Oh Kadhal Kanmani 20

1390578_10151604979781082_2104819665_n

  காதல்  கண்மணி 20

–  நெமிரா

வணக்கம் நட்பூஸ் ,

விட்டு விட்டு கொடுத்தாலும் என்னை விட்டு கொடுக்காது நீங்கள் தரும் ஆதரவுக்கு மிக்க நன்றி .

ஓ  காதல்  கண்மணியின் அடுத்த பதிவோடு உங்களை சந்திப்பதில் எனக்கு மிக்க மகிழ்ச்சி …

படித்துவிட்டு உங்களது கருத்துக்களை தெரிவியுங்கள் …

இதுவரை  …..

மோனிஷாவின்  வதனம்  அர்ஜுனுடைய இரும்பு  மார்பில் புதைந்திருக்க , மென் கரங்களோ   அர்ஜுனை இறுக்கமாக   கெட்டி அணைத்திருந்தது….

இனி …..

மோனிஷாவின் மூச்சுக்காற்றின் வெப்பம் அவனது    மார்பை  உரச , அர்ஜுனை  மதிமயக்க செய்தது ! அணைக்கவும் முடியாமல் விலக்கவும் முடியாமல்  பெரும் உணர்ச்சி குவியலில்   சிக்குண்டு தவித்தான் !

அவளை அள்ளி அணைத்து தனதாக்கிக்கொள்ள  துடித்த தன் கரங்களை மிகச் சிரமப்பட்டு கட்டுப்படுத்தினான்  ! இதயம் வேறு தன் பங்கிற்கு எக்குத்தப்பாக துடிக்க விழிகளை இறுக்கமாக மூடிக் கொண்டான் .. கட்டுப்பாட்டை இழந்த இரும்புக் கரங்கள் அவளது சிகையை மென்மையாக வருடியது !

மேலும் விசும்பினாள் !அவள் அழுகிறாள் மூளை எச்சரித்தது ஏனோ அவனால் தாங்க முடியவில்லை மனதிற்குள் வலித்தது !

 

” கமான் மோனிஷா காம் டவுன் ! ஒன்னும் இல்ல ,எல்லாம் சரியாயிடும்”

 

” நான் இருக்கேன்ல ப்ளீஸ்  அழாத “

 

” இப்ச்  சொல்றேன்ல ப்ளீஸ் ” – அவன் சொல்ல சொல்ல அதிகமாக அழுதாள் !

 

என்ன செய்வதென்று புரியாமல் தன் அருகில் இருந்த தன் நண்பர்களை பார்த்து ‘ என்ன பண்றது  அழுதுட்டே இருக்கா ‘  என்று முகபாவனையோடு  கூற …

 

மகிழ்ச்சி கலந்த விஷமத்துடன்  புன்னகைத்தவர்கள்  ,’ ஆள் தி பெஸ்ட் ‘ என்பதை போல அர்ஜுனை கேலி பார்வை பார்த்தபடி  மெல்ல அங்கிருந்து செல்ல…

‘  விட்டுட்டு போகாதீங்க டா’  என்பதைப்போல் நண்பர்களை  பார்த்து முறைத்தான்  அர்ஜுன் .

 

மோனிஷா அழுவதை தாங்கி கொள்ளாத அர்ஜுன்  அவளை மெல்ல தன் மீதிருந்த  பிரித்து  … ஜிமிற்குள்  அழைத்து சென்று அமரவைத்து .. அவள் முன்பு  மண்டியிட்டபடி .

 

” ரிலாக்ஸ் மோனிஷா ப்ளீஸ் அழாத ”  – கரங்களை பற்றியபடி கூறினான் .

 

வேதனையுடன்  உதட்டை கடித்துக்கொண்டு  தலை கவிழ்ந்த படி  அமர்ந்திருந்தாள் .

 

” மோனிஷா ” – அமைதியாக  இருந்தாள்.

 

“மோ …னி…ஷா “-  மீண்டும் அழைத்தான் .

 

” பதில் சொல்லு பா “

 

” ——- ” –  அழுதாள் .

 

” எனக்காக ” – கெஞ்சினான்

 

நிமிர்ந்து  பார்த்தவளின் விழிகளுக்கு  அவனது  காயப்பட்ட  கரம் தெரிய  , பதறியவள் !

 

” என்னாச்சு இவ்வளவு ரத்தம் “- கரங்களை பிடித்தபடி அதிர்ச்சியில் கண்கள் விரிந்தன .

 

” நத்திங் ” – அப்பொழுது தான் வலியை உணர்ந்தவன் முகத்தை  சுளித்தான்.

 

” எப்படி  ஆச்சு அர்ஜுன் ” – தவிப்புடன் கேட்டாள் .

 

தன்னை எண்ணி வருந்துகிறாள் ! எண்ணும் பொழுதே மனம் மகிழ்ச்சியில்  கூச்சலிட்டது !

 

” சொல்லுங்க அர்ஜுன் ” – வற்புறுத்தினாள் ! நடந்ததை கூறினான் !

 

” என்னால தான் எல்லாம் “- விழிகள் மீண்டும் சிவந்தன .

 

” ஏய் நீ என்ன பண்ணுவ “

 

” சாரி அர்ஜுன் ” – விழிகள் கசிந்தன

 

” அழாத  மோனிஷா “

 

“————–” – உடைந்து அழுதாள் .

 

” சொல்றத கேளு பா ” –  கெஞ்சினான் .

 

பதில் ஏதும் கூறாதவள்  அழுதபடியே  அவனது கரத்தில் இருந்த  ரத்த கரையை  தன் துப்பட்டாவால்  துடைத்தவள் ,

பின்பு  தன் கைக்கொட்டை கொண்டு  அடிபட்ட இடத்தை  மென்மையாக கெட்டினாள் .

 

” சீக்கிரமா  ஃப்ர்ஸ்ட்  ஏய்ட் பண்ணுங்க அர்ஜுன் ”  – அக்கறையுடன்  கூறினாள் .

 

மெய்மறந்து  ரசித்தவனுக்கு   தன் பாட்டி ‘ ஒருநாள் உன்னை மட்டும் நேசிக்கிற  ஒரு பெண் வருவாள் ‘ என்று கூறியது நின்னைவிற்கு வர  இதழ் தானாக மலர்ந்தது .

ஆனாலும்  மோனிஷாவின் அழுகை மட்டும் குறைந்தபாடில்லை . எவ்வளவோ  அர்ஜுன் சமாதானம் கூறியும்  மோனிஷா  அழுது கொண்டே இருக்க ,

இதற்கு மேல் பொறுத்து கொள்ளாதவன் , அவளது மென் வதனத்தை தன் கரங்களில் ஏந்தினான் ! இருவிழிகளும் ஒன்றை ஒன்று  உரசிக்கொண்டன.

 

” அழாத  ப்ளீஸ் எனக்காக  ” – அவனுக்குள் ஒளிந்திருந்த மென்மை எட்டிப்பார்த்தது  .

 

“ம்ம்ம் ” – தலையை அசைத்தாள் . கலங்கிருந்த  விழிநீர் கீழே விழுவதற்கு  காத்துக்கொண்டிருந்தது .

நாசி சிவந்திருக்க …. மென் அதரம் துடித்தது !  கண்டதும் பித்தம் கொண்டான் !

செவ்விதழ் அழைத்த விருந்தில் தஞ்சம் கொண்டவன் , வஞ்சமின்றி  பருகி சுவைத்தான் !

துடித்த இதழ்களை  தன் இதழோடு பிணைத்துக்கொண்டான் !

அவளும் விலக்கவில்லை !அவனும் விலகவில்லை !

திடிரென்று உதிக்கும் எரிநட்சச்திரம் போல பட்டென்று  அவன் கொடுத்த முத்தம்  அவளது உயிர்வரை சென்று தீமூட்ட …  புரியாமல் பதறியவளின் உடல் நடுங்கியது ..

உணர்ந்துகொண்டவனின்  மனம் எச்சரிக்க தன் தவறை உணர்ந்தவன் சற்றென்று அவளை  விட்டு தள்ளி நிற்க , குற்றம் புரிந்த வேந்தனை போல் அவள் முன்பு தலை தாழ்த்தி நின்றான் ..

அவளது விழிகளில் இருந்து கண்ணீர் தாறுமாறாய் இறங்கியது உடல் நடுங்கியது  தேம்பி தேம்பி அழுதாள் ..

அர்ஜுனோ  கலங்கி தவித்தான் .

இருந்தும்  என்னவோ அவளிடம் மன்னிப்பு  கேட்கவோ , இந்த நிகழ்விற்கு  விளக்கம் கொடுக்கவோ  அவன் மனம் விரும்பவில்லை !

ஆனாலும் ஒருவித சங்கடம்  மனதிற்குள் குடிகொண்டது !

அர்ஜுன்  மோனிஷாவை  விட எத்தனையோ அழகிய பெண்களை தன் வாழ்நாளில்  சந்தித்திருக்கிறான் . ஆனால் ஒரு பொழுதும் அவன் தன் கட்டுப்பாட்டை இழந்தது  இல்லை !

அப்படி இருக்க இவளிடம் மட்டும் ஏன் ? தனக்கு தானே கேட்டுக்கொண்டான் …

” ஏன் என்றால் இவள்  உனக்கானவள்  ?”-  பட்டென்று  அவனது மனம் உண்மையை போட்டு  உடைத்தது ! 

மறு  நொடியே ,

” உன்னை போலவே அவளும்  என்ன வேண்டும் என்று அவசியம் ஒன்றும் இல்லையே !

அவள் மனதில் அப்படி ஒரு எண்ணம் இல்லாமல் இருந்தால்  என்ன செய்ய போகிறாய் அர்ஜுன் ? அவள் நிச்சயம்  உன்னை பற்றி தவறாய் எண்ணியிருக்க  வாய்ப்பு உள்ளது !

ஆயிரம் காரணம் நீ கூறினாலும் அடைக்கலம் நாடி வந்தவளிடம்  உன் உணர்ச்சிகளை காட்டியது மன்னிக்க முடியாத குற்றம் அர்ஜுன் ! என்ன செய்ய போகிறாய் ?” – என்று  அவனது மனசாட்சி  சாட்டையால்  அடித்தது ! அதீதமான படபடப்பு அவனை தொற்றிக்கொண்டது

தன்னை விட்டு  சில தூரம் தான் தள்ளி நிற்கிறாள் ! உள்ளம் ஏனோ கனத்தது !

அர்ஜுனுக்கு அவளிடம் பேசவே தயக்கமாக இருந்தது . சங்கடத்துடன்  அவளது முகத்தை பார்த்தான் !

அதிர்ச்சியில் இருந்து மீளாமல் தலை குனிந்த படி நின்றாள் மோனிஷா.

முதல் முறையாக அவள் தன்னை பற்றி தவறாக நினைத்திருப்பாளோ  என்று  எண்ணியவனுக்கு  உள்ளுக்குள் எதோ ஒரு படபடப்பு ! 

புதிதாய் இருந்தது ! அவனுக்கு புதிராய் ஆனது ! புரியாமல்  தவித்தான்  !

அவளது அழுகையும் நின்றபாடில்லை …

 

” புடிக்கலையா  ” – இரு பொருள் பட கேட்டான் … நிலவிய மௌனத்தை  கலைத்தது !

 

“————-” – மௌனமாய் நின்றாள்

 

” புடிச்சிருக்கா  ” – ப்ளீஸ் நோ சொல்லிடாத  மனதிற்குள் அவளிடம் பலமுறை  மன்றாடினான் .

 

” ம்ம்ம்  , தெரியல ! பயமா இருக்கு ! “- குரல் நடுங்கியது .

 

” ஏன் ” – புரியாமல் கேட்டான் .

” ரொம்ப புடிச்சிருக்கு அதான் ”  – குழப்பத்துடன் கூறினாள்.

 

” என் மேல கோபம் வரல “

 

” ம்ஹும் ” – தலையை குறுக்கே ஆட்டினாள்.

 

” திட்டணும்ன்னு தோணலை “

 

” ம்ஹும் ”

 

“உனக்குள்ளையே கேளு மோனிஷா உனக்கு பதில் கிடைக்கும் !  உன்னை நான் கம்பெல்  பண்ண மாட்டேன்  …  

இன்னைக்கு  ஈவினிங்  ஆறு மணிக்கு ஹோட்டல் பரடைஸ்ல உனக்காக நான்  வெயிட் பண்ணிட்டு இருப்பேன் .

 நீ என்ன முடிவு வேணும்னாலும்  எடுக்கலாம் … உன்னுடைய விருப்பம் … என்னை நீ  தண்டிக்கணும்ன்னு  நினைச்சாலும்  ஐயம்  ஓகே ” – என்றான் .

 

மோனிஷா பதில் கூறுவதற்குள் உள்ளே நுழைந்த ரோஹித் மற்றும் தர்ஷித் ”  பேசி முடிச்சிட்டீங்கன்னா  மேம் பார்க்க போகலாமா ” என்று கேட்கவும் 

மோனிஷாவின்   அழைப்பேசி தன்  இருப்பிடத்தை காட்டவும் சரியாக இருந்தது , அழைப்பை ஏற்றவள் சில நிமிடங்கள்  கழித்து .

 

” சின்ன விஷயம்  இப்போ வந்திர்றேன் அர்ஜுன் ”  என்றாள் முகத்தில் சிறு பதற்றம் தென்பட்டது

 

”  எல்லாம் ஓகே தான “

 

” ஆமா இப்போ வந்துருவேன்  ” என்றவள் அங்கிருந்து கிளம்பவும் ரோஹித்

 

” சரி மோனிஷா நீ நேர மேம் ரூம் பக்கம் வந்திரு ” என்று சொல்லி சரி என்பதாய் தலையசைத்தவள்  அர்ஜுனை பார்த்தபடி   அங்கிருந்து சென்றாள் .

 

லக்ஷ் ,கிருஷ் இருவரும் அழுது கொண்டிருக்கும்  ரக்ஷித்தாவை சமாதானம் செய்து கொண்டிருக்க பதற்றத்துடன் அவர்களிடம்  வந்த மோனிஷா  

 

” ஏன்  ரக்ஷிதா அழுதுட்டு இருக்க என்னாச்சு ? நீ அழுததும்  நான் பதறிட்டேன் ” தோழியின் அருகில் வந்து  அமர்ந்தபடி கேட்டாள் மோனிஷா 

 

” நீ மேம் கிட்ட பேச தான் போறியா “

 

” ஆமா ரக்ஷு  “

 

” வேண்டாம் மோனி “

 

” அர்ஜுன் பாவம் “

 

” வேண்டாம் மோனி ப்ளீஸ் “

 

” தப்பே பண்ணாம அவன் தண்டனை அனுபவிக்கிறான் “

 

” இப்போ நீ சொன்னா  நானும் தண்டனை  அனுபவிக்கனும் உனக்கு ஓகே வா “

 

” ரக்ஷு  உன் பேரு வராது உன்னை காட்டி குடுக்க மாட்டேன் “

 

” அர்ஜுனுக்கு எப்படியும் நான் தான் கம்ப்ளயிண்ட்  குடுத்தேன்னு  தெரிஞ்சிரும்   “

 

” நீ கவலை படாத  அர்ஜுன் கிட்ட நான் பேசிக்கிறேன்… நீ தான்னு தெரிஞ்சாலும்  உன்னை எதுவும் பண்ண மாட்டான் ..நீ என்னை நம்பு  “

 

” அவன் ரொம்ப மோசமானவன் மோனிஷா “

 

” இல்லை அவன் ரொம்ப நல்லவன் … நீ ஏன் அவசரப்பட்டு  கம்ப்ளயிண்ட் குடுத்த ?”

 

” உனக்காக தான் பண்ணினேன் .. ஆனா நீ அர்ஜுன் நல்லவன்னு சொல்ற அப்போ என்னை பத்தி உனக்கு கவலை இல்லையா ” – கோபத்துடன்  கேட்டாள் ரக்ஷிதா  

 

” அப்படி சொல்லாத ரக்ஷு நீ எனக்கு முக்கியம் “

 

” அப்போ மேம் கிட்ட நீ எதுவும் சொல்ல கூடாது  ” – கண்டிப்புடன் கேட்டாள்

 

” ரக்ஷு ப்ளீஸ் “

 

” அவன் க்ளாஸ்ல எல்லார் முன்னாடியும் எவ்வளவு  மோசமா நடந்துக்கிட்டான்  நீ அவன் நல்லவன்னு சொல்ற .. உனக்கு என்னாச்சு மோனிஷா “

 

” நீ கம்ப்ளயிண்ட்  பண்ணின மாதிரி அவன் என்கிட்ட நடந்துக்கவே இல்லை அப்படி இருக்கும் போது அவன் பாவம் தானே ரக்ஷு,

அவன் கேரக்டர எல்லாரும் கேள்வி கேட்குற  மாதிரி இருக்கு …

தப்பு ரக்ஷு!  செய்யாத தப்புக்கு அவனுக்கு இவ்வளவு பெரிய தண்டனையா ! வேண்டாம்  !

உன் பேரு வராது  ! அர்ஜுன் உன்னை ஒன்னும் பண்ண மாட்டான் “

 

” மோனிஷா சொல்றது சரின்னு தோணுது ரக்ஷு ” என்று லக்ஷ் கூற , அவனை இறுக்கமாக  முறைத்த ரக்ஷிதா

 

” அப்போ என்னை பத்தி உங்களுக்கு கவலையே இல்லல ” – விரக்தியுடன்  கேட்டாள் .

 

” அப்படி இல்லை ரக்ஷு புரிஞ்சிக்கோ ” – புரியவைக்க  முயன்றாள் மோனிஷா ..

 

” நீ முதல்ல புரிஞ்சிக்கோ  மோனிஷா , அர்ஜுன் ரொம்ப மோசமானவன்  . என் மேல நம்பிக்கை இல்லனா கிருஷ் சார் கிட்ட கேளு . சார் அவனை பத்தி எல்லாத்தையும்  என்கிட்ட சொன்னாரு ” – கிருஷை கை காட்டினாள் .

” ஆமா மோனிஷா அர்ஜுன் ரொம்ப டேஞ்சர் ஆனவன் … இதுக்கு முன்னாடியும்   ஒரு பொண்ணு கிட்ட தப்பா நடந்திருக்கான் ..

  தட்டி கேட்க போன என்னை அடிச்சி  … அதெல்லாம் சொல்ல முடியாத அளவுக்கு அவன் என்னை பண்ணிருக்கான் ..

பணக்காரன்  அவனை நாம ஒன்னும் பண்ண முடியாது …. நீ நினைக்கிற  மாதிரி அவன் ஒன்னும் நல்லவன் இல்லை …

அப்பாவி பொண்ணுங்கள ஏமாத்தி  அவன் வலையில விழ வைக்கிறது  அவனுக்கு ஒன்னும் புதுசு இல்லை  ”  –  ரக்ஷிதாவின்  மனதை கலைத்தது  போல மோனிஷாவின்  மனதையும்  அர்ஜுனுக்கு எதிராய் மாற்ற முடிந்தளவு  முயன்றான் கிருஷ் .

 

” சார் நீங்க எல்லாரும் அர்ஜுனை தப்பா நினைக்கிறீங்க  அவன் அப்படி இல்லை ” – – திடமாக கூறினாள் 

 

” சார் சொல்றாரு ,  நான் சொல்றேன்,  நீ அவனுக்கே சப்போர்ட் பண்ற உனக்கு என்ன ஆச்சு மோனிஷா  “-  படபடத்தாள்

 

” ரக்ஷிதா தான் அவன் மேல  கம்ப்ளயிண்ட்  குடுத்துன்னு  தெரிஞ்சா அவன் ரக்ஷிதாவை  என்ன வேணும்னாலும்  பண்ணலாம் …

உன்  ஃப்ரண்ட  காப்பாத்துறது  உன் கையில  தான் இருக்கு .. யார் முக்கியம்ன்னு  நீயே முடிவு பண்ணிக்கோ …

என்ன சொல்லணுமோ நான் சொல்லிட்டேன் இனிமேல்  உன் இஷ்டம் ” –  ரக்ஷிதாவை  காரணம் காட்டி மோனிஷாவை மேலும் சிந்திக்க விடாமல்  தடுத்தான் கிருஷ் .

 

” நான் உனக்கு முக்கியமா  ! முக்கியமில்லையா  !” – ரக்ஷிதா கேட்க

 

” இது என்ன கேள்வி முக்கியம் தான் “

 

“அப்போ நீ அர்ஜுனுக்கு சப்போர்ட் பண்ண கூடாது “

 

“அவன் பாவம் இல்லையா “

 

” இது அவன் காலேஜ் அவன் நினைச்சா வரலாம் , நினைச்சா போகலாம்,  யாரு கேட்ப்பாங்க .

அவனுக்காக பேச நிறைய பேர் இருக்காங்க .

ஆனா எனக்கு ஒன்னு நடந்தா யார் இருக்காங்க … கண்டிப்பா அவன் என்னை எதாவது பண்ணுவான்  !

அப்போ தான் உனக்கு அவனை பத்தி புரியும் ” – அழுதுகொண்டே ரக்ஷு அங்கிருந்து செல்ல … லக்ஷ் அவள் பின்னாலே செல்ல ….

 

 ”  ரக்ஷிதாக்கு  ஏதும் ஆக கூடாதுன்னா  அது உன் கையில தான் இருக்கு மோனிஷா ” – உணர்ச்சிப்பூர்வமான  அச்சுறுத்தலை  விடுத்தபடி  கிருஷ் அங்கிருந்து கிளம்பினான்  …

 

மோனிஷா பெரும் மனப்போராட்டத்தில்  மாட்டிக்கொண்டு தத்தளித்தாள்.

 

காயத்ரியின் அறைக்கு வெளியே ஒருவித தடுமாற்றத்துடன் காணப்பட்ட  மோனிஷாவை தனியே அழைத்த அர்ஜுன் ,

 

” எல்லாம் ஓகே தான பா “

 

” ஹான் … ஆமா அர்ஜுன் ” – பதற்றம்  அப்பட்டமாய்  தெரிந்தது

 

” மோனிஷா என்னவா இருந்தாலும் சொல்லு  நான் சால்வ் பண்றேன் “

 

” இல்லை அர்ஜுன் நல்லா இருக்கேன் ” –  குழப்பத்தை மறைத்தபடி கூறினாள் .

 

” இப்போ கூட உனக்கு விருப்பம் இல்லனா நீ மேம் கிட்ட பேச வேண்டாம் , யாரும் எதுவும் உன்னை சொல்லமாட்டாங்க ” – தன்மையுடன் கூறினான் .

 

ஒரு மனிதனுக்குள்  இவ்வளவு பெரிய மாற்றமா ! 

இன்று மதியம் நாம் பார்த்த அர்ஜூனுக்கும் இப்பொழுது நாம் பார்க்கும் அர்ஜூனுக்கும் எவ்வளவு வேற்றுமை ! 

ஒரு மனிதனால் எப்படி சற்றென்று தன் இயல்பில் இருந்து மாற இயலும் ? ஒருவேளை அவர்கள் அர்ஜுனை பற்றி கூறியது அனைத்தும் உண்மையா என்ன ?

ஆனால் அவன்  விழிகள் வேறொன்றை  கூறியதே  ! 

நம் மீது காட்டும் அக்கறை , சற்று நேரம் முன்பு அவன் நம்மிடம் நடந்து கொண்டது ! ஒட்டி உறவாடிய அந்த அழகிய தருணம்  அதுவும் நடிப்பா ? – கடிவாளம்  இடாத மனம் கட்டுப்பாடு இன்றி ஓடியது … கிருஷ் விதைத்த சந்தேகம் என்னும் விதை இப்பொழுது  துளிர்க்க  ஆரம்பித்தது .

 

” மோனிஷா நான் உன்னை நம்புறேன் ! நீயும் என்னை நம்பனும்  எதுவா இருந்தாலும் நீ என்கிட்ட சொல்லலாம் …

பட் என்கிட்ட இருந்து எதையும் மறைக்காத  ” – என்றான் அர்ஜுன் .

 

” நம்பணும்ன்னு தான் நினைக்கிறன் அர்ஜுன் ஆனா  … ” – என்று எண்ணியவள்  மிகுந்த குழப்பத்தில் ஆழ்ந்திருக்க …

 

ரோஹித்  காயத்ரி உள்ளே அழைப்பதாக  கூறி அர்ஜுன் மோனிஷா இருவரையும் அழைத்தான் ..

அர்ஜுனா ! ரக்ஷிதாவா !  என்கின்ற குழப்பத்துடன்  உள்ளே சென்றாள் மோனிஷா …

 

காதலில் சந்தேகம் ஓர்  அர்த்தமற்ற  உறவுக்கான  அறைகூவலாகும்  ! அது ஒரு கொடிய நோய்  ! மகிழ்ச்சியின் ஜென்ம எதிரி … 

மோனிஷா மஹிமா கிருஷின் வஞ்சக வலையில் வீழ்வாளா  ! வெல்வாளா !…

 

– தொடரும்