடுத்தவனே நீ தான்"

''அப்படியா?அதனால தான் தீட்டின மரத்துலயே கூர் பாக்கறியோ? காதல் பத்திச் சொல்லித் தந்தனே தவிர என்னக் காதலிக்க சொல்லித் தரலைன்னு நெனைக்கறேன்"

"அதட்டியும்,ஆர்டர் போட்டும் காதல் வருமா சக்தி..?"

"அதே மாதிரி காதல் யாசகம் கேக்கற விசயமும் இல்லேங்கறதும் உனக்குத் தெரியும் மனு.."

பளீர்னு சாட்டையால அடி பட்ட மாதிரி துடிச்சுப் போனா மனு.. பிச்சைன்னா சொல்றான்? நீ பொறி பறக்க ரெண்டு தடவ அறைஞ்ச போது கூட இப்படி வலிக்கலையேடா பாவி.. சரி ! வேதாளத்து மேல ஆசைப் பட்டுட்டு முருங்கை மரம் ஏறப் பயந்தா முடியுமான்னு சமாதானப் படுத்திக்கிட்டு வரவழைச்சுக்கிட்ட அமைதியோட சொன்னா..

"யாசகம் கேக்கறது மட்டுமில்ல.. காதல் யாசகம் குடுக்க முடியாத விசயம்ங்கறது உனக்கும் தெரியும் தானே சக்தி?"

"வக்கணையா வளைச்சு வளைச்சுப் பேசறது வாழ்க்கை ஆயிடாது.. பேச்சுக்கு நீயும்,உன் சிந்தனைகளும் மட்டுமே போதும்.. ஆனா,வாழ்க்கை அப்படி இல்ல.. பல பேரச் சார்ந்து வாழணும்.. அவங்க கருத்துகளுக்கு காது குடுக்கணும்.. அவ்வளவு ஏன்? இந்தக் காதலையே எடுத்துக்கோயேன்.. இது கூட நாம ரெண்டு பேர் மட்டும் சம்பந்தப் பட்ட விசயமில்ல.. நான் அப்பா,அம்மா இல்லாத அனாதை.. என்ன விடு.. உனக்கு இருக்காங்க.. இருக்கறதோட என்ன நம்பி.. என்னால எந்தத் தப்பும் வராதுங்கற நம்பிக்கைல குடும்பத்துல ஒருத்தனா மதிச்சு உள்ள விட்டிருக்காங்க.. அவங்களுக்குத் துரோகம் பண்ணச் சொல்றியா மனு?"

''எடுத்ததுக்கெல்லாம் கைய ஓங்கத் தெரியுதே தவிர உனக்கு இன்னும் உலகம் புரியல சக்தி.. இந்த நம்பிக்கை எங்க அப்பா,அம்மாக்கு எப்ப வந்ததுன்னு உனக்குத் தெரியுமா?நாலு வருசத்துக்கு முன்ன ஹவுஸ் ஓனருக்கும் எங்கப்பாவுக்கும் பெரிய தகராறு வந்து ஹவுஸ் ஓனர் எங்களை வெளிய நிறுத்தி வீட்டப் பூட்டிட்டார்.. அப்ப ராத்திரி பதினொரு மணி... அப்பாவோ வந்து பேசிக்கறண்டான்னு சவால் விட்டுட்டு தண்ணி போடப் போயிட்டார்.. அம்மாவும், நானும் வாசல்ல அழுதுக்கிட்டு உக்காந்திருந்தோம்.. அப்ப எனக்கு உன் ஞாபகம் வர பேச வெக்கப் பட்டுக்கிட்டு எங்க சூழ் நிலைய நாலு வரில மெசெஜ் அனுப்பிச்சேன்.. அடுத்த பத்தாவது நிமிசம் நீ இங்க வந்துட்டே.. அம்மா கிட்ட என்ன விசயம்னு கேட்டுட்டு வேகமா போயி ஹவுஸ் ஓனர் கதவ ரெண்டு தடவ எட்டி ஒதைச்சே.. அந்தாளு வெளிய வந்ததும் 'ரெண்டு நிமிசம் உனக்கு டைம் தர்றேன்.. நான் ஒரு சிகரெட் குடிச்சு முடிக்கறதுக்குள்ள நீயா சாவி எடுத்துட்டு வந்து கதவத் திறந்து விடலைன்னா பூட்டின கைய வெட்டுவேன்.. அவ்வளவு தான்'னு சொல்லிட்டு அமைதியா உக்காந்து சிகரெட் புடிக்க ஆரம்பிச்சுட்டே.. அந்தாளு அலறியடிச்சுட்டு ஓடி சாவிய எடுத்துட்டு வந்து திறந்து விட்டுட்டுப் போகைல சொடக்குப் போட்டுக் கூப்பிட்டுச் சொன்னே.. 'இவங்க ரெண்டு பேரையும் இப்படியே கண்ணீரும்,கம்பலையுமா ஸ்டேசனுக்குக் கூட்டிட்டுப் போயி நீ இவங்க ரெண்டு பேரு கிட்டயும் தவறா நடந்துக்க முயற்சி பண்ணினதாயும்,இவங்க மறுத்ததால இவங்கள பலவந்தமா வெளிய தள்ளி கதவப் பூட்டினதோட வெளிய சொன்னா கொன்னுடுவேன்னு கொலை மிரட்டல் விடுத்ததாயும் கேசு குடுத்தா என்னாகும்னு நெனைக்கறே ? மொதல்ல உன் கவர்மெண்ட் வேலைக்கு ஆப்பு வரும்.. அப்புறம் கொறைஞ்ச பட்சம் அஞ்சு வருசமாவுது உள்ள கம்பி எண்ண வேண்டி வரும்.. எதுக்கு உனக்கு இந்த வேலையெல்லாம்?ம்.. இனியாவது அடக்கி வாசி.. இன்னிய தேதில இருந்து இந்த வீட்ட நான் வாடகைக்கு எடுத்துக்கறேன்.. ஒண்ணாம் தேதியானா டாண்ணு வாடகை வீடு தேடி வரும்... போ'ன்னு சொன்னதோட என்னப் பாத்து 'எனக்கு ஒரு பாயும்,தலையணையும் எடுத்து திண்ணைல போடு தங்கம்.. இன்னிக்கு நைட் நான் இங்க தான்'னு வெளிய பனில படுத்திருந்தே.. விடியற வரைக்கும் அப்பா வரவேயில்ல.. அன்னிக்கு என் வீட்ல உன் சப்போர்ட் அவசியம்னு முடிவு பண்ணி இருக்கலாம்.. உனக்கு ஓவரா சலுகைகள் குடுத்திருக்கலாம்.. அதுக்காக, அவங்க உன்ன காவல் தெய்வமா பாவிக்கறதா நெனச்சு ஏமாந்துடாதே.. காவல் நாய் ! அவ்வளவு தான் சக்தி !!"

ஏறக்குறைய சக்தி அதிர்ச்சியில் உறைந்தே விட்டான்... கொஞ்சம் யோசிச்சாலே அவள் சொல்றதுல உண்மை இருக்கறது அவனுக்கும் புரிஞ்சுது..சரி.. இந்த வழி சரி வராதுன்னு நெனைச்சவன் வேற வழில அட்டாக்க ஆரம்பிச்சான்..

"அவங்க என்ன எப்படியோ நினைக்கட்டும் மனு.. ஆனா,நான் உங்க பேமிலிக்கு உண்மையா இருக்கவே விரும்பறேன்.. அதுவுமில்லாம எனக்கு என்ன தோணுதுன்னா உன்னோட பீலிங் காதல் இல்லையோன்னு...."

அது வரைக்கும் அவ கண்ணப் பாத்து பேசிட்டிருந்தவன் இப்ப சொல்லி முடிக்காம பார்வைய விலக்கி எங்கியோ பாக்கவும் சில நொடிகள் மனு அப்படியே உறைந்தே போனாள்.. அவன் சொல்ல வர்றது என்னன்னு அவளுக்கும் புரிஞ்சு போச்சு.. சக்தியோட எல்லா ஆயுதமும் பயனற்றுப் போக கடைசியா இத பிரம்மாஸ்திரமா ஏவறான்.. இதையும் சந்திச்சே ஆகணும்ங்கற திடத்தோட அவ சொல்றா...

"கமான் சக்தி.. பீ பிராங்க்.. எதுவானாலும் ஓப்பனா சொல்லிடு"

"நீ ஆயிரம் காரணம் சொன்னாலும் எனக்கிது காதலா படலை.. அட்ராக்சன்..வெறும் ஈர்ப்பு.. இனக் கவர்ச்சி.. அதாவது...."

அதற்கு மேல் சொல்லத் திணறும் அவனைக் காண அவளுக்கே பரிதாபமாய் இருக்க அவன் சொல்ல வந்ததை அவளே முடித்தாள்..

"அதாவது.. வெறும் செக்ஸ்.. அப்படித் தானே?இன்னொரு தடவ நல்லா யோசிச்சு சொல்லு சக்தி"

அவன் தன் கட்டுப் பாட்டை இழந்து கத்தினான்..

"ஒரு தடவையென்ன?ஓராயிரம் தடவ யோசிச்சாலும் எம் பதில் இது தான்.. உன்னோடது காதல் இல்ல... வெறும் காமம்.. செக்ஸ்.. பச்சையாச் சொன்னா உடம்பு வெறி.............."

அவனை மேல பேச விடாம அணு குண்டாய் வெடித்த பதில் மொத்த சூழ் நிலையையும் மயான அமையாக்கியது..

"அப்படியா சொல்றே? சரி... எப்ப வெச்சுக்கலாம் சக்தி?"

(தொடரும்..
 
#6
அண்ணா சூப்பர் அண்ணா.. சக்தி. எப்படி எல்லாம் பேசி அவளை விடலாம்னு பாக்கறே...ஆனால் அதுக்கெல்லாம் அசர ஆள் இல்லை. எங்கள் மானு...மீனு...உன் தடைகளையெல்லாம் தாண்டி உன்ன ரூல் பண்ணப்போறா பார்
 
Last edited:

Deva

Author
Author
#10
Very very nice. அடுத்த பதிவுக்கு ஆவலுடன் காத்திருக்கிறோம்
அத்தியாயம் 5 கண்டிப்பா நாளைக்குச் சாயந்திரம் தங்கம்
 

Advertisements

Latest profile posts

Ennai Ko(Ve)llum Vennilavei next update posted..read and share ur comments
banumathi jayaraman wrote on sadana's profile.
My hheartiest birthday wishes to you, Sadana Madam
banumathi jayaraman wrote on gp2000's profile.
My heartiest birthday wishes to you, GP2000 Sir/Madam
கட்டங்கள் பகுதி 6 போட்டாச்சு ப்ரெண்ட்ஸ்... படிச்சுட்டு உங்க கமெண்ட்ஸ் சொல்லுங்க
banumathi jayaraman wrote on VijiThiru's profile.
My heartiest birthday wishes to you, VijiThiru Sir/Madam
banumathi jayaraman wrote on Suwas's profile.
My heartiest birthday wishes to you, Suwas Sir/Madam
banumathi jayaraman wrote on Lura's profile.
My heartiest birthday wishes to you, Lura Sir/Madam
banumathi jayaraman wrote on jamunarani's profile.
My heartiest birthday wishes to you, Jamunarani Madam
banumathi jayaraman wrote on elakkiya's profile.
My heartiest birthday wishes to you, Elakkiya Madam
காலை வணக்கம் தோழமைகளே...
எல்லோரும் நலமா இருக்கீங்கன்னு நம்புறோம். தேடல் போட்டி நிறைவடைஞ்சிருச்சுன்னு மகிழ்வதா...? இல்ல வாசக தோழமைகளும், நடுவர்களும் நம் கதையை சீர்தூக்கி பார்க்கும் நேரம் வந்துவிட்டதே என படபடப்புடன் காத்திருப்பதா? (அந்தோ பாவம் அம்முயோகாவுக்கு வந்த சோதனை...) போட்டியில் கலந்துகொண்ட அனைத்து படைப்பாளிகளும் வெற்றி பெற எங்களது உளமார்ந்த வாழ்த்துக்கள். இதற்கான வாய்ப்பை கொடுத்த SM TEAM க்கு நன்றிகள் பல.

Advertisements

Latest Episodes

Today's birthdays