Neenga kanale - episode 12

Devi

Author
Author
#1
நீங்கா கனலே அத்தியாயம் பன்னிரண்டு பகிர்ந்து விட்டேன் நண்பர்களே. படித்து கருத்துக்கள் பகிருங்கள்.

அத்தியாயம் – 12​

ராவ் கெமிக்கல்ஸ் & சிவா ட்ரான்ஸ்போர்ட் மேனேஜர்கள் இருவரையும் விசாரணைக்கு அழைத்த இன்ஸ்பெக்டர், அவர்களிடம் விசாரிக்க, அவர்கள் முதலில் மறுத்தார்கள். இருந்த ஆதாரங்களை எல்லாம் காட்டவும், இருவரும் மெளனமாக , அன்று மாலை ஆகி விட்டதால், இருவரையும் கஸ்டடியில் எடுக்க எண்ணி, ஜட்ஜ் வீட்டிற்கு சென்று அவரிடம் பெர்மிசன் வாங்க எண்ணினார்கள்.

இஷா, இஷான், ரேஷ்மி, மூவரும் வருவதாக சொல்ல, இன்ஸ்பெக்டர் மறுத்தார்.

“ஜட்ஜ் வீட்டிற்கு எல்லாம் எல்லோரும் போறது சரி கிடையாது சார். செக்யூரிட்டி ப்ரோப்லேம் வரும்.” என்றார்.

விக்ரமும் அதையே ஆமோதிக்க, இஷா

“இல்லை சார். எனக்கு இந்த மேனேஜர்சும் வெறும் அம்புன்னு தான் தோணுது. இருந்தாலும் இவங்கள பெயிலில் எடுக்க வாய்ப்பு இருக்கு. அதான் அத அப்ஜெக்ட் பண்ண நாங்களும் வரணும்னு நினைக்கிறேன்.”

அவள் சொல்வது சரியே போலே, அப்போது ஒரு வக்கீல், ராவ் கெமிக்கல்ஸ் மேனேஜருக்கு ஆதாரவாக வந்தார்.

இப்போது இன்ஸ்பெக்டர் விக்ரமை பார்க்க, அவன் சற்று யோசித்து விட்டு,

“இன்ஸ்பெக்டர் , நீங்க ஜட்ஜ் சார் வீட்டிற்கு போன் செய்து பேசுங்க” என்று கூறினான்.

இன்ஸ்பெக்டர் போன் செய்ய, அந்த பக்கம் எடுக்கவும்,

“சார், S3 போலீஸ் ஸ்டேஷன்லேர்ந்து இன்ஸ்பெக்டர் பேசறேன். அந்த இஷா க்ரூப்ஸ் கேஸ் விஷயமா ரெண்டு பேரை அர்ரெஸ்ட் பண்ணனும். வாரன்ட் வாங்க இப்போ வீட்டிற்கு வரலாமா”

“ஓகே. வாங்க”

“சார். இஷா க்ரூப்ஸ் லாயரும் எங்களோட வரேன்றாங்க. “

“அவங்க இங்கே வர வேண்டிய அவசியம் என்ன?

“சார், அர்ரெஸ்ட் பண்ண போறவரோட லாயர் இங்கே வந்து ஏற்கனவே பெயில் அப்ளை பண்றார். அது கொடுக்க வேண்டாம்னு அவங்க கேட்டுகறாங்க. அதான் நேரடியா ரெண்டு பார்டியையும் உங்க கிட்டே அழைச்சுட்டு வரலாமான்னு கேட்கறேன்”

சற்று நேரம் யோசித்தவன்,

“இன்ஸ்பெக்டர் முதலில் விசாரிக்க மட்டும் உங்களுக்கு அனுமதி கொடுக்கறேன். நீங்க சந்தேகபடரவங்கள என் வீட்டிற்கு அழைச்சுட்டு வந்து காண்பித்து விட்டு, ஆர்டர் வாங்கிட்டு போங்க. சம்பந்தப்பட்ட வக்கீல்களை நாளைக்கு காலையில் கோர்ட்க்கு வர சொல்லிடுங்க. முதல் கேஸ்சா பார்த்திடலாம்.”

ஜட்ஜ் சொல்லியதை சொல்லவும், மற்றவர்கள் எல்லோரும் வீட்டிற்கு கிளம்ப, அவர் குறிப்பிட்டவர்கள் மட்டும் அவர் வீட்டிற்கு சென்றனர்.

சித்தார்த் அவனுடைய ஆபீஸ் ரூமில் அமர்ந்து இருந்தார். உள்ளே வந்த இன்ஸ்பெக்டர் சல்யூட் அடித்து விஷ் செய்தார். பதிலுக்கு தலையசைத்த ஜட்ஜ்,

“சொல்லுங்க இன்ஸ்பெக்டர்”

“சார், இஷா க்ரூப்ஸ் போன ஹியரிங் போது அந்த ஓடையில் கழிவுகள் கலந்து விடுவது வேற யாரோ என்றும், அதை கண்டுபிடிக்கும்படியும் கம்ப்ளைன்ட் செய்து இருந்தார்கள். அத பேஸ் பண்ணி நேற்று இரவு, அந்த ஓடைக்கு அருகில் ஒரு கண்டைனர் லாரியையும் அதன் டிரைவர், கிளீனர் ரெண்டு பேரையும் சந்தேகத்தின் பேரில் விசாரணைக்கு கூட்டிட்டு போனோம். அவங்க வாக்கு மூலம் படியும், மிஸ்டர் விக்ரம் தான் கேட்டதா சொன்ன சில விஷயங்களையும் வைத்து ராவ் கெமிக்கல்ஸ் , சிவா ட்ரான்ஸ்போர்ட் மேனேஜர் ரெண்டு பேரையும் கைது செய்யணும். அதுக்கு வாரன்ட் வாங்க தான் வந்துருக்கோம் சார்”

“ஓகே. நீங்க சந்தேகபடரவங்கள கூட்டிட்டு வந்துருக்கீங்களா?

“ஆமா சார். வெளியில் நிற்கிறார்கள்.”

வெளியில் வந்து நால்வரையும் பார்த்து விட்டு எப்.ஐ.ஆர் காபி எடுத்து பார்த்தான். அதில் கூறிய விவரங்களை எல்லாம் சரி பார்த்தவன், விக்ரமை அதில் ஒரு சாட்சியாக சேர்த்து இருப்பதை பார்த்து விட்டு,

“மிஸ்டர் விக்ரம். நீங்க அந்த மேனேஜர்ஸ் ரெண்டு பேரையும் பார்த்தது, கேட்டது எல்லாம் உன்மைதானா?

“ஆமாம் சார்.”

“அந்த மேனேஜர்ஸ், அப்புறம் நீங்க அந்த ஹோடேலில் தான் இருந்தீங்க என்பதற்கான ஆதாரம் இருக்கா?”

“இருக்கு சார். அந்த ஹோடேலில் உள்ள சிசிடிவி காட்சிகள் எடுத்து வச்சுருக்கோம் சார்”

“இதோ நீங்க விசாரணைக்காக அவங்களை கைது செய்ய அனுமதி கொடுக்கும் ஆர்டர். ஆனால் அவர்கள் விசாரணை கைதிகள் தான். நீங்க அந்த அளவிற்கு நடந்துப்பீங்கன்னு நம்பறேன்”

“எஸ். சார். “ என்றுவிட்டு ஆர்டர் வாங்கி வெளியில் வந்த இன்ஸ்பெக்டர், அவர்களை ஸ்டேஷன் அழைத்து சென்றார்.

மறுநாள் காலையில் முதல் கேஸ் இஷா க்ரூப்ஸ் கேஸ் என்பதால், காலையில் இஷா, ரேஷ்மி, இஷான் மூவரும் சீக்கிரமே கிளம்பி கோர்ட் வந்தனர்.

வழக்கம் போல் சித்தார்த், விக்ரம் இருவரும் கோர்ட் வந்தனர். விக்ரம் ஒரு சாட்சி என்பதால், அவன் நேராக கோர்ட் ரூமிற்கு சென்று விட்டான்.

சித்தார்த் ஜட்ஜ்ஜாக வந்து அமரவும், எல்லோரும் எழுந்து மரியாதை செய்து விட்டு அமர்ந்தனர்.

டவாலி கேஸ் நம்பர் எல்லாம் சொல்லி முடிக்கவும், முதலில் எழுந்த இஷா,

“யுவர் ஹானர், இஷா க்ரூப்ஸ் அருகே உள்ள ஓடையில் கழிவு நீர் கலந்த வழக்கில், இஷா க்ரூப்ஸ் நிறுவனத்திற்கு எந்த சம்பந்தம் இல்லை என ஏற்கனவே நாங்கள் நிருபித்த நிலையில, அந்த வேலை செய்பவர் யார் என்பதை கண்டுபிடிக்குமாறு தாங்கள் உத்தரவிட்டுருந்தீர்கள். அதன் முதல் படியாக நேற்று இரவு அந்த ஓடைக்கு அருகே நிறுத்தப்பட்டு இருந்த கண்டைனர் மற்றும் அதன் டிரைவர் எல்லோரும் சந்தேகத்தின் பேரில் பிடித்து , போலீஸ்சில் ஒப்படைத்து இருக்கிறோம். அவர்களிடம் விசாரித்ததில், ராவ் கெமிக்கல்ஸ் மேனேஜர், சிவா ட்ரான்ஸ்போர்ட் மேனேஜர் இருவரையும் போலீஸ் கைது செய்து கோர்ட்டில் ஆஜர்படுத்தி இருக்கிறார்கள். எனவே சஹாயதா டிரஸ்ட் இஷா க்ரூப்ஸ் நிறுவனத்தின் மீது போட்ட வழக்கை தள்ளுபடி செய்யம்படி தாழ்மையுடன் கேட்டுக் கொள்கிறேன்”

என்று நீளமாக பேசி முடித்தாள். அவளின் வாதத்தை கேட்ட விக்ரம் அவளை பார்த்து ஆச்சயர்யமடைந்தான்.

ராஜேஷ் மூலம் தெரிந்து இருந்த தகவல்கள் அந்த நேரம் விக்ரம் நினைவிற்கு வர, இருவரையும் கூர்ந்து பார்த்தான். அவனால் எதுவும் கண்டுபிடிக்க முடியவில்லை.

இருவருமே அவசியத்திற்கு மேல் ஒரு பார்வை கூட மற்றவர் அறிய பார்க்கவில்லை. விக்ரமால் வியக்காமல் இருக்க முடியவில்ல, எப்படி இப்படி ஒரு ப்ரோபாசனலாக இருக்கிறார்கள் என்று.

சித்தார்த்தோ மனதுக்குள் விக்ரம் கொடுத்த ஹின்ட் வைத்து சரியாக ஆட்களை பிடித்து விட்டார்களே என்று மெச்சினான்.

எதிர்கட்சி வக்கீலான ராஜேஷிடம்

“மிஸ்டர் ராஜேஷ். மிஸ் இஷா சொல்றதுக்கு உங்க பதில் என்ன? என்று வினவினான்.

“யுவர் ஹானர், இந்த வழக்கு ஆரம்பிக்கும் போது இஷா க்ரூப்ஸ் சுற்றி தான் பிரச்சினைகள் இருந்தது. அதனால் தான் அவர்களின் மீது வழக்கு தொடரப்பட்டது. இப்போது பிடித்த கண்டைனர் தான் முன்பும் இந்த வேலை செய்தார்களா என்பதற்கு இன்னும் எந்த ஆதாரமும் இல்லை. ஆனால் இதற்கான வாய்ப்புகளும் இருப்பதால், இஷா க்ரூப்ஸ் கேட்கும் கோரிக்கைக்கு நீதிபதி கொடுக்கும் தீர்ப்புக்கு கட்டுபடுகிறோம்.”

இப்போது ஜட்ஜ் “ சஹாயாதா டிரஸ்ட் கொடுத்த கேஸ்சில் இருந்து இஷா க்ரூப்ஸ்சை தற்போது இந்த நீதிமன்றம் விடுவிகிறது. ஆனால் வக்கீல் ராஜேஷ் சொன்னது போல் , சென்ற முறை அவர்கள் தான் செய்தார்கள் என்பதற்கான ஆதாரத்தை காவல் துறையின் உதவியோடு விரைவில் சமர்ப்பிக்குமாறு இஷா க்ரூப்ஸ்க்கு நீதிமன்றம் உத்தரவிடுகிறது. தேவைபட்டால் தற்போது கைதாகி இருப்பவர்களை மேலும் சில நாட்கள் போலீஸ் காவலில் வைத்து விசாரிக்கவும் நீதிமன்றம் அனுமதி அளிக்கிறது”

என்று தீர்ப்பு அளித்தார் ஜட்ஜ். கேஸ் முடித்து விட்டு வெளியே செல்லும் வரை அமைதியாக இருந்தவர்கள், அதற்கு பின் எல்லோரும் வெளியில் வரும்போது ரேஷ்மி வேகமாக வந்து இஷாவை கட்டிக் கொண்டாள்.

“வாவ்.. இஷா யு மேட் இட் யா” என்று வாழ்த்தினாள்.

இஷானும் “கிளப்பிட்ட தங்கச்சி... வாழ்த்துக்கள் “ என்றான்.

இப்போது ராஜேஷ் அருகில் வர, இஷானுக்கு அவன் மேல் கோபம் இருந்தாலும், வெளியில் காண்பிக்காமல் ஒதுங்கி நின்றான்.

“அடேங்கப்ப்பா.. எக்ஸாம்லே என்னை பார்த்து காபி அடிச்சதுக எல்லாம் இன்னைக்கு என்னையவே ஜெயிக்கிறாங்க பா” என்று கிண்டல் அடித்தான்.

“ஹ..ஹ.. உன்னை காபி அடிச்சு எழுதினா, நான் இந்நேரம் வக்கீலே ஆகிருக்க முடியாது. நீயெல்லாம் பேச வந்துட்ட” என்று அவன் முதுகில் அடிக்க வந்தாள்.

ராஜேஷ் வேகமாக விலகி, கையால் ஒற்றை விரலை மடக்கி

“ஏமாந்தியா. ஏமாந்தியா?” என, “போடா “ என்று அந்த பக்கம் திரும்பினாள்.

பிறகு “ அதை விடு.. வாழ்த்துகள் இஷா. இந்த கேஸ் நல்லா மூவ் பண்ணின. “

“தேங்க்ஸ் ராஜேஷ். இன்னைக்கு ஹியரிங்லே நீ எதுவும் அப்ஜெக்ட் சொல்லுவியோன்னு நினைச்சேன். “

“விக்ரம் சார், அன்னைக்கு வந்து டிரஸ்ட் ஹெட் கிட்ட பேசும் போதே அவர் சொல்லிட்டார் இஷா. தப்பு நடந்தா தட்டி கேட்கறது தான் நம்ம வேலை. இவங்க தப்பு பண்ணலைன்னு தெரிஞ்சிட்டா, யார் தப்பு பண்றாங்களோ அவங்கள நோக்கி நம்ம பார்வை போகணும். அதுக்கு உண்டான வேலைகள் பாருன்னு சொல்லிட்டார் இஷா. அதனால் தான் நான் எதுவும் அப்ஜெக்ட் பண்ணலை”

“ஒஹ் .. ரொம்ப தேங்க்ஸ். யார்பா அந்த டிரஸ்ட் பௌண்டர். நானும் போய் அங்கே ரெஜிஸ்டர் பண்ணிகறேன்”

“அவர் தி பேமஸ் ரிடையர்ட் ஜட்ஜ் விஸ்வநாதன் சார் தான். நாம படிக்கும்போது நிறைய அவரை பார்த்து வியந்து இருக்கிறோம் நியாபகம் இருக்கா?”

“ஹ்ம்ம்.. கிரேட்” என்று கூறியவள் நினைவுகள் சித்தார்த்தை நோக்கி சென்றது.

விக்ரம் இவர்களையே கவனித்தவன், இஷாவிற்கு சித்தார்த் அப்பா தான் விஸ்வநாதன் என்று தெரியுமோ என்று எண்ணினான்.

அவன் இஷா அருகில் வரவும், அவனை கவனித்த இஷா

“தேங்க்ஸ் விக்ரம் சார். உங்க ஹெல்ப்பால தான் எங்களால கேஸ சீக்கிரம் முடிக்க முடிஞ்சுது. “

“இட்ஸ் ஓகே இஷா மேம். ஒரு சாதாரண மனிதனா இது என்னுடைய கடமை தானே.”

இப்போது இஷானும் அருகில் வந்து “அப்படி இல்லை விக்ரம். இது உங்களுக்கு தேவை இல்லாத விஷயம்ன்னு நீங்க நினைச்சு இருந்தா, எங்களாலே இவ்ளோ சீக்கிரம் இந்த விஷயத்தை முடிச்சுருக்க முடியாது. தேங்க்ஸ் எ லாட்”

“இட்ஸ் ஓகே சார்”

அப்போது ராஜேஷ் “ஹேய் .. இஷா ட்ரீட் எல்லாம் கிடையாதா?

“வாடா .. உனக்கு தலப்பாக்கட்டுலே போய் மேஞ்சுட்டு வரணும் அதானே?

“ஹ.ஹ.. என்னை புரிஞ்ச என்னெருமை தோழியே. எப்போன்னு மட்டும் சொல்லு. நான் பாய்ஞ்சு வந்தடறேன்”

“சரிடா. சீக்கிரம் சொல்றேன். “

“சரி இஷா. நான் கிளம்பறேன். & இன்னும் கவனமா இருங்க. ராவ் கெமிக்கல்ஸ் உங்க கம்பெனிகிட்டே வந்து இந்த வேலை செய்யறாங்க என்றால், அது எதுக்காக என்பதை சீக்கிரம் கண்டுபிடிங்க. இல்லாட்டா என்னிக்கும் ரிஸ்க் தான்”

“ஆமாம் ராஜேஷ். இந்த விஷயத்தை சீக்கிரம் முடிக்கறேன். தேங்க்ஸ் அகைன்”

அவர்களின் நட்பான பேச்சுக்களை பார்த்த இஷாம் ராஜேஷ் அருகில் வந்து “தேங்க்ஸ் பாஸ்” என்று கூறினான்.

அவன் சிரித்துக் கொண்டே “தேங்க்ஸ் பாஸ். இந்த கேஸ்லே தான் நான் இஷாக்கு எதிரா வாதாடினேன். மற்றபடி என்னிக்கும் இஷா என்னோட பெஸ்ட் பிரெண்ட் தான்.” என்று கூறினான்.

“புரியுது ராஜேஷ்” என்று சொல்லிவிட்டு எல்லோரும் கிளம்பினார்கள்.

விக்ரம் கிளம்பும் முன்,

“இஷா டோன்ட் மிஸ்டேக் மீ.” என்று விட்டு , ரேஷ்மி அருகில் சென்றான்.

“ஹேய்.. குள்ள வாத்து. சொதப்பாம உருப்படியா ஒரு காரியம் பண்ணிட்டே. வாழ்த்துகள். “

“ஹலோ. பனை..” என்று ஆரம்பித்தவள், கோர்ட்டில் இருப்பதை உணர்ந்தவளாக

“மிஸ்டர் நாங்க சொதப்பினதை நீங்க பார்த்து இருக்கீங்களா என்ன? தெரியாம பேசாதீங்க சார்”

“நீ என்ன சொதப்பினன்னு நான் நேரம் வரும்போது சொல்றேன். இப்போ பாய்” என்று விட்டு, மற்ற எல்லோருக்கும் தலை அசைத்து விட்டு சென்று விட்டான்.
 

Devi

Author
Author
#2
இஷா கோர்ட் ப்ரோசெச்ஸ் முடித்து விட்டு வர, அவள் வரும்வரை இஷான், ரேஷ்மி இருவரும் காத்து இருந்து, மூவருமாக இஷா வீட்டிற்கு சென்றனர்.

அங்கே உள்ளே செல்லும்போதே இஷா அப்பா ராஜசேகர் அமர்ந்து இருக்க, இஷாவை பார்த்தவுடன்

“இஷா.. சாதிச்சுட்டடா. ரொம்ப சிக்கலான இந்த விஷயத்தை அழகா ஹான்டில் செய்து, நம்ம பக்கம் இருக்கும் நியாயத்தை புரிய வச்சுட்ட. ரொம்ப சந்தோஷமா இருக்குமா”

“தேங்க்ஸ் பா.. நான் சாதிச்சாலும் அண்ணாவும், ரேஷ்மியும் கொடுத்த புல் சப்போர்ட்லே தான் ஜெயிச்சேன். அவங்கதான் இந்த விஷயத்தில் ரொம்ப பாரட்டபட வேண்டியவங்க.”

“நிச்சயமா.. இஷான் இது உன்னோட கடமை என்றாலும் இஷா கிட்டே எந்த ஈகோவும் பார்க்காம அவள் சொல்றத செஞ்சது நிச்சயமா பாராட்டப்பட வேண்டியது. இதுதான் தலைமை பதவிக்கான முக்கியமான பண்பும் கூட. அந்த விதத்தில் நீ சரியான பாதையில் போயிட்டு இருக்க என்பதில் எனக்கு ரொம்ப சந்தோஷம்” என்று வாழ்த்திய ராஜசேகர்,

“ரேஷ்மி, ரொம்ப தேங்க்ஸ் மா.. உன்னோட ஹெல்ப் இஷாவிற்கு அலுவலகத்திலும் சரி, இப்போ இந்த கேஸ் விஷயத்திலும் சரி டைம்லி ஹெல்ப். “

ரேஷ்மி பதிலாக “இதுலே என்ன இருக்கு சார். என்னோட வேலைய தான் நான் செஞ்சேன்” என,

அப்போது இஷா அம்மாவும் வந்து முதலில் இஷாவை வாழ்த்தி விட்டு, ரேஷ்மிக்கு தான் நன்றி சொன்னார்.

பிறகு எல்லோரும் சேர்ந்து சாப்பிட்டு விட்டு, ரேஷ்மியை கொண்டு விட சொல்லி டிரைவரிடம் சொல்லி விட்டு அவரவர் அறைக்கு திரும்பினர்.

இஷான் தன் அறைக்கு செல்லும் முன் அவனை அழைத்த இஷா,

“இஷான். நாம இதோட மெத்தனமா இருந்துட கூடாது. நம்ம மேலே உள்ள பகைய தீர்க்க இப்படி பொதுமக்களோட ஆரோக்கியத்தோட விளையாண்ட அவங்களுக்கு தகுந்த தண்டனை வாங்கி கொடுத்தே ஆகணும். “ என்று கூறினாள்.

“கண்டிப்பாடா இஷா. நான் ஏற்கனவே மிஸ்டர் ராவ் கண்காணிக்க நம்ம டிடெக்டிவ் ஏஜென்சிகிட்டே சொல்லிட்டேன். அதோட அந்த குளத்த சுத்தி பாதுகாப்பு போடவும் ஏற்பாடு பண்ணிட்டேன். அந்த செலவு பூரா நம்ம கம்பெனிலேர்ந்து எனக்கு வர வருமானத்துலே எழுத சொல்லிட்டேன். “

“குட் அண்ணா. நாளைக்கு ஒரு பிரஸ் மீட்டிங் ஏற்பாடு செய்துட்டு, கையோட நம்ம ஸ்டாப்ஸ்க்கும் எல்லா விவரங்களும் சொல்லணும்.”

“சரிடா.. ஏற்பாடு பண்ணிடலாம். போய் தூங்கு. குட் நைட்” என்று விட்டு இஷான் தன் அறைக்கு சென்றான்.

தன் அறைக்கு சென்ற இஷாவிற்கு ஒரு மாதிரி சந்தோஷத்தில் தூக்கமே வரவில்லை. கேஸ் ஜெயித்தது ஒரு புறம் என்றால், இன்றைக்கு சித்தார்த் நொடிக்கும் குறைவான நேரத்தில் அவளை மெச்சுதலாக பார்த்தான். அந்த பார்வை அவளுக்கு மட்டுமே புரிந்தது.

அவனிடம் அப்படி ஒரு பாராட்டு கிடைக்க அவள் எத்தனை போராடுவாள் என்பது அவளுக்கு மட்டுமே தெரிந்த ஒன்று. அவளின் நினைவுகள் மீண்டும் தன் கல்லூரி நாட்களுக்கு சென்றது.

அதே நேரம் விக்ரம் , சித்தார்த் இருவரும் எதிர் எதிரில் அமர்ந்து இருக்க, விக்ரம் அவனிடம் இருந்து வரப்போகும் வார்த்தைகளுக்காக காத்து இருந்தான்.

அன்று மாலை வேலை முடிந்து வீட்டிற்கு செல்லும்போது, விக்ரமும் சித்தார்த்துடன் வந்தான். சித்தார்த் அப்பா, ஹாலில் அமர்ந்து இருக்க, சித்தார்த் அவர் அருகில் அமர்ந்தான். விக்ரம் எதிரில் அமர்ந்தான்.

“என்ன சித்தார்த்? இன்னைக்கு கேஸ் எப்படி போச்சு?

“ஏன் ராஜேஷ் உங்ககிட்டே சொல்லலையா என்ன?

“டேய். அவர் என் வக்கீலா சொல்லுவார். நீ என் மகனா சொல்ல மாட்டியா?”

“உங்க மகன் தான். அதுக்கும் கோர்ட் கேஸ்க்கும் எந்த சம்பந்தமும் கிடையாது. சோ நான் எதுவும் சொல்ல மாட்டேன்”

“ஹ்ம்ம். உன்கிட்டேர்ந்து ஒரு வார்த்தை வாங்க முடியுமா?

“உங்க பையன் வேறே எப்படி இருப்பேன்?

“சரி. சரி அத விடு. இன்னைக்கு தீர்ப்புலே சார் செம குஷியில் இருக்கீங்க போலவே”

“ஆமாபா.. சோ ஹாப்பி” என்று மட்டும் சொன்னான். அப்போதுதான் விக்ரம் வந்து இருப்பதை உணர்ந்தவனாக,

“விக்கி , நீ கொஞ்ச நேரம் அப்பா கிட்டே பேசிட்டு இரு. நான் ரெப்ரெஷ் பண்ணிட்டு வரேன்.” என்று கூறியவன், மிகவும் உற்சாகத்தோடு ஒரு பாடலை விசிலடித்தபடி படி ஏறினான்.

அவன் செல்வதையே விக்ரம், விஸ்வநாதன் இருவரும் பார்த்துக் கொண்டு இருந்தனர். விஸ்வநாதன் பெருமூச்சு விட்டு விக்ரம் பக்கம் பார்க்க, அவனும் அப்போதுதான் அவரின் முகத்தை கவனித்தான்.

“என்ன அங்கிள் ஒரு மாதிரி இருக்கீங்க?

“விக்ரம், நீ ஏன் இன்னும் கல்யாணம் பண்ணிக்கலை?”

“லாஸ்ட் இயர் தான் அங்கிள் ரெண்டாவது சிஸ்டர்க்கு கல்யாணம் ஆச்சு. இனிதான் என் கல்யாணத்தை பத்தி யோசிக்கணும்”

“ஹ்ம்ம். வீட்டில் பொண்ணு பார்க்கிரங்களா? இல்லை நீ பார்த்துட்டியா?” என்று சிரித்தபடி வினவினார் சித்துவின் அப்பா.

அந்த கணம் அவனுக்கு ரேஷ்மியின் முகம் நினைவிற்கு வர, “ஹ்ம்ம்.. பார்க்கணும்” என்று கூறினான்.

அவனின் முகத்தை பார்த்தவர், பையன் எங்கியோ வசமா மாட்டி விட்டான் போலவே என்று எண்ணி சிரித்துவிட்டார்

அவரின் சிரிப்பில் சுதாரித்தவன், வழிந்தபடி அவரை பார்த்தான்.

“உன் பிரெண்ட் எப்போ கல்யாணம் பண்ணிக்க போறானாம்?

“யாரு அங்கிள் ? சித்தார்த்தா?

“ம்ச்ச். அவனேதான்.”

“அங்கிள், அவனுக்கு எத்தனை பிரெண்ட்ஸ் இருந்தாலும், நீங்கதான் பர்ஸ்ட் அண்ட் பெஸ்ட்ன்னு தெரியாதா? நீங்க கேட்டா சொல்லிட்டு போறான்”

“அட போடா.. அது எல்லாம் முன்னாடி. இப்போ எல்லாம் சார் பெரிய நீதபதி ஆயிட்டார்லே. எதுவும் சொன்னா கேக்குறது இல்லை”

“அப்படி என்ன அங்கிள் சித்து கேட்கலை?”

“ நானும் கிட்டத்தட்ட ஐஞ்சு வருஷமா சொல்லிட்டு இருக்கேன் கல்யாணம் பண்ணிக்க சொல்லி. அவன் பதிலே சொல்ல மாட்டேங்குறானே”

அவனுக்கு அப்போது இஷாவின் நினைவு வந்தது.

“அங்கிள், அவன் உங்களுக்கு பிடி கொடுக்காம இருக்கான்னா காரணமும் உங்களுக்கு தெரிஞ்சு இருக்குமே”

“தெரியும் தான். ஆனால் அதையே பிடிச்சு தொங்கிட்டு இருக்காதேன்னு சொன்னால் கேட்கணும் இல்லையா?”

“அது சரிதான்” என்று மட்டும் சொன்னான்.

“விக்ரமா, நீ கொஞ்சம் அவனோட பேசி , அவன சம்மதிக்க வையேன்”

“போங்க அங்கிள். நீங்க சொல்லியே அவன் கேக்கலைன்னா, நான் சொல்றது எல்லாம் காதிலேயே வாங்கிக்க மாட்டான்.”

“ம்ச்ச்.. ஒரு ட்ரையாவது பண்ணிட்டு சொல்லேண்டா. ஆரம்பிக்கறதுக்கு முன்னாடியே அஸ்து கொட்டிகிட்டு” என்று திட்ட ஆரம்பிக்க,

“ஐயோ . சரி அங்கிள் விடுங்க. அவன் கிட்டே பேசறேன்.” என்று அவன் கூறிய பிறகே விட்டார்.

சித்தார்த் ரெடியாகி வரும் நேரத்திற்குள் இவர்கள் சண்டை போட்டுக் கொள்ள, அவன் தலை தெரியவும், விஸ்வநாதன் பேச்சை மாற்றி விட்டார்.

பொதுவாக விக்ரம் வேலை, குடும்பம் பற்றி பேசிக் கொண்டு இருந்தார். சித்தார்த் வந்து மீண்டும் தன் தந்தையின் அருகில் அமர்ந்தான்.

“அப்பா. நானும் விக்ரமும் இன்னைக்கு டின்னெர் வெளியில் போயிட்டு வரோம்பா. நீங்க எனக்காக வெயிட் பண்ணாம , சாப்பிட்டு படுங்க”

“சரிப்பா. போயிட்டு வாங்க”

என்று இருவரையும் அனுப்பி வைத்தார் விஸ்வநாதன். ரொம்ப நாட்கள் கழித்து சித்தார்த் பழையபடி மாற ஆரம்பித்து இருக்கிறானோ என்று அவருக்கு தோன்றியது.

இதன் காரணம் அவர் எண்ணியது போல் இருந்தால், என்ன மாதிரி உணர்வது என்று அவருக்கே தெரியவில்லை.

விக்ரம் , சித்தார்த் இருவரும் முன்பு இஷா, ரேஷ்மி இருவரும் வந்து இருந்த ஹோட்டலுக்கு வந்து இருந்தனர். அங்கே தான் விக்ரம், ரேஷ்மியை முதலில் பார்த்தது. முதல் சந்திப்பே இருவருக்கும் மோதல் தான். அதை எண்ணி சிரித்தபடியே வந்தான் விக்ரம்.

அவனை பார்த்த சித்தார்த் “என்னடா. மூஞ்சிலே ஆயிரம் வாட்ஸ் பல்பு போட்ட மாதிரி பிரகாசம் தெரியுது. என்ன விஷயம்?

“அப்படி எல்லாம் ஒன்னும் இல்லைடா. ஏதோ நினைச்சேன். “

“அதான் அந்த ஏதோ தான் என்னனு கேட்டேன்”

“இந்த ஹோடேலில் தான் முதல் முதலா ரேஷ்மியை பார்த்தேண்டா.”

“ஓ. லவ் அட் பர்ஸ்ட் சைட்டா?

“அட நீ வேற. பைட் அட் பர்ஸ்ட் சைட் தான் நடந்தது” என்று அன்றைக்கு நடந்ததை கூறினான்,

“நீதான் அன்று என்னை போன் பண்ணி கூப்பிட்ட. இல்லை இன்னும் கொஞ்ச நேரம் அந்த குள்ள வாத்த ஒட்டிருப்பேன்”

“ஹ. ஹ. ரெண்டு பேரும் உன்னை நல்லா வாரினாங்க போலே”

“அந்த கொடுமைய ஏன் கேக்கற. நானே எக்கச்சக்க வாயாடுவேன். அந்த பொண்ணு எனக்கும் மேலே பேசுதுடா”

இப்போது சத்தமாகவே சிரித்தான் சித்தார்த். அவன் மனம் விட்டு சிரிப்பதை சற்று நேரம் பார்த்துக் கொண்டு இருந்தவன்,

“சித்து, நீ இப்படி சிரிச்சு ரொம்ப நாள் ஆச்சுடா. எனக்கு தெரிஞ்சு உன் படிப்பிற்காக நீயும் நானும் பிரிந்து, மீண்டும் சேர்ந்த பிறகு ஒரு முறை கூட பார்க்கவில்லை. என்ன பிரச்சினை உனக்கு சித்து?

“பிரச்சினையா? அப்படி எல்லாம் ஒன்னும் இல்லைடா.”

“பொய் சொல்லாதடா. நான் உன் பிரெண்ட் தானே எங்கிட்ட ஷேர் பண்ணிக்கறதுக்கு என்ன? அப்படி இல்லாட்டா உன் அப்பா கிட்டேயாவது சொல்லு. ரொம்ப வருத்தபடுராற்டா உன் வருங்காலத்தை பத்தி யோசிச்சு.

“அவருக்கு தெரியும்டா.”

“அப்பா ஒன்னு சொன்னா சரியா இருக்கும்ன்னு கண்ணா மூடிட்டு நம்புவியே. இப்போ மட்டும் அவர் சொல்றத கேட்க மாட்டேங்குற ? ஏன்?

“என்னாலே யாரையும் மனைவி இடத்தில் வச்சு பார்க்க முடியாதுடா?

“இஷாவ கூடவா?”

இப்போது விக்ரமை திடுக்கிட்டு பார்த்தான் சித்தார்த்.

“உனக்கு எப்படி தெரியும்?”

“மச். அது எதுக்கு உனக்கு? நான் கேட்டதுக்கு பதில் சொல்லு?

“நீ என் கேள்விக்கு பதில் சொல்லு. உனக்கு எப்படி தெரியும்?”

மீண்டும் மீண்டும் கேட்டாலும் அதற்கு மறுப்பு சொல்லவில்லை சித்தார்த் என்பதை உணர்ந்தான் விக்ரம்.

“ராஜேஷ் பேச்சு வாக்கில் சொன்னான்டா”

“அவனுக்கு எப்படி தெரியும்?

“அவன் உன் காலேஜ் ஜூனியராமே. அதோட இஷாவும் அவனும் ஒரே பேட்ச் போலே”

“ஆமா. ராஜேஷ் என் ஜூனியர் தான்” என்று மட்டும் சொன்னான்.

“அப்படின்னா, இஷாவும் உன் ஜூனியர் தானே”

“ஹ்ம்ம்.. ஆமாம்” என்று சொல்லும்போதே அவன் கண்கள் எங்கோ நோக்க, முகம் மிருதுவாக மாறியது

“உனக்கும் , இஷாவிற்கும் நடுவில் என்ன பிரச்சினை? உங்க அப்பா சொல்றத பார்த்தா அவர் காதலுக்கு எதிரி போல எல்லாம் தெரியல. அப்புறம் என்ன தயக்கம்?”

“தயக்கம் எல்லாம் இல்லைடா. நாங்க எங்க மனசில் சுமந்த காதலுக்கு எதிர்காலம் கிடையாதுன்னு புரிஞ்சது. அதான் விலகிட்டோம்”

“டேய் பிரச்சினை என்னன்னு சொல்லுடான்னா, கதா காலட்சேபம் பண்ணிட்டு இருக்க? அடிங்க” என்று விக்ரம் அவனை அடிக்க, சித்தார்துக்குக்கும் ஒரு வடிகால் தேவைப்பட்டதோ என்னவோ விக்ரமிடம் தன்னை பற்றி எல்லாவற்றையும் சொல்ல ஆரம்பித்தான்,.
 

Vijayasanthi

Well-known member
#5
வாவ் சிஸ்டர் சூப்பர்....இன்னைக்குதான் இதைப் படிக்கிறேன்.....கோர்ட் ஆர்க்யூமென்ட்ஸ் ரொம்ப விறுவிறுப்பா இருந்துச்சு..விக்ரம் ரேஷ்மி கான்வே அழகா இருந்துச்சு...சித்தார்த் இஷா காதலின் அறிமுகம் அருமை....மொத்தத்தில எந்த இடத்திலயும் ஏன் இப்படினு சலிப்பு தட்டலை...சித்தார்த் இஷா காதலையும் பிரிவுக்கான காரணத்தையும் தெரிஞ்சிக்க ரொம்ப ஆர்வமா இருக்கு...எழுத்து நடை வெகு அற்புதம்...எங்களை ஏமாத்தாம சீக்கிரம் அடுத்த யூடியோட வாங்க....
வாழ்த்துக்கள்....
 
#6
அருமையா கொண்டுபோறிங்க ஒரு வாழியா கேஸில் இருந்து வெளியே வந்தாச்சு இனிமே மெயின் குற்றவாளியை கண்டுபிடிக்கனும் இஷாவும் சித்தார்த்தும் கிடைக்கிற கேப்பில் யாருக்கும் தெரியாமல் ரொமான்ஸ் பண்றாங்க சித்தார்த் விக்ரமிடம் அவுங்க ரெண்டு பேரும் ஏன் பிரிஞ்சாங்கன்னு சொல்ல போறானா
 
#7
Nice episode.
Isha, Case I handle panniya vidham arumai.
Court procedures ellam sariya iruku.
Rajesh isha friendship , and professional talk nice.
Sid appa ippavum avanga love I abject pannalai, then why they separated ?
Vikram Kita Sid enna solla poran?
Waiting to read next episode.
 

New comments

Advertisements

Latest profile posts

banumathi jayaraman wrote on VijiThiru's profile.
My heartiest birthday wishes to you, VijiThiru Sir/Madam
banumathi jayaraman wrote on Suwas's profile.
My heartiest birthday wishes to you, Suwas Sir/Madam
banumathi jayaraman wrote on Lura's profile.
My heartiest birthday wishes to you, Lura Sir/Madam
banumathi jayaraman wrote on jamunarani's profile.
My heartiest birthday wishes to you, Jamunarani Madam
banumathi jayaraman wrote on elakkiya's profile.
My heartiest birthday wishes to you, Elakkiya Madam
காலை வணக்கம் தோழமைகளே...
எல்லோரும் நலமா இருக்கீங்கன்னு நம்புறோம். தேடல் போட்டி நிறைவடைஞ்சிருச்சுன்னு மகிழ்வதா...? இல்ல வாசக தோழமைகளும், நடுவர்களும் நம் கதையை சீர்தூக்கி பார்க்கும் நேரம் வந்துவிட்டதே என படபடப்புடன் காத்திருப்பதா? (அந்தோ பாவம் அம்முயோகாவுக்கு வந்த சோதனை...) போட்டியில் கலந்துகொண்ட அனைத்து படைப்பாளிகளும் வெற்றி பெற எங்களது உளமார்ந்த வாழ்த்துக்கள். இதற்கான வாய்ப்பை கொடுத்த SM TEAM க்கு நன்றிகள் பல.
தேடல் 2018 போட்டியில் கலந்து கொண்ட அனைத்து எழுத்தாளர்களின் அனைத்து நாவல்களும் மிகவும் அருமையாக இருக்குப்பா அனைத்து எழுத்தாளர்களுக்கும் பரிசு கிடைக்க என்னுடைய மனமார்ந்த நல்வாழ்த்துக்கள், என்னருமை இனிய எழுத்தாள தோழி, தோழர்களே
banumathi jayaraman wrote on jaicherie's profile.
My heartiest birthday wishes to you, Jaicherie Sir/Madam
காதலாம் பைங்கிளிக்கு 30க்கும் மேற்பட்ட ரிவ்யூஸ் பதியப்பட்டிருக்கிறது. அதுவும் கல்லூரி மாணவிகள், சக எழுத்தாளர்கள், திருமதிகள், சிங்கிள் கேர்ள்ஸ், ஆண்கள், சிறுமியரின் தாய்மார்கள், கல்லூரி மாணவியின் அம்மா, என்னைவிடவும் வயதில் பெரியவர்கள், நம் ஊரில் வசிப்போர், நம் நாட்டுக்கு வந்தே இராதவர், என பல வகைப் பட்ட, எல்லா வயதினரிடமிருந்தும் வந்திருப்பது ப்ரமிப்பாக இருக்கிறது. இந்த ஊக்கத்திற்கும் பாராட்டுகளுக்கும் ஏராள நன்றிகள

Advertisements

Latest Episodes