MIRUTHNAIN KAVITHAI IVAL 17

cover page-274a2cd1

மிருதனின் கவிதை இவள் 17

இருள் சூழ்ந்த வானத்தில் ஆங்காங்கே மிளிரும் நட்சத்திரங்களை  வெறித்தபடி நின்றிருந்த கோபால கிருஷ்ணனிடம் ,

” அந்த வேலன் பேசினத்தையே நினைச்சிட்டு இருக்காத கோபி, அவன் பேசியதை மறந்திரு டா “என்று அவருக்கு ஆறுதல் அளித்தார் அவரது நண்பன் நிலவன் .

”  கடன் குடுத்திருந்தா  என்ன வேணும்னாலும் பேசுவானா ? நான் என்ன தூக்கிட்டா ஓட போறேன் , அசிங்கமா பேசுறான் , எவன் பண்ணின தப்புக்கோ  நான் அனுபவிச்சிட்டு  இருக்கேன் “பணத்தை இழந்த பரிதவிப்பு மற்றும்   அவமானத்தின் வலியால் ஆவேசத்தில் பற்களை கடித்த கோபால கிருஷ்ணனுக்கு  அவ்வளவு கோபம் வந்தது .

” கொஞ்சம் பொறுமையா இரு கோபி “

” எப்படி நிலவா ? பொண்ணுக்கு கல்யாணம் வச்சிருக்கேன் நெஸ்ட் மந் செட்டில் பன்றேன்னு  ,சொல்றேன்ல   அதுக்குள்ள அசிங்கமா பேசுறான். செய்யாத தப்புக்கு எவ்வளவு பெரிய தண்டனை அனுபவிக்கிறேன் , ஒரு பேங்க்ல மேனேஜரா இருந்துட்டு எவ்வளவு பெரிய முட்டாளா இருந்திருக்கேன், சம்பாதிக்கணும் என்கிற  வெறில இப்படி நஷ்டப்பட்டு  நிக்கிறேனே  .என் பணத்தையும் இழந்து , அந்த சிவகுமார் பண்ணின தப்புக்கு கண்டவன்கிட்ட கையையும் நீட்டிட்டு ,இப்போ அந்த வேலன் கிட்ட பேச்சும் கேட்டுட்டு இருக்கேன்   ” ஆதங்கத்தில் அவர் முகம் கன்றி  சிவந்தது  . 

” ஸ்நேகிதன்னு  நினைச்சேன் இப்படி ஒரு துரோகத்தை செய்வான்னு நான் நினைக்கவே இல்லை கோபி .  என்னால தான் உன் பணமெல்லாம் போய் நீயும் இக்கட்டான சூழ்நிலையில மாட்டிக்கிட்ட  , என்னை மன்னிச்சிரு டா  ” என  நிலவன் கை கூப்பி கெஞ்ச , அவரது கரத்தை பிடித்து கீழே இறக்கிய கோபால கிருஷ்ணன் ,

” என்னடா நீ , அவன் ஏமாத்தினத்துக்கு,  நீ என்னடா செய்வ, அவன் உன்னையும் தான ஏமாத்திருக்கான். நான் பணத்தை இழந்தேன், நீ உன் உழைப்பை இழந்த ” என்றார் விரக்தியாக .

“திடீர்ன்னு மேகாக்கு கல்யாண ஏற்பாடு பண்ணிருக்க , மாப்பிள்ளை வீட்டு காரங்களும் ரொம்ப பெரிய இடமா தெரியுதே , டிமென்ட் ஏதும் பண்ணினாங்களா ?  பணத்துக்கு என்ன டா பண்ற ?” என வினவிய நிலவனின்,குரலில் இருந்த அக்கறையை உள்வாங்கிக்கொண்ட கோபாலகிருஷ்ணன் ,

“பெரிய இடம் தான் , டிமென்ட் எதுவும் அவங்க சைட் பண்ணல , அதுக்காக நாமளும் அப்படியே  விட முடியாதுல , நகை ,சீரு, சாப்பாடு,  மண்டபம்ன்னு எல்லாம் சேர்த்து ஒரு எஸ்டிமேஷன் போட்டேன்  ஒரு அமவுண்ட் வந்திருச்சு.  

மேகாக்குன்னு முன்னாடியே ஒரு ல்ஐசி போட்ருக்கேன்னு உன்கிட்ட சொல்லிருந்தேன்ல அது போன மாசம் தான் முடிஞ்சி பணம் கைக்கு வந்துச்சு .

அந்த பணத்தையும் சேர்த்து , பேங்க்ளையும்  லோன் அப்பளை பண்ணி , அந்த வேலன்க்கு மொத்த பணத்தையும் இந்த மாசம் செட்டில் பண்ணி, அவனை ஓச்சு விடணும்னு நினைச்சிருந்தேன் .

அதுக்குள்ள நான் எதிர்பாராத விதமா மேகா கல்யாணம் கூடிருச்சு . தெரிஞ்ச குடும்பம் தான்.  நாங்க டெல்லில இருக்கும் பொழுது அவங்களை  தெரியும் . ராதிகாவுக்கு   ரொம்ப புடிச்சிருக்கு , மேகாவும் சந்தோஷமா இருக்கா , அதான் எப்படியாவது மேகா கல்யாணத்தை எந்த தடையும் இல்லாம முடிச்சிட்டு , வேலன் கிட்ட டைம் கேட்க்கலாம்ன்னு    இருந்தேன்,  இப்போ இந்த வேலன் இப்படி பன்றான் . ” என்றார் கோபால கிருஷ்ணன் .

” சரி வேலன் கிட்ட ,மறுபடியும் பேசி பார்ப்போம் , நீ டென்ஷன் ஆகி உன் பீபிய ஏத்திக்காத  “

” ஒரு வாரம் தான் டா , மேகா கல்யாணம் நல்ல படியா முடிஞ்சிருச்சின்னா , அதுவே எனக்கு ஒரு பெரிய நிம்மதி , பேங்க் லோன்  போட்டோ  இல்லை வீட்டை அடமானம்  வச்சோ ,  எப்படியோ  அடுத்த மாசத்துக்குள்ள  அந்த ஆள் குடுத்த கடனை குடுத்திருவேன் .மேகா கல்யாணம்  வரைக்கும் அந்த ஆள் அமைதியா இருக்கனும்.

ராதிகாவுக்கு வேற இது எதுவுமே தெரியாது , மேகா கல்யாணம் முடிஞ்சதும் ,  எல்லாத்தையும்  சொல்லணும் ,அவ எப்படி எடுத்துக்குவான்னு  தெரியல.  கல்யாணம் ஆகி இதுவரை எதையுமே மறைச்சது இல்லை ரொம்ப உறுத்தலா இருக்கு . இது எல்லாவற்றிற்கும்  மேல அந்த சிவகுமாரை  எப்படியாவது கண்டு புடிக்கணும் டா , அத்தனையும்  நானும் என் மனைவியும்  உழைச்சு  சம்பாதிச்சது “ஓங்கி இறங்கிய கோபாலகிருஷ்ணனின் குரல் தழுதழுத்தது .

” எல்லா இடமும் கேட்டு பார்த்துட்டேன் கோபி, அவன் எந்த நாட்டுல இருக்கான்னே  தெரியல ” என்றார் நிலவன் .

” போலீசும் எந்த ஆக்ஷனும்  எடுக்க மாட்டிக்கிறாங்க , நாளைக்கு ஸ்டேஷன்  போய் அந்த இன்ஸ்பெக்டரை  பார்த்து கைல ஏதாவது குடுக்கணும், அவங்களுக்கு போடுறதை போட்டா தான் வேலை பாக்குறானுங்க , அந்த இன்ஸ்பெக்டருக்கு மட்டும் கணக்கில்லாம கொடுத்திருக்கேன் டா ” என்றவர் தோள் மீது கை வைத்த நிலவன் ,

“சரி கவலைப்படாத எல்லாத்தையுமே சரி பண்ணிரலாம் , டைம் ஆச்சு நான் கிளம்புறேன் , நீ நாளைக்கு ஸ்டேஷன்   போகும் பொழுது எனக்கும் ஒரு வார்த்தை சொல்லு நான் நேரா ஸ்டேஷன் வந்திர்றேன் , நீ தனியா போகாத ” என்றார் நிலவன் .

நிலவன் கூறியதற்கு  சரி என்பதாய் தலையசைத்த கோபால கிருஷ்ணன் ,அவரை  வழியனுப்ப மாடியில் இருந்து கீழே இறங்கி வந்தார் .

~~~~~~~~~~~~~

ரிசார்ட்டில் தனது  அறையில் உள்ள  ரெஸ்ட் ரூமில் இருந்து  பூத்துவாலையால் தன் முகத்தை துடைத்தபடி வெளியே வந்த ரிதுராஜ்,   கதவு தட்டும் சத்தம் கேட்டு மணியை பார்த்தவன் ‘இந்த நேரத்துல யாரா இருக்கும்? ‘ என்கின்ற சிந்தனையுடன்  கதவை திறக்க , வாசலில் ஒரு பக்க கன்னம் வீங்கிய நிலையில் நின்ற தந்தையை கண்டு ,அதிர்ந்த ரிதுராஜ்,

” என்னாச்சு பா ” என பதற்றத்துடன் கேட்டான் .

ரிதுராஜை மேலும் கீழும் பார்த்து பயங்கரமாய்  முறைத்த கனகராஜ்,

” ஹாங்… கீழே விழுந்துட்டேன் ” என்றபடி அறைக்குள் நுழைந்தவர்  ,தன்னை கேள்வியோடு பார்த்துகொண்டியுர்ந்த தன் மகனிடம் ,

” ஏர்லி மார்னிங் ஐஞ்சு மணிக்கு டெல்லி பிளைட், ரிசார்ட் கார் நாலு மணிக்கெல்லாம் உன்னை பிக் அப் பண்ணிக்கும், ஹாஸ்ப்பிட்டல் அக்கவுண்ட்ஸ்ல கொஞ்சம் ப்ராப்லம் , நீ அங்க இருக்கனும்,உன் திங்ஸ் எல்லாத்தையும் பேக்  பண்ணிரு ” என ஒரு தகவலாக கூறியவர் , அவன் பதிலை எதிர்பாராது  விறு விறுவென வாசலை நோக்கி நடக்க ,

” வாட் நாளைக்கு டெல்லி போகணுமா ?” அதிர்ச்சியுடன் கேட்டான் .

” உன் காதுல சரியா தான் விழுந்திருக்கு ” என்றவர் வேகமாக அறையில் இருந்து வெளியேற ஆயத்தமாகவும் ,

” ஆனா அப்பா இன்னும் ஒரு வாரத்துல கல்யாணம் இருக்கு ” என ரிதுராஜ் தயக்கத்துடன் கூறவும்  , நின்று கண்களை மூடி திறந்தவர்  ,அவனது முகத்தில் இருந்த அதிருப்தியை உள்வாங்கிக்கொண்டு  ,

”  நாளைக்கா கல்யாணம் ம்ம்? அதான் கல்யாணத்துக்கு இன்னும் ஏழு நாள் இருக்கே அப்புறம் என்ன ?அது  வரைக்கும்  இங்கையே வெட்டியா இருந்து டைம் வேஸ்ட் பண்ணுவியா ம் ? ஹாஸ்ப்பிட்டல்  அக்கவுண்ட்ஸ்ல    பிரச்சனை இருக்குன்னு சொல்றேன் அதை பத்தி கேட்காம , கல்யாணமாம் கல்யாணம் .  பொறுமையா இருந்து சால்வ் பண்ணிட்டு வந்தா போதும் ” என் முடிவாய் கூறியவர் ரிதுராஜை ஒரு பார்வை பார்த்துவிட்டு வெளியேறினார் .

ரிதுராஜிற்கோ தந்தை கூறியதை கேட்டு கவலை இருந்தாலும் , அதற்கு மேல் அவனால் அவரை எதிர்த்து ஒருவார்த்தை பேச முடியாமல் போக ,மறுநாள் நாள் டெல்லி செல்ல ஆயத்தமானான் . 

~~~~~~~~~~~~~~~~~~~~~~~~~~~~~~

“அப்பா அப்பா “டைனிங் டேபிளில் கண்களை மூடி அமர்ந்திருந்த கோபாலகிருஷ்ணனின் சிந்தனையை கலைத்தது மகன் விக்ரமின் குரல்.

“கிருஷ்ணா இன்னும் பீபி டேபிளைட்டை போடாம இருக்கீங்க, இந்தாங்க  ” என்றபடி மாத்திரையை கணவனின் கையில் கொடுத்தபடி வந்தார் ராதிகா .

“சொல்லு விக்ரம் ” மாத்திரையை விழுங்கிக்கொண்டே மகனிடம் வினவினார் .

“அப்பா நீங்க சொன்னது போல  மாடில உள்ள ரெண்டு ரூமையும் ரெடி பண்ணி ,அவங்களை ஸ்டே பண்னண வச்சிட்டேன்  ” குதூகலமாக கூறிய மகனிடம் ,

” என்னாச்சு என் பையன் இன்னைக்கு ரொம்ப ஹப்பியா இருக்கான்”

” அவங்க ரெண்டு பேரும் செம டைப் , அதுல அக்னி ப்ரோ சான்ஸே இல்லை செம பா . அவருக்கு எய்ட் பேக்ஸ் பா, என்ன ஆர்ம்ஸ்ன்னு தெரியுமா  ? எனக்கு கூட எக்சர்சைஸ் கத்து தரேன்னு சொல்லிருக்காரு . பாக்சிங்கும் சொல்லி தரேன்னு சொன்னாரு . அவரோட மொபைல் லேட்டஸ்ட் ஆப்பிள் மாடல் பா , அழகா இருக்குன்னு சொன்னேன் , உடனே பாருன்னு கைல குடுத்துட்டாரு “ஆர்வத்தில் கண்கள் மின்னல் கூறினான் விக்ரம் .

” நீ வாங்கினியா என்ன?” கோபால கிருஷ்ணனின் குரல் இறுகியது .

“நோ பா , வேண்டாம்ன்னு சொல்லிட்டேன் “தாயை பாவம் போல பார்த்த  விக்ரமின் குரல் நலிந்து உள்ளே செல்ல , அதற்கு மேல் அவன் ஒரு வார்த்தை பேச வில்லை .

” சம்பந்திக்கு ரொம்ப முக்கியமானவங்க,  நீ தான் அவங்க  கூட இருந்து அவங்களை  நல்ல படியா கவனிச்சிக்கணும்,தேவை இல்லாம தொல்லை பண்ண கூடாது சரியா “

“சரி பா , டைம் ஆச்சு நான் தூங்க போறேன் , குட் நைட் மா , குட் நைட் பா “என்ற விக்ரம் தன் தந்தையிடமும்  தாயிடமும்  விடைபெற்றுக்கொண்டு விட்டால் போதுமென்று தன் அறைக்கு ஓடினான்.

~~~~~~~~~~~~~~`

” சின்ன பையன் பா ஏன் இவ்வளவு முறைக்கிறீங்க பயந்துட்டான் “என்ற மனைவியிடம் ,

” அடுத்த வருஷம் கையில டிகிரி வந்திரும் ,அவன் சின்ன பையனா ?உனக்கு உன் பையன்னா போதுமே ” என்றவரை செல்லமாக முதுகில் அடித்த ராதிகா, 

“ஏங்க ஒன்னு கேட்கணும்ன்னு நினைச்சேன் , அவங்க ரெண்டு பேரும் யாரு ?ரொம்ப வசதியானவங்களா  தெரியுது ,  சம்பந்திக்கு என்ன வேணுமாம்? ”  கணவனின் அருகே அமர்ந்தபடி தன் விசாரணையை  ஆரம்பித்தார் ராதிகா .

” சம்பந்திக்கு  ரொம்ப வேண்ட பட்டவங்களாம் , அவங்க வருவாங்கன்னு எதிர் பார்க்கலையாம் , திடீர்ன்னு தான் ஃபிளைட் கிடைச்சு வந்திருக்காங்க . கல்யாணம் வர இங்க தான் இருப்பாங்க “

” ஓ … ஏன் அந்த ரெசார்ட்ல ஒரு ரூம் கூடவா இல்லை ” என்ற மனைவியை ஒருகணம் அழுத்தமாய் பார்த்த கோபால கிருஷ்ணன் , அவரது பேச்சில் உள்ள அர்த்தத்தை உணர்ந்துகொண்டு ,

” சம்பந்தி கேட்டு பார்த்தாராம் , முகூர்த்த நேரம் ரூம் எதுவும் வேகண்ட்டா இல்லையாம் . ரொம்ப முக்கியமானவங்க நல்லா கவனிச்சிக்கணும் , உங்க வீட்ல தங்க வச்சிக்க முடியுமான்னு கேட்டாரு , சரின்னு சொல்லிட்டேன் .”

” ஓ ” என ராதிகா இழுக்கும் பொழுது ,”ஷ் ஷ் ” சமையல் அறைக்குள் இருந்து சத்தம் கேட்க தலை திருப்பி பார்த்தவர் ” என்ன?” என்றார் கண்களாலே, ” சொல்லு மா ” என மேகாவும் இஷிதாவும் செய்கை செய்ய , சரி என்பதாய் தலையசைத்த ராதிகா கணவரிடம் ,

” இல்லை ரொம்ப பெரிய இடமா தெரியிறாங்களே , நம்ம வீடெல்லாம் அவங்களுக்கு வசதி படுமா , வேற ஹோட்டல் எதாவது பாக்குறது ” என்றார் இழுவையாக .

” நானா கூப்பிட்டேன் , சம்பந்தி  வந்து  வீட்ல தங்க வைங்கன்னு சொல்லும் பொழுது , மாட்டேன்னா சொல்ல முடியும் . அவங்க கிட்ட பேசினேன் நல்லா மரியாதையாதான்  என்கிட்ட நடந்துக்கிட்டாங்க “என்று அவர் சொல்லி கொண்டிருக்கும் பொழுதே மாடியில் இருந்து அக்னியும் , அஷோக்கும் இறங்கி வர ,அவர்கள் வருவதை கண்டதும் பேச்சை நிப்பாட்டிய ராதிகா தன் கணவரிடம் கண்ணை காட்ட , தன் இருக்கையில் இருந்து எழுந்து கொண்ட கோபாலகிருஷ்ணன் ,

” நீங்க இங்க …. ஏதாவது வேணுமா சார் ?” தன் கவனிப்பில் எதுவும் குறை வந்துவிட்டதோ என்று எண்ணியவர்  சிறு பதற்றத்துடன்  வினவினார் .

” கோபால கிருஷ்ணன் சார் ரிலாக்ஸ் எதுவும் வேண்டாம் , எல்லாமே இருக்கு , ரொம்ப நல்லாவே இருக்கு , எந்த குறையும் இல்லை .” என்று மென்னகையுடன் கூறிய  அக்னி ,

” சார் என்ன இருந்தாலும்  நாங்க மூணாவது மனுஷங்க  , உங்க ப்ரைவசிய டிஸ்டர்ப் பண்ற மாதிரி  உங்க வீட்ல  வந்து தங்கி,  உங்களுக்கு கஷ்டம் கொடுக்குறோம் .அது எங்களுக்கு ரொம்ப  கஷ்டமா இருக்கு ,அதான் நாங்க வெளியில வேற  ஹோட்டல்ஸ் ஏதாவது  இருக்கான்னு ” அக்னி சொல்லி முடிக்கும் முதலே ,

” அச்சோ என்ன சார் ?  ஏன் இப்படி சொல்றீங்க ? எங்க சம்பந்திக்கு  வேண்டப்பட்டவங்கன்னா  எங்களுக்கும் வேண்டப்பட்டவங்க தான் . நீங்க எங்க வீட்டுக்கு வந்த கெஸ்ட், மூணாவது மனுஷங்க இல்லை . ஸோ நீங்க இங்க இருக்கிறதுல   எங்களுக்கு எந்த கஷ்டமும் இல்லை . இது உங்க வீடு மாதிரி . எவ்வளவு நாள் வேணும்னாலும் தங்கிக்கலாம் . உங்களுக்கு இங்க வசதி பத்துமான்னு தான் நாங்க பேசிட்டு இருந்தோம் ” என்ற கோபால கிருஷ்ணனிடம் ,

” உங்க வீட்டுக்கு வசதிக்கு என்ன குறை , சொர்க்கம் மாதிரி இருக்கு ”  என்று அக்னி முகமலர்ச்சியுடன்  கூற , அஷோக்கோ புன்னகை முகம் மாறாமல் நின்றிருந்தான் .

” சம்பந்தி உங்கள பத்தி நிறைய சொன்னாங்க , அவ்வளவு பெரிய பிஸ்னஸ்மேன் நீங்க  , எந்த தலைக்கனமும் இல்லாம ரொம்ப எளிமையா  பழகுறீங்க , அதை பார்க்கும் பொழுது ரொம்ப சந்தோஷமா இருக்கு சார் ” அக்னி சத்தமில்லாமல் தலையில் இறக்கிய ஐஸ்கட்டியில்  கோபால கிருஷ்ணன்  உள்ளம் குளிர்ந்து போக ,

சமையல் அறைக்குள் இருந்த இஷிதாவோ,

” ம்ஹுக்கும்  அவன் ஹிஸ்ட்ரி தெரியாம  அங்கிள் வேற ” என சலித்து கொண்டாள்.

” என்ன பெரிய பிஸ்னஸ்மேன் சார் , பணம் எல்லாம் இன்னைக்கு வரும் நாளைக்கு போகும் , நீங்க கூட தான் பேங்க் மேனேஜரா இருக்கீங்க ,மேடம் சொந்தமா மியூசிக் ஸ்கூல் நடத்திட்டு வராங்க , மூத்த பொண்ணு டாக்டர் , பையன் இன்ஜினீயர் , இன்னொரு பொண்ணு விஸ்காம்  படிக்கிறாங்க என் பார்வையில ஒரு பொறுப்புள்ள அப்பா அம்மாவா நீங்க ரெண்டு பேரும் ரொம்ப உயர்ந்த இடத்துல இருக்கீங்க .

உங்க பையன் கிட்ட என் மொபைல் கொடுத்தேன் ,அவன் உடனே அப்பாக்கு புடிக்காது வேண்டாம்ன்னு சொல்லிட்டான் ,அவன் கண்ணுல அவ்வளவு ஆசை இருந்துச்சு அதே மாதிரி உங்க மேல மரியாதையும் இருந்துச்சு பசங்கள ரொம்ப நல்லா வளர்த்திருக்கீங்க . இன்னைக்கு இந்த நொடி உங்க குடும்பத்துல நாங்களும் ஒரு ஆளா இருக்கிறோம்ன்னு நினைக்கும்  பொழுதே ரொம்ப பெருமையா இருக்கு அங்கிள் ” என்றவன்  ஏதோ தவறாய் கூறியது போல நாக்கை கடித்து ,”ஸ்ஸ் , சாரி சார் ” சாருக்கு  கொஞ்சம் அழுத்தம் கொடுத்து உச்சரிக்க , ஏற்கனவே அவன் பொழிந்த ஐஸ் மழையில் நனைந்திருந்த கோபால கிருஷ்ணன் ,

” சாரி எதுக்கு அக்னி சார் நீங்க என்னை அங்கிள்ன்னே கூப்டலாம்” என்றார் புன்னகையுடன் .

” ஷப்பா நீங்க என்ன சொல்லுவீங்களோன்னு  பயந்துட்டேன் “,  ‘ யாரு நீ பயந்துட்ட” என்று சொல்லாமல் சொல்லிய அஷோக்கின் பார்வையை புறந்தள்ளியவன்,”  எனக்கும் சார்ன்னு கூப்பிடுறது ரொம்பவே ஃபார்மலா இருந்துச்சு , இப்போ தான்  ரிலாக்ஸ்சா இருக்கு,  அப்போ நீங்களும் இனிமே எங்களை  அக்னி , அஷோக்ன்னு  பேர் சொல்லி தான் கூப்பிடனும் ” என்று அவன் கூறவும்   ,

” சரி பா ” சாவி கொடுத்த பொம்மை போல அக்னி சொன்னதும் தலையசைத்தார்  கோபால கிருஷ்ணன் . ஆட்டுவிப்பவன் வந்தாயிற்று இனி அவர் என்ன ? அவர் குடும்பமே  ஆடி தானே ஆக வேண்டும்.

” ஓகே அங்கிள் , தென் நாங்க கிளம்புறோம்  குட் நைட் அங்கிள் , குட் ஆன்டி ” என்றவன் இருவரிடமும்  விடைபெற்றுக்கொண்டு  அஷோக்குடன் தங்களின் அறைக்கு செல்ல ,

” ரொம்ப நல்லவங்களா தெரியிறாங்கள்ல ” என்ற கணவனிடம் ,

” ஆமா நான் கூட என்னமோன்னு நினைச்சேன் , நல்லவங்க தான் பா . ஒரு குறையும் தெரியாத மாதிரி   நல்லா பார்த்துக்கணும்  ” என்றார் ராதிகா .

“சரி டி நேரம் ஆகிடுச்சு நாளைக்கு மார்னிங் நிறைய வேலை இருக்கு  தூங்கலாம் “

” நீங்க போங்க நான் இதோ வரேன் ” என்றவர் சமயலறைக்குள் நுழைந்தார் .

!!!!!!!!!!!!!!!!!!!!!!!!!!!!!!!

” இதெல்லாம் தேவையா டா ? இப்போ எதுக்கு நாம இங்க தங்கியிருக்கோம் அக்னி ?” பால்கனியில் கைகளை குறுக்கே கட்டியபடி நின்றிருந்த தீரனிடம் வினவினான் அஷோக் .

“மேகா கல்யாணத்தை அட்டென்ட் பண்றதுக்காக ” முகம் கொள்ளா புன்னகையுடன் கூறினான் தீரன் . ஆனா அவன் சிரிப்போ வில்லனின் சிரிப்பு போல வில்லங்கமாக இருக்க ,

” தீரா உன்னை புரிஞ்சிக்கவே முடியல டா , ஆனா பெரிய சம்பவம் ஒன்னு நடக்க போகுதுன்னு மட்டும் புரியுது ” என்ற அஷோக்கின் பார்வை அக்னியின் முகத்தை ஆராய ,

” ஆஹாங் ” என்றவன் இப்பொழுதும் அதே போல் சிரிக்க ,

” தேவை இல்லாம லேட் பண்ணிட்டு இருக்கோம் தீரா , இது பிஸ்னஸ் இல்லை , ஒன்னு போனா இன்னொன்னு போறதுக்கு . இது  வாழ்க்கை , கொஞ்சம் தப்பா போனாலும் மேகாவை  நீ இழந்திருவ ” நண்பனின் பயத்தையும் ,அவன் தன் மேல் கொண்டுள்ள அக்கறையையும்  உள்வாங்கிக்கொண்ட அக்னி ,

”  இது நான்  ரிதுராஜ்க்கு வச்சிருக்க டெஸ்ட் அஷோக் பார்க்கலாம் ” என்றவன், ” அதுவரை  இந்த கேமை நல்லா என்ஜாய் பண்ணு ” விஷம புன்னகையுடன் கூறினான் .கொஞ்சம் கூட அலட்டிகொள்ளாத தீரனை அஷோக்கே ஆச்சரியமாக  பார்த்தான் .

~~~~~~~~~~~~~~~~~

சமையல் அறையில் ,” வெளி தோற்றம் வச்சு ஒருத்தங்களை நாம இடை போட கூடாது,  பாருங்க எவ்வளவு மரியாதையா பேசுறாங்க , நானும் உங்க பேச்சை கேட்டு தப்பா நினைச்சிட்டேன் , பார்க்க தான் தாடியும் மீசையுமா பெரிய உருவமா இருக்காங்க , பேசினா தான் தெரியுது அவங்க மனசு போல அவங்களும் தங்கமானவங்கன்னு ,  அதுல அந்த அஷோக் தம்பி பேசவே மாட்டார்  போல,  ரொம்ப அமைதி , அந்த அக்னி தம்பி தான் ஏதோ பேசிச்சு . எவ்வளவு தன்மையாவும் பொறுமையாவும் பேசுறாங்க . ரொம்ப சாஃப்ட்  போல . நீங்க பயப்பட தேவையே இல்லை நல்லவங்க தான் . உன் அப்பாக்கும் எனக்கும் அவங்கள ரொம்ப புடிச்சிருக்கு ” ராதிகா தன் பங்கிற்கு  பாராட்டு கடிதம் வாசிக்க , மேகாவின் முகம் சுருங்கி போக ,

இஷிதாவோ , “ஆமா ஆமா ரொம்ப சாஃப்ட் , ஒருநாள் அவனுங்க கூட தங்கி பாருங்க, நெஞ்சு வலியே வந்திரும் உங்களுக்கு “என மனதிற்குள் புலம்பியவள் ,

ராதிகாவிடம் ,

” ஆனா ஆன்டி வயசு பொண்ணுங்க , மூணு  பேர் இருக்கும் பொழுது ,பேச்சிலர்  ஆம்பளைங்க தங்குறது சரி இல்லை தானே ” என்று  கூறவும்,

” ஏய் அந்த மாதிரி தப்பான ஆளா இருந்தா , உன் அப்பா தங்க வைக்க சொல்லிருப்பாங்களா ? அந்த பசங்கள பார்த்தா அப்படித்தெரியால,  நீங்க தேவை இல்லாம கற்பனை பண்ணாம சீக்கிரம் போய் தூங்குங்க ,  நாளைக்கு நகை கடைக்கு போகணும் காலையிலே ரெடி ஆகுங்க , அப்படியே புடவை கடைக்கும் போகணும் ” என்றவர் அவர்களது பேச்சுக்கு முற்றுப்புள்ளி வைத்தபடி அங்கிருந்து சென்றுவிட , இருவரும் சோர்வான முகத்துடன் தங்களின்  அறைக்குள் வந்து அடைந்து கொண்டனர் .

~~~~~~~~~~~~

“உன் அப்பாவும் , அக்னியும் இவ்வளவு க்ளோசா டி ! இப்போ எனக்கு  ரொம்ப பயமா இருக்கு இஷு ” மெத்தையில் படுத்திருந்த மேகாவுக்கு   உறக்கம் மட்டும் எங்கோ  சென்றிருக்க  அவன் என்ன செய்வானோ என்கிற பீதியிலே வினவினாள் .

” அக்னி ,  கனகராஜுக்கு  பைனான்ஸ் பண்ணிருக்கான்னு தெரியும் .   ஆனா அந்த ஆளும்  அக்னியும் இவ்வளவு க்ளோஸ்ன்னு சத்தியமா தெரியாது  டி . அம்மா இறந்ததுக்கு அப்புறம் அவரை விட்டு வந்துட்டேன்னா ,  அதான் அவரை பத்தி எனக்கு எதுவும் தெரியல . ஆனா பயப்படாத அவன் ஏதாவது செய்யணும்ன்னா உன்னை பார்த்த அந்த நிமிஷமே உன்னை கூட்டிட்டு போயிருக்க முடியும் . அவன் எதுக்கும் அசராத ஆளு தான் . ஆனா , அவன் அப்படி எதுவும் செய்யலையே . ஸோ  பயப்படாம தூங்கு   பார்த்துக்கலாம் ” என்று இஷிதா , என்ன தான் தன் தோழிக்கு தைரியம் கொடுத்தாலும் ,  அக்னி மற்றும் அஷோக்கின் எண்ணவோட்டம்  என்னவாக இருக்கும் ?  ஏன் அவன் பொறுமையாக இருக்கிறான் ? அவன் திட்டம் என்ன ?  என்னும் பயமும் குழப்பமும் அவளை படுத்தி எடுத்தது .மேகவோ தீரனின் மிரட்டலை எண்ணியபடியே கண்மூடி கிடந்தாள் .

~~~~~~~~~~~~~~~`

வெகு நேரமாக கண்களை மூடியபடி  படுத்திருந்த இஷிதா , மேகா தூங்கியதும் மெல்ல எழுந்தவள்,  நேரே சென்றது என்னவோ அஷோக்கின் அறைக்கு தான் , கோபத்தில் வேகமாக கதவை தட்ட போனவள் ,

” ஏய் மெண்டல் கதவு திறந்து தான் இருக்கு வா” என்னும் அஷோக்கின் குரல் கேட்டு மேலும் எரிச்சல் அடைந்து புயல் வேகத்தில் நுழைய ,

அவனோ விருந்துக்கு வந்த புது மாப்பிள்ளை தோரணையில் , மெத்தையில் அமர்ந்திருந்து கால்களை நன்றாக நீட்டி   கையில் உள்ள திராட்சை பழங்களை ஒவ்வொன்றாய் சாப்பிட்டு  கொண்டிருந்தவன் ,

” வருவன்னு தெரியும் , ஆனா இவ்வளவு லேட்  ஆகும்ன்னு நினைக்கல ” என்றவன் கடுங்கோபத்தில் நின்றிருந்தவளை பார்த்து,

” என்னடி அதுக்குள்ள ட்ரெஸ் மாத்திட்டியா,  ம்ம் லெஹெங்கால செமையா இருந்த , உன்கூட ஒரு செல்பி எடுக்கலாம்ன்னு நினைத்திருந்தேன்  சரி , என்ன வெறும் கையா வந்திருக்க கைல பல் சொம்பெல்லாம் எதுவும் கொண்டு  வரலையா ?” என தன் கால்களை ஆட்டிக்கொண்டே கேட்க ,பொங்கி எழுந்தவள் ,

” சொம்பா இதோ தரேன் ” என அருகில் இருந்து தண்ணீர் பாட்டிலை  அவன் மீது எறிய,  அதை லாவகமாக பிடித்தவன் , பாய்ந்து அவள் அருகே வந்து ,

” என்ன மேடோம்,  உங்க வயலண்ட்டான ஆக்ஷ்ன்ஸ் பார்த்தா , இன்னைக்கு செம ஸீன் இருக்கும் போலையே ” என கண்களை சிமிட்டி கூற,

அவளோ ,” அஷோக் நான் முக்கியமான விஷயம் பேச வந்திருக்கேன்  ” என்றாள்.

” முக்கியமான விஷயம் அப்படினா  , இம்பார்ட்டண்ட் மேட்டர் தானே ” சுண்டு விரலால் காதை குடைந்தபடி கேட்டவன்,  மீண்டும் மெத்தை மீது  அமர்ந்துகொள்ள ,இவளுக்கு தான் பொறுமை எங்கோ பறந்து சென்றிருந்தது .

” ஆமா ” பற்களை கடித்தபடி கூறினாள்.

” சரி கதவை பூட்டிட்டு வா , வசதியா மெத்தை தானே போட்டு வச்சிருக்காங்க சாவகாசமா படுத்துட்டே பேசலாம் , ஒரே டயர்டா இருக்கு ” என கண்களை சிமிட்டியவன் அவளது கரம் பிடித்து இழுக்க ,  அவனை அனல் தெரிக்க பார்த்தவள் ,

” நான் அவ்வளவு சொல்லியும் , உன் ஃப்ரண்ட கூட்டிட்டு ஏண்டா இங்க வந்த ?” உயர்ந்த குரலில் ,அதீத கோபத்தில் சீறினாள் .

” நான் அவ்வளவு சொல்லியும் உன் அண்ணன் , கூட மேகாக்கு ஏன் டி கல்யாணம் ஏற்பாடு செஞ்ச ” அவளுக்கு மிஞ்சிய கோபத்தில்  , உச்சகட்ட  ஆத்தீரத்தில்  உறுமினான் .

” ஐயோ எத்தனை தடவை சொல்றது , மேகாக்கு இதுல கொஞ்சமும் விருப்பம் இல்லைன்னு  ” மூச்சு வாங்க கத்தியவளின் கரம் பிடித்து கட்டிலில் அமர வைத்தவன் , குடிக்க தண்ணீர் கொடுத்து  , அவள் ஆசுவாசம் அடைந்த பிறகு ,

” இப்போ ஸ்டார்ட் பண்ணு ” என்றவன் கரங்களை  மார்புக்கு குறுக்கே கட்டிக்கொண்டு நிற்க , அவன் நின்ற தோரணையில்  அவனிடம் போராடும்  உத்வேகத்தை இழந்தவள் ,

இவனிடம் கோபம் கொண்டால் வேலைக்காது  என்பதை உணர்ந்து,  அவன் கரம் பிடித்து தன் அருகே அமர்த்தியவள்,

  ” இங்க  பாரு  அஷோக் ” பொறுமையாக  தன் உரையாடலை  துவங்கினாள்.

“ம்ம் பார்த்துட்டு தான் இருக்கேன் ” என அடக்கப்பட்ட சிரிப்புடன்  கூறியவனின்  பார்வை போகும் திசையை கண்டவள் ,

” என் முகத்தை பாரு அஷோக் “சட்டென்று எழுச்சியுற்ற  ஆத்திரத்தை அடக்கிக்கொண்டு கூறினாள் .

” ம்ம் பார்க்கிறேன் ” என்றவன் அவளது முகத்தையே பார்க்க ,

” மேகா பாவம்  பா , லவ் இல்லாம ரெண்டு பேரையும் சேர்த்து வச்சா லைஃப் நல்லா இருக்காது ” 

” ம்ம் “

” மேகாக்கு அக்னி மேல லவ் இல்லை “

” ஓ ” என்றவனின் பார்வை அவளது செவ்விதழை நோக்கி தன் பயணத்தை மேற் கொள்ள , கண்களை மூடி ஆழமான மூச்சை வெளியிட்டவள்  ,

அவனது முகத்தை தன் கைகளில் ஏந்தி , தனது விழிகளை அவனது விழிகளுடன் கலக்க விட்டபடி ,

”  ப்ளீஸ் அக்னியை கூட்டிட்டு இங்க இருந்து கிளம்பிரு , நாம மறுபடியும்  சேரலாம்  , எல்லாத்தையும்  மறந்துட்டு  உன்னை கல்யாணம் பண்ணிக்கிறேன்  “

” பிஸ்னஸ் பேசுறீங்களா  ரிப்போர்ட்டர்  மேடோம் ” அவனது குரலில் ஏகத்துக்கும்  நக்கல் விரவியிருக்க ,

” இல்லை உண்மைய சொல்றேன்  , உனக்கு நம்ம காதல் வேணும்ன்னா ஒழுங்கா அக்னியை கூட்டிட்டு கிளம்பு ” என தீர்க்கமாக  கூறியவள் தன் முகத்தை திருப்பிக்கொண்டு அங்கிருந்து எழுந்து கொள்ள , அவளது கரம் பிடித்து அமரவைத்தவன் , அவளது தாடையை இறுக்கமாக பிடித்து  ,

” மேகா , அக்னி முதல் முதல்ல நேசிச்ச பொண்ணு , ஸோ மேகா அக்னிக்கு தான் . யார் தடுத்தாலும் அவங்க கல்யாணத்தை நான் நடத்தி வைப்பேன் . ” என்றவன் அவளது இதழில் அழுத்தமான முத்தம் பதித்து ,

” நீ எனக்கு தான் , எவ்வளவு விலகினாலும் ,  நான் விட மாட்டேன் ” என்று கூறி அவளை பிடித்த தள்ளியவன் ,

” இனிமே நம்ம காதலை வச்சு பேரம்  பேச என்கிட்ட வராத , உயிரே போனாலும் என் அக்னிக்கு நான் துரோகம்  பண்ண மாட்டேன் , எனக்கு நேத்ராவும்  நீயும் எப்படியோ அப்படி தான் அக்னியும் ” என்றான் உறுதியாக .

” ரிதுராஜ்க்கும்  மேகாவுக்கும்  என்கேஜ்மென்ட் ஆகிடுச்சு , இன்னும் ஒன் வீக்ல கல்யாணம் ஏன் புரிஞ்சிக்க மாட்டிக்கிற? “

” நீ ஏன் இப்போ இவ்வளவு டென்ஷன் ஆகுற ? கல்யாணத்துக்கு இன்னும் ஏழு நாள் இருக்கு , என் நண்பனுக்காக  நான் முயற்சி  பண்றேன் , உன் அண்ணனுக்காக  நீ முயற்ச்சி பண்ணு . மேகா ரிதுராஜ்க்கு தான்னு கடவுளே முடிவு பண்ணிருந்தா ,  நான் என்ன , அக்னியே தடுத்தாலும் யாராலும் அதை மாத்த முடியாது . உன் அண்ணன் உண்மையாவே  மேகாவை  நேசிச்சா என்ன நடந்தாலும்  அவன் பின்வாங்காம மேகாவை கல்யாணம் செய்வான் . அவன் கல்யாணம் நடக்கும்  . ஸோ ரிலாக்ஸ்சா நடக்குறதை வேடிக்கை பாரு .  இதுல யார் காதல் ஜெய்க்குதுன்னு  பார்ப்போம் ” என்ற அஷோக் ,

” போறதுக்கு முன்னாடி லைட்டை ஆஃப் பண்ணிரு டி ” என்றவன் குப்புற  படுத்து உறங்க , கோபத்தில் இஷிதா தலையணையை  தூக்கி எறிய,

” தேங்க்ஸ் டி ” என்றபடி அதை எடுத்து தலைக்குள் வைத்துக்கொண்டு  அவன் உறங்க , கோபத்தில் கால்களை ஓங்கி மிதித்தவள் , கதவை அடித்து சாற்றிவிட்டு செல்ல , கண் விழித்து மெத்தையில்  அமர்ந்திருந்த  மித்ரனுக்கு இஷிதா தங்களின் காதலை வைத்து பேரம் பேசியது மனதிற்குள் வலியை ஏற்படுத்த ,

” எத்தனை தடவை தான் என் காதலை உதாசீனப்படுத்துவடி ” என்றவன்  உறக்கம் தொலைந்து  போக  பால்கனி சுவற்றில் சாய்ந்து நின்றான் . 

தொடரும்

நாளை
சென்று விட்டான் அவன் இங்கில்லை !

மனம் பலமுறை சொல்லியது ஆனாலும் அசையாமல் அதே இடத்தில் நின்றாள் . அவனது வாசம் அவளுடைய சவாசத்திற்குள் கலந்து அவளது நெஞ்சம் எங்கும் பரவிருப்பது போல உணர்ந்தாள் .

ஏதோ அவனே தன் மீது படர்ந்திருப்பது போல !! எண்ணும் பொழுதே உடல் அதிர்ந்தது .

” ச்ச மேகா ஏன் இப்படி யோசிக்கிற ” திசையின்றி ஓடிய மனசை கடிந்துகொண்டாள் .

ஏதேதோ எண்ணங்கள் உள்ளுக்குள் ஓடியது . தன்னிலை மறந்து இருந்த  மேகாவை. தங்கை மற்றும் தமையனின் குரல் சுயநினைவுக்கு கொண்டு வர . அவர்கள் முன்பு இயல்பாய் இருப்பது போல காட்டிக்கொண்டாலும் .மேகாவின் எண்ணம் முழுவதையும் தீரன் அவளது அனுமதி இன்றி அவள் அறியாமலே ஆக்கிரமிக்க துவங்கினான் .