MIRUTHNAIN KAVITHAI IVAL 22

cover page-575fe5f0

மிருதனின் கவிதை இவள் 22

நண்பனிடம் உரையாடிவிட்டு ,  தன் அறைக்குள் தீரன் நுழையும் பொழுது மேகா கட்டிலில் ஒரு ஓரமாக படுத்து உறங்கி கொண்டிருந்தாள் . ஏதோ பாதுகாப்பு இல்லாத குழந்தை போல உடலை குறுக்கிக்கொண்டு அவள் கிடப்பதை பார்த்தவனுக்கு உள்ளே வலித்தது .

‘ கால்கள் வலிக்க போகிறது ‘ மேகாவை எண்ணி வருத்தமாக இருந்தது .’ காலை நீட்டி ஒழுங்காக படு ‘ என அவன் தான் சொல்ல வேண்டும் , ஆனால் அவன் உள்ளுக்குள் சுமந்து கொண்டிருக்கும் கோபம் , கர்வம் , அகங்காரம் எல்லாம் குறையாமல் இருக்க எப்படி ? செண்டுமல்லி யின் வாசனை போல மனம் முழுவதும் காதல் நிறைந்து இருந்தும் , அதிகாரம் செய்தே பழகியவனுக்கு , அனைத்தையும் நொடியில் விடுத்து, இறங்கி வந்து காதல் பழகுவது அவ்வளவு எளிதல்லவே .

நீண்ட பெருமூச்சுடன் மனைவியை பார்த்தவன் , உடையை மாற்றி விட்டு ட்ரெஸிற்கு சென்று,  வாடை காற்றை தன் முகத்தில் வாங்கிக்கொண்டு இருளை வெறித்து பார்த்து கொண்டிருந்தான் . மனம் மருத்துமனையில் மேகா பேசியதை எண்ணி பார்த்தது  ,

” இது காதல் இல்லை , காதல் இப்படி இருக்காது , நீங்க என்ன செஞ்சாலும் எனக்கு உங்க மேல காதல் வராது   ”  இந்த குரலை  கேட்க வேண்டும் என்று எத்தனை நாட்கள் அவன் ஏங்கி தவித்திருப்பான் . பூவிலும் முள் உண்டு என்பதை உணர்த்திய குரல்!  பல நாள் கனவில் பேசி அவன் தூக்கத்தை கெடுத்த இனிமையான குரல்! அன்று ஏனோ கசந்தது!  அதில் இருந்த ஒவ்வொரு வார்த்தைகளும்   தீரனை,   அன்று போலவே இன்றும் வலிக்க வலிக்க  அடித்தது . ‘அப்பா வா ஷிப்ட் பண்ண வேண்டும்’ என்று டாக்டரிடம் , நிமிர்வுடன் வந்து பேசியவள், ‘இப்போதைக்கு ரிஸ்க் வேண்டாம்  ‘ என்று அவன்(ரிதுராஜ்)  சொல்லவும் அமைதியாகே அமர்ந்துகொண்டாளே!

அவன் உரிமையுடன் அவள் அருகில் வந்து அமர்கிறான்,  இவள் அசையாமல் இருக்கிறாள் . ‘ மேகா ‘ என ஒரு வார்த்தை தான் கூறினான் , அவனிடம்  உடைந்து அப்படி கதறுகிறாள் ! அவனும் இது தான் நேரம் என்று இன்னும் அவளுடன் நெருங்கி   அமர்கிறான்.  இதில் அவளது கரத்தை வேறு பிடித்து கொண்டான் . சகிக்கவில்லை ! அவன் ஏதோ கூறுகிறான்  , இவள் அழுதபடி ஏதோ கூறி ஓவென்று அழுகிறாள் .

உடனே இவன் ‘ நான் பார்த்துகிறேன் டா மா ‘ என்று வசனம் பேசுகிறான் , அது என்ன டா , மா ? யாரை யார் கொஞ்சுவது? அந்த இடத்திலே ஓங்கி ஒன்று விடலாம் போல ஆத்திரம் வந்தது.  ஆனாலும் அவள் கண்ணீர்  , ஆத்திரத்தை விட அவளது கண்ணீர் கொடுமையாக இருக்கிறதே ? இன்னும் ஒரு நிமிடம் இருந்தாலும் ரிதுராஜின்  உயிர் விண்ணகம் செல்வது உறுதி ,  என்று மூளை துரிதப்படுத்திருக்கும் போல , நிற்க விரும்பாமல் கிளம்பிவிட்டான் .

எதுவும் வேண்டாம் டெல்லிக்கு சென்றுவிடலாம் , இவள் எல்லாம் என்னை என்ன செய்துவிட முடியும் ? ஆபிஸ்க்கு சென்றால் இவளை மறந்துவிடலாம்,  என்று எண்ணி தான் ஏர்போர்ட் வரை வந்தான் , ஏன் பிளைட்டில் கூட ஏறி விட்டான் . ஆனால் மழலையாய் ஆடம் பிடிக்கும் மனம்  அவள் தான் வேண்டும் என்று வம்பு செய்ய , அடுத்த கணமே பிளைட்டில் இருந்து இறங்கியவன் . சென்னையிலே  நண்பனுடன் ரூம் போட்டு தங்கி,  மனதை ஆன்லைன் மூலமாக தன் வேலையில் திசை திருப்பினான் .

ஆயிரம் கோபம் இருந்தாலும் , ஆஸ்பத்திரியில்  கோபால கிருஷ்ணனுக்கும் , மேகாவின் குடும்பத்தினருக்கும்  சிறு இன்னல்கள்  கூட வராது , தூரம் இருந்துகொண்டே பார்த்து பார்த்து செய்தான் . மறுநாள் காலை கோபால் கிருஷ்ணன் கண் விழித்துவிட்டார் என்னும் செய்தி அவனுக்கு சிறு ஆறுதலை கொடுத்தது .

சில மணிநேரத்தில் மேகாவிடம் இருந்து மாறி மாறி அழைப்பு வர , இவனுக்கு புரிந்து விட்டது ‘ ஓ மேடம்க்கு   எல்லா உண்மையும் தெரிந்து விட்டது ‘ என்று ,

‘ தீரன் சார் இருக்காங்களா ? அவர் இப்போ எங்க ? அவர்கிட்ட பேசணும் ” எத்தனை தடவை தன் ஆபிஸிற்கும்,   அவனுக்கும் அழைத்திருப்பாள் , காதல் கொண்ட மனம் வற்புறுத்த குரலை மட்டும் காது குளிர கேட்டான் . ஆனால்  தான் இருக்கும் இடத்தை  சொல்ல கூடாது என்று தீர்க்கமாக  மறுத்தவன் . அவளுடன் பேசவும் இல்லை .

அவளை மறக்க வேலையை இழுத்து போட்டுகொண்டு பார்த்தான் .சிறிய முயற்சி தான் , ஆனால் அதில் பெரிய வெற்றி கிடைக்க வில்லை .  ஐந்து நிமிடம் வேலை பார்த்தால்  அதில் சும்மார் முப்பது தடவையாவது  பைலில்  அவள் முகம் தெரியும் தலையை பிய்த்து கொள்ளலாம்  போல் இருந்தது .  அப்படி இருக்கும் சமயத்தில்  அவனது  உளவாளி மூலமாக  அவனுக்கு கிடைத்த தகவல் அவனை வெறி கொள்ள செய்தது .

ஹோட்டல் நயகரா ,  இரவு வேளையில், அதுவும் அவனுடன் , ரொம்ப அவசியம் ! பல்லை கடித்தான் இருவரின் ஜோடி பார்த்து .

மேகாவின் முகத்தில் தெரிந்த தயக்கத்தையும் , பயத்தையும் கண்ட தீரன் ,” அவளுக்கு புடிக்கலை டா , முகத்தை பாரு , அவன் தான் கூட்டிட்டு வந்திருக்கான் அறிவு கெட்டவன் , ஃபாரீன்ல படிச்சா மூளையையும்  வெளிநாட்டுக்காரன்  கிட்டையே அடமானம் வச்சிட்டு வந்திருவானுங்களா என்ன ?” என இன்னும் சில பல வார்த்தைகளால்  ரிதுராஜை அர்ச்சிக்க , என்ன நடக்குமோ என்கிற பீதியில் அஷோக் அமர்ந்திருந்தான் .

குனிந்து அவளது காதில் ஏதோ ஏதோ ரகசியம் பேசுசி  அவன் சிரித்தான் . தீரனின்  தாடை இறுகியது  ,ஆனால் அவள் சிரிக்க வில்லை அதுவரை அஷோக்கிற்கு  கொஞ்சம் நிம்மதி . ஏதோ பதற்றத்திலே சுற்றும் முற்றும் பார்து கொண்டு அமர்ந்திருநாள் .

‘ யாரை தேடுகிறாள் , என்னை தானா ?  கண்டு கொண்டு விட்டாளா?  ‘  அவள் கண்கள் தன் பக்கம் வரவும்  முகத்தை திருப்பி கொண்டான் .’ என்னை எங்கே தேட போகிறாள் , தொலைந்தான் , என நிம்மதியாக இருப்பாள் ‘ ரிதுராஜை வெறித்தபடி அமர்ந்திருந்தான் தீரன் .

மீண்டும் ஏதோ கூறுகிறான்  , அவள் அமைதியாக இருக்கிறாள் , உடனே கரத்தை பிடித்துவிட்டானே , தீரனின்  விழிகள் தீவிரமாய் ரிதுராஜை எரித்தது .

மறுபடியும் காதில் ரகசியம் பேசுகிறான் , அதற்கு அவள் புன்னகையுடன் பதில் அளிக்கிறாள் .இப்பொழுது கண்களை பார்த்து ஏதோ சொல்கிறான் , அவளிடம் இருந்து மீண்டும் அதே புன்னகை , இவனுக்கு உள்ளே எரிந்தது .

இந்த முறை கூடுதலாக புன்னகையுடன் கண்களையும் சிமிட்டுகிறான் , தீரனின்  கையில் இருந்து கண்ணாடி க்ளாஸ் நொறுங்கி சிதற காத்திருந்தது .

ஏதோ கேட்டு முகத்தை சுருக்கி கெஞ்சுகிறான் , இவள் தலை குனிந்து மறுக்கிறாள் . உடனே ஏதோ ஏதோ கூறி அவன் பல்லை காட்டுகிறான் இவளும் சிரிக்கிறாள் . இப்பொழுது இவளது இதழ்கள் கூடுதலாக வளைந்தது . மீண்டும் கையை பிடிக்கிறான் . ‘ அந்த கைய உடைச்சிட்டா என்ன ?’ பல்லை கடித்துக்கொண்டு தீரன் கூற , அஷோக்  விக்கித்து பொய் அமர்ந்திருந்தான் .

இந்த முறை அவள் கண்ணை பார்க்கிறான் , ஏதோ உருக்கமாக பேசி குலைகிறான்,  முகபாவம்  காட்டிக்கொடுத்தது , தீரனின் இதயம் வேகமாக  துடித்தது .  அவன் மேகாவை நெருங்க நெருங்க  இவனது கண்கள் நெருப்பாய் கொதித்தது  .இப்பொழுது ரிதுராஜின் பார்வை போன திசையை கண்ட தீரனின் கரங்களுக்குள் சிக்குண்ட க்ளாஸ்  உடைந்து நொறுங்க    “இதுக்கு மேல முடியாது “என  தன் இருக்கையை பின்னால் தள்ளிவிட்டு , வலது கையில் அணிந்திருந்த  சில்வர் காப்பை முழங்கை நோக்கி முறுக்கிவிட்ட தீரன் , ரிதுராஜை நோக்கி வேக எட்டுகள் எடுத்துவைக்கவும் ,

போலீஸ் படை அங்கே வர, தீரனை பின்னோக்கி இழுத்த அஷோக் . ‘ நீ அங்க போகாத ,தேவை இல்லாத நியூஸ் கிரியேட்  ஆகும், லெட் மீ ஹாண்டில் இட்   ‘ என்றான் . அதற்கு அழுத்தமான பார்வை ஒன்றை பார்த்த தீரனுக்கு, நெஞ்சுக்குள்  கொதித்து கொதித்து கொதிப்பு மட்டும் அடங்க வில்லை .

ரிதுராஜிடம்  ஏதோ சொல்கிறாள் , முகத்தில் பயம் அப்பட்டமாய் தெரிந்தது ,அதற்கு அவன் ஏதோ சொல்கிறான் .    உடனே அவள் அதிகாரியிடம் ஏன் செல்கிறாள் ? அவரோ மேகாவின் கரத்தை பிடித்து ஏதோ சொல்ல ,இவள் மறுத்து அழ,  தீரனுக்கு அந்த காட்சிகளை அதற்கு மேல் பார்க்க பொறுமை இல்லை .

” ப்ராப்லம் சார்ட் பண்ணியாச்சு  தீரா ” அஷோக் சொல்லவும்  , மேகா மிக பாதுகாப்பாக  , அதே பெண் ஆபிஸரால் பின்கேட் வழியாக , அவள் வீட்டிற்கு மிக  மரியாதையுடன்  அழைத்து செல்ல பட்டாள்.

” டேய் உன் குடும்பத்து , ஆளுங்களால  என் ப்ரெஷர் ஏறுதுடா ” தீரன் அஷோக்கிடம் காட்டு கத்து கத்தினான் . ஆனாலும்  அவன் மனம் ஆற வில்லை ரிதுராஜை விசாரணை என்னும் பெயரில்  சில மணி நேரம் , தன் செல்வாக்கு மூலமாக  ஸ்டேஷனில் தூக்கி வைத்தவன் , முறையான கவனிப்பிற்கு பிறகே ,அதுவும் அஷோக்கிற்காக  மட்டும்  வெளியே விட்டான் .

அறைக்கு  வந்து தாழிட்டுக்கொண்ட  தீரனின் மனதில்  , ரிதுராஜ் மேகாவின் கரத்தை பிடித்துக்கொண்டு , காதலோடு பார்த்ததும்  , முத்தமிட நெருங்கியதும்  ,மாறி மாறி  தோன்ற , பைத்தியம்  பிடிக்காத குறையாக பொருட்கள் அனைத்தையும்  தூக்கி எறிந்தவன் . அதீத கோபத்தில் இருக்க . அவன் மனமோ  ஒரு நொடி,  வேண்டாம் அவளே !என்றும் மறு நொடியே வேண்டியவளே !  என்னும் நிலையில்,  சூழலில் அகப்பட்ட சிறு இரும்பாய் தத்தளித்தது .

இருட்டு அறை ! மெல்லிய கோடாய் ஜன்னலில் இருந்து,  சிறு துவாரம் மூலமாக அறைக்குள் ஊடுருவும் சூரிய வெளிச்சம் ! வெள்ளை  பியானோ ! ஆங்காங்கே துளிர்த்த  ரத்த கரை ! கீழே  ரத்த வெள்ளத்தில் மேகா  ! கையில் கத்தியுடன் தீரன் ! .” மேகா ” அடித்து பிடித்துக்கொண்டு எழுந்து அமர்ந்த தீரனுக்கு  படபடப்பு மட்டும் குறையவே இல்லை . இது கனவு தான் என்று பலமுறை சொல்லி கொண்டவனை  , கடந்த கால நினைவுகளும் ,  அவன் கண்ட கனவும் மிகவும் அச்சுறுத்தியது . நெஞ்சுக்குழிக்குள்ஏதோ ஒன்று பயங்கரமாக அழுத்தியது .

மேகாவை வேண்டாம் என்று முழுவதுமாக வெறுத்தும் ஒதுக்க முடியவில்லை , அவளை வேண்டும் என்று முழுவதுமாய் ஏற்று கொள்ளவும்  முடியவில்லை  .இப்படியான குழப்பமான மனநிலையுடன்  மண்டபம் வந்த தீரனின் ஆழ்மனத்திற்குள் கடைசி நொடியிலாவது , மேகா தன் காதலை உணர்ந்து ஒரு பார்வை பார்த்துவிட மாட்டாளா  ?நெருஞ்சி முள்ளாய் தன் நெஞ்சை குத்திக்கொண்டிருக்கும் , குழப்பத்தை நீக்கி , அடிமனதின் காயத்திற்கு மறந்திட மாட்டாளா ?   என எக்கச்சக்க  ஏக்கத்தை தன் மனதிற்குள் தேக்கிவைத்து கொண்டு   அவள் பார்க்கா நேரத்தில்  எல்லாம் அவளையே  தான் கவனித்தான்  .

பார்த்தாள் ! ஆம் மேகா அக்னியை பார்த்தாள் ! அதை அவனும் கவனித்தான் ! பார்வையில் முதலில் அதிர்ச்சி ! பின் குற்ற உணர்வு ! ஆக மறந்தும் அதில் காதல் இல்லை ! மிகவும் காயப்பட்டு போனான் ! அவளை பார்ப்பதை தவிர்த்தான், ஆனால் அவளின் பார்வை அவனை பின்தொடர்வதை அவன் கவனிக்க தவற வில்லை !

கோபால கிருஷ்ணன் மற்றும் ராதிகாவின் உபச்சாரம் , ‘ ப்ரோ ‘ என சுற்றி வந்த விக்ரம் மற்றும் மயூரியின்  பாசம் மனதிற்குள் இதம் அளித்தது .

நேரம் கடந்து கொண்டே இருந்தது ! மேகாவின் புன்னகை மாறா முகம் அவனுக்குள் இருந்த நம்பிக்கை கோட்டையை சரித்து விட ,  கனகராஜிடம்  ஏற்கனவே தீரன் , தான்  கண்ணசைக்கும்  பொழுது நிறைவேற்றம்  வேண்டும் என அவன் தனது  பாணியில் வகுத்திருந்த  இறுதி திட்டம் ,கனகராஜின் மூலமாக நிரைவேற்ற பட ஆயத்தமானது . அதன் படி உடை மாற்றும் பொழுது ரிதுராஜின் அறை கதவு வேகமாக தட்டப்பட்டது .

உள்ளே வந்தவர் ரிதுராஜிடம் தனியாக பேச வேண்டும் என்று கூற , அவனை தவிரஅங்கு இருந்த அவனது நண்பர்கள் அனைவரும் வெளியேறிவிட ,

என்னப்பா என்ன விஷயம் ? ஏன் ஒருமாதிரி இருக்கீங்க ?என ரிதுராஜ்  தன் தந்தையிடம் வினவினான் .

அங்கிருந்த நாற்காலியில் அமர்ந்த கனகராஜ், மகனை தனக்கு எதிரே அமர சொன்னார் .

என்னப்பா ? என பேச வந்த மகனை கரம் உயர்த்தி தடுத்தவர் ,”இந்த கல்யாணத்தை நிப்பாட்டிருப்பா  ,இந்த கல்யாணம்  நமக்கு வேண்டாம் பா ” வேதனை குரலில் கூறினார், மகனை பார்க்க வேதனையாக தான் இருந்தது .ஆனால் அதை விட அவன் நிம்மதியும் , உயிரும் ஒரு தந்தையான அவருக்கு முக்கியமே . ரிதுராஜிக்கு ஒன்றுமே விளங்கவில்லை , தலை சுற்றாத குறையாக அமர்ந்திருந்தான் 

“என்னை மன்னிச்சுரு ரித்து , இதுல உன் உயிர் மட்டும்  இல்லை  , நம்ம குடும்பத்தோட  உயிரும் சம்பந்தம் பட்டிருக்கு , இந்த கல்யாணம் நடந்தா அப்பா உயிரோட இருக்க மாட்டேன் “

” ஆனா அப்பா ,” அவன் தொடர்வதற்குள் அவன் பேச்சுக்கு மடை போட்டவர்,

” ஏன்னு இப்போ  கேட்காத , கண்டிப்பா சொல்றேன் , ஆனா இப்போ இல்லை , இந்த கல்யாணம் நடந்தா நீ நிம்மதியா இருக்க முடியாது டா . அப்பா உயிர் முக்கியம்ன்னா நீ இந்த  கல்யாணம் பண்ணிக்காத , காரணம் கேட்காத “முற்றுப்புள்ளி வைத்து பேச்சை முடித்துக்கொண்டார் .

” மேகா பாவம் பா ” ரிதுராஜின் கண்கள் கலங்கியது . தந்தை ஒருபுறம் , காதலித்த பெண் மறுபுறம் ! முடிவெடுக்க முடியாமல் தவித்தான் . 

” ப்ளீஸ் அப்பா ” தந்தையின் காலில் விழ போக,  மகனின் கன்னத்தில் ஓங்கி அறைந்தவர்,  ” என் பையன் நீ எப்பவும்,   நிமிர்ந்து நிற்கணும்  . இப்படி கால்ல விழ கூடாது , இதெல்லாம் வாழ்க்கையில ஒண்ணுமே . காதல் இன்னைக்கு ,வரும் நாளைக்கு போகும்  இட்ஸ் ஜஸ்ட் அ பாசிங் க்ளவுட் “

” நோ பா , ஐ லவ் ஹெர் “

” அப்போ உன் அப்பாவை மறந்திரு ” என கனகராஜ் தீர்க்கமாக சொல்லிவிட , இருத்தலை கொல்லி எறும்பாய் தவித்தவன்,  தவறாய் ஒரு முடிவு எடுத்து அனைவரையும்  தவிப்பில் ஆழ்த்த , எல்லாரும் ரிதுராஜை அதிர்ச்சியுடன் பார்த்திருந்த தருணம் , மேகாவின் பார்வை மட்டும்  தீரனை தான் பார்த்தது !  அவனும் பார்த்தான் ! அவள் அழுதாள் ! அதுவும் அவனுக்காக , சிறு மிரட்டலுக்காக  தன்னை நிர்கதியாக விட்டுவிட்டு புரமுதுகிட்டு ஓடிய  அவனுக்காக அழுதாள் ! உண்மையாக அவன் காதலித்திருந்தால் எந்த பிரச்சனையிலும் அவன் விட்டு கொடுத்திருக்க  கூடாதல்லவா ?அவன் தான் நீ  வேண்டாம் என்று போய்விட்டானே இன்னும் அவனுக்காக ஏன் அழுகிறாய்  ? இவனுக்கு சகிக்க வில்லை  ! கோபம் வந்தது ! அந்த கோபம் ,   என்னை ஏமாற்றினாய் அல்லவே  இதோ அன்று எனக்கும் அப்படிதான் வலித்தது என மேகாவின் நிலை கண்டு கர்வத்துடன்  புன்னகைத்தது .

அனைத்தும் தீரனின் எண்ணப்படி சென்று கொண்டிருக்க , கோபால கிருஷ்ணன்  தானே முன்வந்து மேகாவை திருமணம் செய்து கொள்ள கேட்பார் என்பதை மட்டும் தீரன் கணித்திருக்க வில்லை , தானே அவரிடம் பேசலாம் என்று தான் இருந்தான் .  அக அந்த இடத்தில் தான்  அக்னியின் திட்டம் மாறி போனது .  அதில்  ஒன்றும் பெரிய வித்யாசம் இல்லை தான் , ஆனால் கோபால கிருஷ்ணன் அவன் மீது கொண்ட நம்பிக்கை அவனை ஒருகணம் தடுமாற செய்தது .

முடிவு அவன் கையில் என்னும் நிலையில் நின்றவனுக்குள் அப்படி ஒரு தடுமாற்றம் , தந்தையின்  அனுபவ வார்த்தைகள் , மேகாவின் வெறுப்பான வார்த்தைகள்   , மேலும்  கோபால கிருஷ்ணனின் நம்பிக்கை நிறைந்த  வார்த்தைகள்   என அனைத்தும்   தீரனை வெகுவாக கலக்கமுற செய்ய , கண்மூடி  நீண்ட யோசனையில் நின்ற தீரன்,

” தீரன் இதுக்கு பேர் காதல்  இல்லை , காதல்  இப்படி இருக்காது , நான் என்னைக்குமே உங்களை காதலிக்க மாட்டேன் ” என்னும் மேகாவின் வார்த்தைகளை  எண்ணிப்பார்த்தபடி  அவளது கழுத்தில் தாலி கட்டி,  தன் வீட்டிற்கு அழைத்து வந்து  , வித விதமான ஏற்பாடுகள் மூலமாக  தன் கோட்டைக்குள் தன்னவளை வரவேற்று  ‘ நீ  எனக்கு தான் என்பதை இந்த  தீரன் ஏற்கனவே குறித்துவிட்டேன்  ‘ என்பதை  சொல்லாமல் சொல்ல . ஏமாற்றத்தில்  அவள் கண்கள் கசிந்தது .

அவளது வாடிய முகமும் , பதற்றத்தில் நடுங்கும் தேகமும் , கண்ணீர் வடிக்கும் விழிகளும் தீரனை மிகவும் கோபப்படுத்தியது .

அந்த கோபம் அப்படியே அவன் வார்த்தையில் பிரதிபலித்தது ,

என்னை பார்த்து பயம் என்றாள்,  உடனே அவன் மீது இஷ்டமா , இந்த நேரம் அவனை ரொம்ப  மிஸ் பண்ணுவல, இப்போ கூட என் இடத்துல அவனை நினைச்சு பார்ப்பல என்று கேட்டான்  .  இல்லை உன் மீது தான் இஷ்டம், அவனை ஏன் நான் மிஸ் பண்ண வேண்டும்  என்று கூறினால்  வாயில் இருந்து முத்து விழுந்துவிடுமோ .

அதை விட்டுவிட்டு  அழுகிறாள் ,  பின் ஹான்  , ரித்துவாம் ரித்து ரொம்ப முக்கியம் .  அவனுக்கு கோபம் வந்துவிட நாலு வார்த்தை பேசி விட்டான் .

சரி  ” என்னை புடிக்குமா ?”  என கேட்டான்,    ” ஆமா உன்னை தான் புடிக்கும் ” என சத்தமாக கூறினால் தான் என்ன ? அதை விட்டுவிட்டு  தலையை மட்டும் அசைக்கிறாள் சோக கீதம் வாசித்தபடி . அவனுக்கு கோபம்  வர  ஒரு முத்தம் கொடு என்றான்  .

 கணவன் தானே , கொடுத்திருந்தால் அதோடு முடிந்திருக்கும் , அதை விட்டுவிட்டு,  அவன்   ஏதோ கேட்க கூடாததை கேட்டது போல அவள் அப்படி அழ , உள்ளே சென்ற போதை தன் வேலையை காட்ட ,அவன் தன் வேலையை காட்டிவிட்டான் .

அழுகிறாள் ! அவன் தான் காரணம் ! அழுவாள் என்று தெரிந்தே தான் அழவைதான்  ! அதுவும்  அவனுக்கு இம்சையாக தான் இருந்தது .

இவளை  என்ன செய்வது? என்று கண்மூடி உறங்குவது போல படுத்திருந்தவனுக்கு  சங்கடமாக இருந்தது . உறக்கம் எங்கோ சென்றிருக்க தன் கைவளைவுக்குள் தன்னவளை அணைத்து வைத்தபடி படுத்திருந்தான் .

அழுது அழுது ஒருவழியாக உறங்கிவிட்டாள் .என்பதை அவளது நாசியில் இருந்து வெளியேறிய சீரான மூச்சு காற்றில் தெரிந்து கொண்டவன் , கண் திறந்து தன் மார்பில்  துயில் கொண்டிருக்கும் மனைவியின் முகம் பார்த்தான் . கோபம் எல்லாம் எங்கோ  சென்றிருக்க , கழுத்தில் தன் உரிமையை எடுத்து கூறிய தாலியை எடுத்து முத்தமிட்டவன்  , அப்படியே தன்னவளின் நெற்றியிலும் முத்தமிட்டான் . அசையாமல் உறங்கிக்கொண்டிருந்தாள்.

” வரு “வெகு நாட்களுக்கு  பிறகு  இப்படி  அழைத்தான் , அவனது குரல் காதலில் குழைந்தது .

” ம்ம் ” மேகா லேசாக முனங்கியபடி தன் தூக்கத்தை தொடர்ந்தாள் . கண்களில் இருந்து கண்ணீர் வந்தது , இப்படி உறங்கும் பொழுதும் அழுகிறாளே ?அவனுக்கு சங்கடமாக இருந்தது ,“ப்ச் எதுக்கு டி அழுற ?” சிறு கோபத்துடன் வினவினான். மீண்டும் அவளிடம் இருந்து  சிறு முனங்கல் . சிணுங்கியபடி தன் மார்பில் முட்டி மோதியபடி உறங்கினாள் . செல்லமாக நெற்றியில் முட்டியவன்,

” ஐ லவ் டி வரு பேபி “என காதலோடு கூறினான். அவ்வளவு தான் ஏதோ கேட்க கூடாததை கேட்டபடி , கத்தியேவிட்டாள். இவன் உடனே கண்களை மூடி  தன் நடிப்பை தொடர ,

சுற்றும் முற்றும் பார்த்தவள்,  பூனை போல எழுந்துகொள்ள முயற்சிக்க , விட்டால் ஓடிவிடுவாள்  என்று எண்ணியவன் உடனே மனையாளின்  இடையை வளைத்து பிடித்து  கொண்டு உறக்கத்தை தொடர , அவன் பிடியில் இருந்து விடுபட போராடினாள் ,விடுவானா  அவன்?  ” தூங்கு ” என அவள் கழுத்தில் முகம் புதைத்தவன் அவளை இன்னும் தன்னுடன் அணைத்து கொண்டான் .

அவன் உறங்குகிறானா ?என சோதனை செய்து விட்டு,உறக்கத்தில் தான் இன்னும் இருக்கிறான் என்பதை உறுத்தி செய்தவள் , ” குளிக்கணும்  ” மெல்ல காற்று குரலில் கூறினாள் , மேலும் தன் முகத்தை அவளுக்குள் புதைத்தவன் ,” குளிக்கலாம் குளிக்கலாம் தூங்கு ” என்று இன்னும்  அவளுடன் நெருங்கி கொள்ள  , உடல் குலுங்கியது .

மீண்டும் அழுதாள்  ! எரிச்சலாய்  வர , அதே எரிச்சலுடன்  ” ப்ச் அழாம தூங்கு ” என்றவன் தன்னவளை தன் மார்பில் போட்டு கொண்டான் . பின்பு காலையில் சட்டை பட்டனை போட சொன்னான் , கணவன் தானே உடனே போட்டால் என்ன வம்பு வர போகிறது ? அதை விடுத்து  தயங்கவும்  ,சட்டையை போட சொல்லிவிட்டான்.

ஒழுங்காக போட்டு தொலைய வேண்டியது தானே . விரல்கள் தான் பட்டால் தான் என்ன ? சரி ஏன் அழுது தொலைய  வேண்டும்  ! அவ்வளவு  தான் மலையேறியவன் பயங்கரமாக  அவளிடம் கத்திவிட்டு  வெளியேறினான் . இவ்வாறு ஒவ்வொன்றையும்  நினைத்து பார்த்த அக்னிக்கு , அஷோக் பேசியதும்  நினைவிற்கு வர , அப்படியே சுவற்றில் சாய்ந்தபடி  வெகு நேரம் நின்றிருந்தான் .

காதில் தந்தையின் குரலும் , நிழலாடும் கடந்த காலம் ஒருபுறம் !

கண்முன் மேகாவின் கண்ணீர் நிறைந்த முகம் மறுபுறம் !

கையில் தாலியும் , நண்பனின் வார்த்தைகளும் !  என திரும்ப திரும்ப அவன் மனதிற்குள் குழப்பமாகவே இருக்க , கண்களை மூடி திறந்தவன் , மனைவின் முகம் பார்த்தான்! அழகு ஓவியமாய்  தன் மெத்தையில் படுத்திருந்தாள் . தீரனின் விழிகள்  கரைகாணமுடியா காதலுடன் மனைவியை ரசித்தது .

நேற்று இரவு போலவே இன்றும்  மனைவியின் காதில் காதல் பேசினான் .

”  வரு பேபி என்கிட்ட ஏன் டி இவ்வளவு தயக்கம் ” மெல்ல  கூந்தலை காதோரம் ஒதுக்கியவன் நுதலில் இதழ் பதித்து , 

அப்படியே கொஞ்சம் சரிந்து  தன்னவளின் மேல்  வீசிய  அவளது வாசனையை நன்றாக  மூச்சை இழுத்து தன் நாசியில் ஏற்றியவன் , தன் நெஞ்சுக்குள் பரப்பிக்கொண்டடு ,

” என்னை பார்த்து பயப்படாத டா ” என்றவன்  ஆசையுடன் அவள் கன்னத்தில் முத்தமிட , இப்பொழுது லேசாக  சிணுங்கியவள் மீண்டும் உறக்கத்தை தொடர,

” ஸ்லீப்பிங் பியூட்டி ” என செல்லமாக அவளது மூக்கை அசைத்தவன் ,” இந்த கண்ணுல இருந்து கண்ணீர் வரவே கூடாது பேபி , ஐ லவ் யு பேபி ” என்றவன் கண்களில் இதழ் பதித்து  நிமிர்ந்த பொழுது, அன்று போலவே இன்றும் மேகா அரண்டு கண்விழிக்க  , இவனோ ஏதும் அறியாதவன் போல  ‘ என்ன ?’ என்று  தன் புருவம் உயர்த்தி கேட்க  , அவன் கேட்ட தோரணையில்  சற்று பயந்தவள் ,’ இல்லை ‘ என  கண்களை விரித்து  வேகமாக தலையசைக்க  , அவளது கொஞ்சும் பார்வையில்  அனைத்தும் மறந்தவன் தன்னவளின் முகம் தாங்கி  விழிகளுடன் விழிகள் கலக்கவிட்டவன் , ஒரு வெப்பமூச்சுடன் வழக்கம்   போல தன்னவளின்  இதழில் இருந்து  முத்தத்தை களவாடி , முத்தமிட்டபடியே அறையில் இருந்த விளக்கை அணைத்தான்  ! தன்னவளையும் தான் ! 

அவள் கொடுத்தாளோ இல்லையோ ,ஆனால் அவன் எடுத்து கொண்டான் , அவள் தயங்கி விலக நினைத்த பொழுதும்  சரி ,அவள்  கண்களின் ஓரம் நீர் துளிர்த்த பொழுதும் சரி பெண்ணவளை மென்மையாக  கையாண்டவன் ,தனக்குள்  பற்றியெரிந்த  காதல் தீயுடன் தன்னவளை மொத்தமாக ஆட்கொண்டு பஸ்பமாக்கினான் .

கசப்பான  கடந்த காலத்தாலும்  , தீராத வலிகளாலும்    தன் சுயத்தை  தொலைத்து  பாரம் ஏறி ,இறுக்கமாக இருந்த  தீரனின் மனதை மேகாவின் அருகாமையும் , அவளது சபரிசமும்  காற்றில் பறக்க செய்திருக்க , திசை தெரியாமல், காரிருளில்  தொலைந்த எதையோ ,தேடி கொண்டிருந்தவனுக்கு ஒளி கொடுத்து வழிகாட்டியது  அவளுடனான இந்த கணம் . அழகான கூடலில் தன்னவளை கலைத்து அவளுடன் ஒன்றாக கலந்தவன்,  உயிர் தீண்டி ஓய்ந்த பொழுது  தன்னவளை மொத்தமாக அள்ளி  தன் மார்பில் போட்டு கொண்டு நெற்றியில் இதழ் பதித்து  இறுக்கமாக  அணைத்துக்கொண்டான் .  அவன் அணைப்பிலே அவளும் கண் அயர்ந்தாள் .

பெண்ணை விழுங்கிடும் நெருப்பாய் அவன் ! அவனை அணைக்கும்  மழையாய் அவள் !

இவள் எதிர் ! அவன் புதிர் ! அவன் பிழை ! இவள் மழலை !

அவள் அறியா உண்மைகள்  அவனிடம்  பல !  அவன் அறியா வலிகள் அவளுள் சில ! அவள் அவனை காதிலிக்கிறாளா  ?அது தெரியவில்லை!  அவன் அவளை முழுவதும்  ஏற்றுக்கொள்ள தயாராக இருக்கிறானா ?அவனுக்கே வெளிச்சம் !

மேகா  மற்றும்  தீரன் , இருவரையும்  சுற்றி இருக்கும் பிரச்சனைகள் கொஞ்சம் தீவிரமானது . அவர்களுக்கு எதிராக  வெட்டப்பட இருக்கும் புதைகுழி மிக ஆழமானது .

ஆனால் அவர்கள் இருவருக்குள் இருக்கும்  இந்த  பந்தம்  காதலையும்  தாண்டி புனிதமானது ! ஆழமானது ! தீவிரமானது ! உறுதியானது ! என்றும் அழியாதது !

தொடரும்