Thoda Thoda Thodarkathai–EPI 0

279485317_1072221666698500_7937966564952094877_n-18b1433f

தொடத் தொட தொடர்கதை

(இது என்னோட புது முயற்சி. ரொமெண்டிக் காமெடி தாண்டி பிசிக்கலோஜிக்கல் திரில்லர் ட்ரை பண்ணனும்னு ரொம்ப நாள் ஆசை. ஆதரவு கொடுப்பீங்கன்னு நம்பிக்கைல தொடங்கிட்டேன்.  இது 18+னு போட்டிருக்கேன். இதுல செக்‌ஷுவல் கண்டேண்ட் வருதுன்றதனால இதப் போடல, சில பல விஷயங்கள ஜீரணிச்சுக்க, புரிஞ்சுக்க பதினெட்டு வயசுக்கு மேல இருந்தா நல்லதுன்னு தோணுச்சு. அதுக்குத்தான் இந்த 18+. இதுல காமெடி வரலாம், வராமலும் போகலாம். எழுத எழுததான் எனக்கேத் தெரியும். சோ வாங்க, ஒன்னா பயணிக்கலாம். இப்படிப்பட்ட கதைப் பிடிக்காதவங்க, அடுத்த கதைல என் கூட பயணிங்க! சரியா டியர்ஸ்!!! கம், கம், கொன்னு கொன்னு வெளாடலாம்!!!!!)

 

அத்தியாயம் 0

 

இன்பம்

எங்குள்ளது????

பெண் உடலின் அங்கம், தங்கச் சுரங்கம்

இன்பம்

அங்குள்ளது!!!!

 

மனதில் திடீரென உதித்தக் கவிதையை எண்ணி மலர்ந்துப் போனது அவனது அழகிய வதனம். ஆம் அழகன்தான், சர்வ லட்சணமும் பொருந்திய ஆணழகன் அவன். திடகாத்திரமான தேகம், மயக்கி விழ வைக்கும் காந்தக் கண்கள், கருப்பும் அல்லாத வெளுப்பும் அல்லாத அழகிய நிறம், இன்னும் பேசமாட்டானா என ஏங்க வைக்கும் ரம் தடவிய சாரீரம், சிகரெட் படாத சிவந்த உதடுகள் எனக் கன்னியரின் மனதை கன்னாபின்னாவென கலங்கடிக்கக் கூடிய சர்வ வல்லமைப் படைத்த பிரம்மனின் சிறந்த படைப்பு அவன்.

ஏதோ ஒரு பாடலை ஹம்மிங் செய்தபடியே அந்த அறையின் ஒரு மூலையில் இருந்த மேசைக்கு சென்றான் இந்த அழகன். அங்கே அழகாய் வீற்றிருந்தது அவன் போற்றிப் பாதுகாக்கும் ரெக்கார்ட் ப்ளேயர். அதன் அருகில் இருந்த குட்டி அலமாரியில் பல ரெக்கார்டுகளை அடுக்கி வைத்திருந்தான் இவன். என்ன பாடலை ஒலிக்க விடலாம் என யோசித்தவாறே, அறையின் நடுவே அழகாய் போடப்பட்டிருந்த தேக்கு மரக் கட்டிலை நோக்கினான். அங்கே மல்லாக்கப் படுத்திருந்தாள் பெண்ணொருத்தி.

“கருப்பழகி!! உனக்கு என்னப் பாட்டு வேணும்?”

அவளிடமிருந்து எந்தச் சத்தமும் இல்லை.

“சொல்லேன் ப்ளிஸ்”

அப்பொழுதும் ஒரு பதில் இல்லை.

கட்டிலை நோக்கி நடந்தவன், படுத்திருந்தளின் கன்னத்தை பூவைத் தடவுவது போல மெல்லத் தடவினான்.

“டார்லிங்!”

“ஹ்ம்ம்!!”

“என்ன பாட்டுடா வேணும்?”

“ஹ்ம்ம்!”

“சொல்லுமா”

“ஹ்ம்ம்”

“எல்லாத்துக்கும் ஹ்ம்ம் தானா? சரி! ரெண்டு விரலைக் காட்டுவேனாம், அதுல ஒன்ன நீ தொடுவியாம்!”

“ஹ்ம்ம்”

அவளை தூக்கித் தன் மேல் சாய்த்துக் கொண்டவன், பெண்ணின் முகத்தை இடம் வலமாக அசைத்தான்.

“வி…டு!!!” என முனகியவள், சோம்பலாகக் கண்ணைத் திறந்தாள்.

“இந்த கட்டிலுக்கு வந்துட்டா, எல்லாமே லேடிஸ் சாய்ஸ்தான். என்ன பாட்டு வேணும்னு சொல்லிட்டுப் படுத்துக்கோடா சாமி” எனக் கொஞ்சினான் இவன்.

கண்கள் மீண்டும் சொருக,

“தூ..ங்க..னும்!” எனக் குழறினாள் இவள்.

“அச்சோ! தூங்கவாடா உன்னைக் கொண்டு வந்தேன்! கொண்டாடனும்டா, ராத்திரி முழுக்க உன்னைக் கொண்டாடனும்!”

மயங்கி கொடிப் போல அவன் மேல் சரிந்தவளை, இறுக்கிக் கொண்டான் இவன்.

“ப்பா! என்ன மணமா இருக்கத் தெரியுமா நீ!

‘உன் கழுத்தடியில்

காமன் வாசமோ(வாசனை/ குடியிருப்பு)!!!!!!’னு ரெண்டு வரி கவிதைச் சொல்லத் தோணுது கண்ணம்மா!”

அவளிடம் இருந்து எந்தப் பதிலும் வராமல் போக, அவளது லாவண்யமான அதரங்களில் அழுந்த முத்தமிட்டு மெல்ல கட்டிலில் சரித்தான் பெண்ணை.

“சுகர் போல இனிப்பா நீ இருக்கறதால உனக்கு பழைய ரெக்கார்ட்ல இருந்து ஆச்சியோட(Archie) சுகர், சுகர் பாட்டுப் போடறேன்” எனச் சிரித்தப்படி சொன்னவன், பாடலை ஒலிக்க விட்டான்.

“சுகர்

ஓ ஹனி ஹனி

யூ ஆர் மை கேண்டி கேர்ள்” எனப் பாடலோடு சேர்ந்துப் பாடியபடியே, மெல்ல ட்விஸ்ட் ஆடியபடி கட்டிலுக்குப் போனான் இந்தக் கலாரசிகன்.

ரிமோட் கொண்டு அறை விளக்கை அணைத்தவன், மேசை விளக்கை எரிய விட்டான். மஞ்சளாய் மின்னிய விளக்கொளியில் பாவையவள் பளபளவென ஜொலித்தாள்.

மந்தகாசப் புன்னகை இவன் முகத்தில்.

“லிஸ்ட்ல உள்ள பொண்ணுங்கள்ல நீ மட்டும்தான் சுமாரா இருக்க! சுமாரான உன்னை தொடப் போறத நினைச்சாலே அபின் அடிச்ச மாதிரி போதை ஏறுதே, மத்தப் பொண்ணுங்கள தொட்டா எப்படி இருக்கும்??? எந்தக் குடியும், கஞ்சாவும் குடுக்க முடியாத ராஜ போதை! இன்னிக்கு முழுக்க நான் அணு அணுவா ரசிச்சு ருசிக்கப் போற பேதை கொடுக்கும் போதை!”

மிதமான டேட் ரேப் ட்ரக் கொடுக்கப்பட்டிருந்த அந்தப் பெண்ணும் தன்னை மீறி அவனுக்கு ஒத்துழைக்க, அன்றைய இரவு காம களியாட்டங்களோடுக் களைக்கட்டியது.

ப்ரம்ம முகூர்த்த வேளை, ஆண்டவனை நம்புபவர்கள் எழுந்து, தொழுது, தியானிக்கும் தருணத்தை அப்பெண்ணின் மரணிக்கும் தருணமாய் நிர்ணயித்திருந்தான் அவன். பெண்ணவளை எழுப்பி, குளிப்பாட்டி, போதையில் இருந்து தெளிய வைத்தவன், கைகளைக் கட்டி நாற்காலியில் அமர்த்தினான்.

முழு விழிப்படைந்திருந்தவள், சிவந்திருந்த கண்களை சிமிட்டி சிமிட்டி அவனைப் பயப்பார்வைப் பார்த்தாள்.

“யார் நீ???” ஒழுங்காய் பேசக் கூட வரவில்லை கன்னியவளுக்கு.

“உனக்குத் தெரிய வேண்டிய அவசியம் இல்லடி கன்னுக்குட்டி! இது ஒரு பழையக் கணக்கு!”

“எ..என்ன?” எனத் திக்கியவளைச் சிரிப்புடன் பார்த்தான் இவன்.

நாற்காலி முன் மண்டியிட்டு அமர்ந்தவன்,

“மிஸ்டர் பெல்!!! எதாவது புரியுதா அத சொன்னா?” என நக்கலாய் கேட்டான்.

விழிகள் விரிந்தது இவளுக்கு.

“தனக்கு வேண்டியத எடுத்துக்கத் தெரியாத முட்டாள் அவன்! நான் முட்டாளில்ல! அவன் ஆரம்பிச்சத நான் முடிச்சு வைப்பேன்! ஒவ்வொருத்தியா முடிப்பேன்! ரசிச்சு அனுபவிச்சு முடிப்பேன்!” என்றவனின் அழகிய முகம் கொடூரமாய் மாறியது.

அழகனாய் இருந்தவன் நொடி நேரத்தில் அரக்கனாய்த் தெரிய, நடுங்கிப் போனாள் இவள்.

“விட்டுடு! அ..அதான்..எல்லாத்தையும்…முடிச்சிட்டியே!! விட்டுடு! யார் கிட்டயும் சொல்ல மாட்டேன்! எங்கயாச்சும் கண் காணாம ஓடிடறேன். ப்ளிஸ் விட்டுடு!” எனக் கதறியவளின் ஓலம் இவனுக்குப் பிடிக்கவில்லை.

“ம்ப்ச்! பொண்ணுங்க அழக் கூடாது ப்ளேக் ப்யூட்டி! அழும் போது அழகான முகம் அசிங்கமா மாறிடும்! ஐ டோண்ட் லைக் இட்!”

பயத்தில் வெலவெலத்தவளின் அழுகை இன்னும் கூடியது!

“ஷட் அப்!” என அறையே அதிரக் கத்தினான் அவன்.

கண்களில் கண்ணீர் வழிய, உதடு நடுங்க,

“விட்டுடு! விட்டுடு!” என ஜபம் போல முனகினாள் இவள்.

கண்களில் மரண பயம் தெரிய, உடல் தூக்கிப் போட அமர்ந்திருந்தவளின் கன்னம் தொட்டு,

“ஜென்மம் நிறைந்தது சென்றவர் வாழ்க

சிந்தை கலங்கிட வந்தவர் வாழ்க

நீரில் மிதந்திடும் கண்களும் காய்க

நிம்மதி நிம்மதி இவ்விடம் சூழ்க” என மெல்லியக் குரலில் பாடியபடியே அவள் கண்ணீரைத் துடைத்தவன்,

“இரவெல்லாம் என்னை சந்தோசமா வச்சிக்கிட்டதுக்கு நன்றி அன்பே!” என்றபடி பாக்கேட்டில் இருந்து மிகக் குட்டியான கத்தி ஒன்றை எடுத்தான்.

பெண்ணவளின் உச்சியில் இறுதி முத்தம் வைத்தவன், கையிலிருந்த கத்திக்கும் முத்தமிட்டான்.

“சென்று வா!” எனச் சொல்லி துடிதுடித்துக் கொண்டிருந்த அவளது கழுத்து நரம்பை பட்டெனக் கீறி விட்டான்.

அவள் துள்ளி, நாற்காலியோடு கீழே விழுந்து கதறித் துடிப்பதை அமைதியாக சப்பளங்காலிட்டு அமர்ந்து ரசிக்க ஆரம்பித்தான். ரத்தம் கொட்டி, பின் சொட்டி உயிர் துடித்து அடங்கிப் போகும் வரை அப்படியே அமர்ந்திருந்தான் அவன்.

எல்லாம் முடிந்து ரத்த வெள்ளமாகிக் கிடந்த கார்ப்பேட்டைப் பார்த்தவன்,

“கம்பளம் போச்சே!!!!” எனச் சோகமாகச் சொல்லி கலகலவென நகைத்தான்.

 

தொடுவான்…..